မၤတၢ် 3:22 - Sgaw Karen Common Bible

²² အဂ့ၢ်ဒ်အံၤ, စီၤမိၤၡ့စံးဝဲ ‘ကစၢ်ယွၤသုကစၢ်ကဒုးအိၣ်ထီၣ်ဝံတဂၤဟဲဆူသုအိၣ်ဒ်အမၢလီၤ ယၤအသိးန့ၣ်လီၤ. ဝံအဝဲန့ၣ်ကမ့ၢ်သုပှၤကလုာ်ဒၣ်သုဝဲ, ဒီးသုကဘၣ်စူၢ်အကလုၢ်ကိးထံၣ်ကိးဘီဒဲးန့ၣ်လီၤ.

မၤတၢ် 3:22 Iomraidhean Croise

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်လူၤကၣ် 13:33

မ့ၢ်နာ်သက့ဒ်န့ၣ်ဒီး, တနံၤအံၤ, ခဲမုၢ်ဆ့ၣ်ဒီးလၢခံတနံၤန့ၣ်, ယကဘၣ်လဲၤတၢ်လီၤ. အဂ့ၢ်ဒ်အံၤ, မ့တမ့ၢ်လၢဝ့ၢ်ယရူၤၡလ့ၣ်ဘၣ်ဒီး, ဝံတဂၤတကြၢးဘၣ်တၢ်မၤသံအီၤလၢတၢ်လီၢ်နီတတီၤဘၣ်.

လံာ်လူၤကၣ် 24:19

အဝဲသံကွၢ်ဝဲ, “တၢ်မနုၤတဖၣ်လဲၣ်.” အဝဲသ့ၣ်စံးဆၢဝဲ, “တၢ်လၢအမၤတ့ၢ်အသးဒီးပှၤနစၤရ့းဖိယ့ၣ်ၡူးအဂ့ၢ်တဖၣ်န့ၣ် လီၤ. ပှၤတဂၤအံၤမ့ၢ်ဝဲဝံတဂၤ, ဒီးကစၢ်ယွၤဒီးပှၤဂီၢ်မုၢ်ခဲလၢာ်ပာ်အီၤဒ် အအိၣ်ဒီးတၢ်စိတၢ်ကမီၤလၢ တၢ်စံးတၢ်ကတိၤဒီးတၢ်ဖံးတၢ်မၤန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 12:46

ယဟဲနုာ်ဆူဟီၣ်ခိၣ်ချၢဒ်တၢ်ကပီၤအသိး, ဒ်သိးပှၤလၢအစူၢ်က့ၤနာ်က့ၤယၤတဂၤလၢ်လၢ်န့ၣ်, အသုတအိၣ်လၢၤလၢတၢ်ခံးကျါတဂ့ၤအဂီၢ်လီၤ.

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

မၤတၢ် 7:37

စီၤမိၤၡ့မ့ၢ်ပှၤလၢအစံးဘၣ်ပှၤအံၣ်စရ့လးဖိတဖၣ်, ‘ကစၢ်ယွၤကမၢလီၤဝံတဂၤလၢအကဟဲဆူသုအိၣ်, ဒ်အမၢလီၤယၤအသိး, ဒီးအဝဲဒၣ်ကမ့ၢ်ပှၤလၢ သုပှၤကလုာ်ဒၣ်ဝဲအကျါတဂၤလီၤ.’

ရိမ့ၤ 8:3

မ့ၢ်လၢပှၤကညီအန့ဆၢၣ်အဂံၢ်စၢ်ဘါစၢ်အဃိ, တၢ်လၢတၢ်သိၣ်တၢ်သီမၤတသ့ဘၣ်န့ၣ်ကစၢ်ယွၤမၤဝဲလီၤ. အဝဲစံၣ်ညီၣ်ဃၣ်တၢ်ဒဲးဘးလၢပှၤကညီအန့ဆၢၣ်အပူၤ, ခီဖျိအတၢ်ဆှၢလီၤအဖိခွါဒၣ်ဝဲအိၣ်ဒီးန့ဆၢၣ်လၢအမ့ၢ် ပှၤကညီအတၢ်ဒဲးဘးအန့ဆၢၣ်ဒ်သိးအကတြူာ် ကွံာ်တၢ်ဒဲးဘးအဂီၢ်န့ၣ်လီၤ.

ရိမ့ၤ 9:5

အဝဲသ့ၣ်ဟဲလီၤစၢၤလၢပၢ်သ့ၣ်လၢပျၢၤဒီးခရံာ်လၢ အလိၣ်ထီၣ်အသးဒ်ပှၤကညီတဂၤအသိးန့ၣ်, မ့ၢ်ပှၤ တကလုာ်ဃီဒီးအဝဲသ့ၣ်လီၤ. မ်ကစၢ်ယွၤလၢအပၢ တၢ်ခဲလၢာ်တဂၤ, ဘၣ်တၢ်စံးထီၣ်ပတြၢၤအီၤလီၤ စိၤလီၤထီတက့ၢ်. အၤမ့ၣ်.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

ဧ့ၤဘြံၤ 2:1

လၢတၢ်န့ၣ်အဃိပကဘၣ်ဟံးဃာ်တၢ်မ့ၢ်တၢ်တီလၢပနၢ်ဟူ တ့ၢ်လံတဖၣ်ကျၢၤန့ၢ်အလီၢ်တက့ၢ်ဒ်သိးဒီးပသုတဘၣ် တၢ်စိာ်ကွံာ်ပှၤတဂ့ၤအဂီၢ်န့ၣ်လီၤ.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,