မၤတၢ် 3:17 - Sgaw Karen Common Bible

¹⁷ ဒီးခဲကနံၣ်အံၤယဒီပုၢ်ဝဲၢ်သ့ၣ်ဧၢ, ယသ့ၣ်ညါလၢတၢ်လၢသုဝဲဒီးသုခိၣ်သုနၢ်တဖၣ်မၤဘၣ်ယ့ၣ်ၡူး န့ၣ်, မ့ၢ်ဒၣ်လၢသုတသ့ၣ်ညါဘၣ်အဃိလီၤ.

မၤတၢ် 3:17 Iomraidhean Croise

လံာ်တၢ်ကဲထီၣ်အခီၣ်ထံး 21:26

စီၤအဘံးမ့လ့းစံးဝဲ, “ပှၤလၢအမၤတၢ်အံၤန့ၣ်ယတသ့ၣ်ညါဘၣ်. နတတဲယၤတၢ်မၤအသးအံၤန့ၣ်ဘၣ်. ဒီးတၢ်အံၤမ့ၢ်အဆိ ကတၢၢ်တဘျီလၢယနၢ်ဟူဘၣ်အီၤန့ၣ်လီၤ.”

လံာ်တၢ်ကဲထီၣ်အခီၣ်ထံး 39:8

အဝဲဂ့ၢ်လိာ်ဝဲဒီးစံးဘၣ်အီၤ, “ကွၢ်, ယကစၢ်တမၤတံာ်တာ်အသး ဒီးတၢ်အိၣ်လၢဟံၣ်ပူၤနီတမံၤဘၣ်, မ့ၢ်လၢယအိၣ်ဖဲအံၤအဃိလီၤ. အဝဲပာ်လီၤယၤလၢပှၤပၢၤဘၣ်တၢ် ကိးမံၤဒဲးလၢအအိၣ်ဒီးအီၤန့ၣ်လီၤ.

လံာ်တၢ်ကဲထီၣ်အခီၣ်ထံး 44:15

ဒီးစီၤယိၤသးစံးဝဲ, “သုမၤတ့ၢ်တၢ်ဒ်လဲၣ်. မ့ၢ်သုတသ့ၣ်ညါဘၣ်လၢပှၤအိၣ်လၢတၢ်လီၢ်တၢ်လၤဒ်ယၤအံၤ, ကသ့ၣ်ညါတၢ်လၢသုမၤ, မ့ၢ်လၢအဖးတၢ်ခူသူၣ်သ့အဃိ န့ၣ်ဘၣ်ဧါ.”

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်တၢ်ဂံၢ် 22:6

အဝဲသ့ၣ်အနီၣ်ဂံၢ်အါန့ၢ်ဒံးပှၤအဃိ, ဝံသးစူၤဟဲဒီးဆိၣ်အၢ အဝဲသ့ၣ်လၢယဂီၢ်တက့ၢ်. အန့ၣ်ဒီးဘၣ်သ့ၣ်သ့ၣ်ပမၤနၢၤကွံာ်အဝဲသ့ၣ်ကသ့ဒီးနီၣ်ဟးထီၣ် ကွံာ်အီၤလၢပထံပကီၢ်အပူၤကန့ၢ်န့ၣ်လီၤ. ယသ့ၣ်ညါလၢဖဲနယၢၤထီၣ်တၢ်ဆိၣ်ဂ့ၤတထံၣ်န့ၣ်ပှၤဂီၢ်မုၢ်ဘၣ်ဆိၣ် ဂ့ၤဝဲဒီးဖဲနယၢၤထီၣ်တၢ်ဆိၣ်အၢတထံၣ်န့ၣ်အဝဲသ့ၣ်တုၤလၢတၢ် ဆိၣ်အၢအပူၤန့ၣ်လီၤ

လံာ်လူၤကၣ် 23:13

စီၤပံၤလးကိးဖှိၣ်ပှၤလုၢ်တၢ်အခိၣ်အဒိၣ်တဖၣ်, ပှၤခိၣ်ပှၤနၢ်တဖၣ်, ဒီးပှၤဂီၢ်မုၢ်တဖၣ်,

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 16:3

ပှၤကမၤသုဒ်သိးအံၤမ့ၢ်လၢအဝဲသ့ၣ်တသ့ၣ်ညါတ့ၢ်ပၢ်မ့ၢ်ဂ့ၤ, ယၤမ့ၢ်ဂ့ၤအဃိန့ၣ်လီၤ.

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

မၤတၢ် 22:5

ပှၤလုၢ်တၢ်အခိၣ်အဒိၣ်ကတၢၢ်ဒီးကီၣ်ကးဒီဖုညါန့ၣ်အုၣ် အသးသ့ဝဲလၢယကတိၤတၢ်မ့ၢ်တၢ်တီန့ၣ်လီၤ. ယဒိးန့ၢ်ဘၣ်အဝဲသ့ၣ်အတၢ်ပရၢလၢအကွဲးဝဲဆူပှၤ ယူဒၤဖိဒ်သိးဒီးအီၤလၢအအိၣ်ဖဲဝ့ၢ်ဒၤမ့ၤစ့းတဖၣ် အအိၣ်, သတးဒီးယလဲၤဖဲန့ၣ်ဒ်သိးယကဖီၣ်ပှၤပိာ် ယ့ၣ်ၡူးခရံာ်အကျဲတဖၣ်န့ၣ်, စၢဃာ်အီၤလၢပျံၤထးဒီးဟဲက့ၤကိးအီၤဆူဝ့ၢ်ယရူၤၡလ့ၣ် လၢတၢ်စံၣ်ညီၣ်အဂီၢ်န့ၣ်လီၤ.

မၤတၢ် 26:9

ယနီၢ်ကစၢ်ဒၣ်ယဲယဆိကမိၣ်တ့ၢ်လၢယကဘၣ်ဂုာ်ကျဲးစၢးထီဒါ ပှၤနစၤရ့းဖိယ့ၣ်ၡူးအမံၤဖဲတၢ်သ့အိၣ်ဒီးယၤန့ၣ်လီၤ.

မၤတၢ် 28:21

အဝဲသ့ၣ်စံးဘၣ်အီၤ, “ပတဒိးန့ၢ်တ့ၢ်တၢ်ပရၢလၢကီၢ်ယူဒၤဘၣ်ဃးနဂ့ၢ်နီတဘ့ၣ်ဘၣ်. ပဒီပုၢ်ဝဲၢ်ပှၤယူဒၤဖိသကိးပှၤယူဒၤဖိဒ်ပှၤတဟဲစိာ်စ့ၢ်ကီးတၢ် ကစီၣ်ဖဲန့ၣ်လၢအကတိၤအၢနဂ့ၢ်နီတမံၤဘၣ်.

မၤတၢ် 7:40

အန့ၣ်ဒီးအဝဲသ့ၣ်စံးဘၣ်စီၤအၤဟရိၣ်, ‘မၤန့ၢ်ပှၤကစၢ်တဖၣ်လၢကပၢကဆှၢပှၤအဂီၢ်န့ၣ်တက့ၢ်. စီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူးအပူၤတဂၤအံၤ, မ့ၢ်တၢ်မၤအသးဒီးအီၤဒ်လဲၣ်န့ၣ်ပတသ့ၣ်ညါလၢၤဘၣ်.’

ရိမ့ၤ 11:2

ကစၢ်ယွၤတညိကွံာ်အပှၤကလုာ်လၢအဃုထၢပာ်ဝဲလၢအခီၣ်ထံး လံၤလံၤန့ၣ်ဘၣ်. သုသ့ၣ်ညါတၢ်ကွဲးအသးစီဆှံဘၣ်ဃးဝံအ့ၤလံယၤ အတၢ်ဃ့သကွံၢ်ကညးကစၢ်ယွၤထီဒါအံၣ်စရ့လးလၢအစံးဝဲ,

1 ကရံၣ်သူး 2:8

ပှၤပၢတၢ်ပြးတၢ်လၢဟီၣ်ခိၣ်တဘ့ၣ်အံၤအပူၤတသ့ၣ်ညါ တၢ်ကူၣ်ဘၣ်ကူၣ်သ့အဝဲအံၤနီတဂၤဘၣ်. အဝဲသ့ၣ်မ့ၢ်သ့ၣ်ညါ တ့ၢ်ဝဲန့ၣ်, တမ့ၢ်လၢအဝဲသ့ၣ်ကပျၤထီတၢ်လၤကပီၤအကစၢ် လၢထူၣ်စုညါအလိၤဘၣ်.

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

ဖံလံးပံၤ 1:22

ဘၣ်ဆၣ်ဒီး, လၢယအိၣ်မူဒံးယဲဆူညါအဃိ, ယမၤတၢ်လၢအဘျုးအိၣ်တဖၣ်မ့ၢ်သ့ဒိၣ်တက့ၢ်န့ၣ်, ယကြၢးဃုထၢဖဲလဲၣ်တမံၤလဲၣ်န့ၣ်ယတသ့ၣ်ညါလီၤတံၢ်ဘၣ်.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.