မၤတၢ် 3:16 - Sgaw Karen Common Bible

¹⁶ ခီဖျိယ့ၣ်ၡူးအမံၤအစိကမီၤန့ၣ်, ပှၤလၢအခီၣ်ဟးဂီၤတဂၤအံၤအဂံၢ်အဘါဆူၣ်ထီၣ်ဝဲဒၣ်လီၤ. တၢ်လၢသုထံၣ်ဒီးသ့ၣ်ညါဘၣ်အံၤန့ၣ်, ဘၣ်တၢ်မၤအီၤခီဖျိလၢတၢ်စူၢ်တၢ်နာ်ယ့ၣ်ၡူးအမံၤအဃိန့ၣ် လီၤ. မ့ၢ်အစူၢ်အနာ်ယ့ၣ်ၡူးအဃိတၢ်ဒုးအိၣ်ဆူၣ်အိၣ်ချ့ထီၣ်က့ၤအီၤ, ဒ်သုထံၣ်ဘၣ်အသိးန့ၣ်လီၤ.

မၤတၢ် 3:16 Iomraidhean Croise

လံာ်မးသဲ 14:29

ယ့ၣ်ၡူးစံးဝဲ, “ဟဲတက့ၢ်.” အန့ၣ်ဒီးစီၤပ့းတရူးစံၣ်လီၤလၢချံအလိၤ, ဒီးဟးဝဲဒၣ်လၢထံဖံးခိၣ်ဆူယ့ၣ်ၡူးအအိၣ်လီၤ.

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

လံာ်ယိၤဟၣ် 14:12

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအစူၢ်က့ၤနာ်က့ၤယၤန့ၣ် တၢ်မၤလၢယမၤန့ၣ်ကမၤဝဲဒီး, ကမၤတၢ်ဒိၣ်န့ၢ်တၢ်တဖၣ်အံၤ တက့ၢ်, မ့ၢ်လၢယကက့ၤဆူပၢ်အအိၣ်အဃိန့ၣ်လီၤ.

လံာ်ယိၤဟၣ် 7:23

ပှၤတဂၤမ့ၢ်ဘၣ်တၢ်ကူးတရံးအီၤလၢမုၢ်အိၣ်ဘှံးနံၤဒ်သိး စီၤမိၤၡ့အတၢ်သိၣ်တၢ်သီဘၣ်ဃးတၢ်ကူးတရံးအံၤအသု တဘၣ်တၢ်လုၣ်သ့ၣ်ခါပတာ်အီၤတဂ့ၤဒီး, ဘၣ်မနုၤအဃိသုသးဒိၣ်ယၤလၢယမၤဘျါက့ၤပှၤတဂၤ ဂ့ၤဂ့ၤဘၣ်ဘၣ်လၢမုၢ်အိၣ်ဘှံးအနံၤန့ၣ်လဲၣ်.

မၤတၢ် 14:9

အဝဲဆ့ၣ်နီၤဖဲန့ၣ်ဒီးဒိကနၣ်စီၤပီလူးအတၢ်စံးတၢ်ကတိၤ တဖၣ်လီၤ. စီၤပီလူးကွၢ်ထံကွၢ်ဆးအီၤ, ဒီးထံၣ်လၢအဝဲဒၣ်အိၣ်ဒီးတၢ်စူၢ်တၢ်နာ်လၢတၢ်ကမၤဘျါ က့ၤအီၤအဂီၢ်အဃိ,

မၤတၢ် 16:18

ဒီးမၤဝဲဒ်အံၤအါနံၤအါသီ, တုၤစီၤပီလူးအသးဒိၣ်ထီၣ်ဒီးဃၣ်တရံးအသးဒီးစံးဘၣ်တၢ်နါန့ၣ်, “လၢယ့ၣ်ၡူးခရံာ်အမံၤအပူၤန့ၣ်, ယဟ့ၣ်လီၤယကလုၢ်လၢနကဟးထီၣ်ကွံာ်လၢပိာ်မုၣ်အံၤ အပူၤလီၤ.” တဘျီဃီဖဲန့ၣ်တၢ်နါဟးထီၣ်ကွံာ်လၢအပူၤလီၤ.

မၤတၢ် 3:6

ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”

မၤတၢ် 3:8

အန့ၣ်သတးဒီးအဝဲဒၣ်စံၣ်ထီၣ်ဝဲဒီးဆၢထၢၣ်လၢအခီၣ်, ဒီးဟးထီၣ်ဝဲဆူအံၤဆူဘးလီၤ. အန့ၣ်ဝံၤဒီးလဲၤသကိးဝဲဒီးအဝဲသ့ၣ်ခံဂၤန့ၣ်ဆူတၢ်လုၢ်ဟံၣ် ပူၤ, ဟးဝဲ, စံၣ်ထီၣ်ဝဲ, ဒီးစံးထီၣ်ပတြၢၤကစၢ်ယွၤလီၤ.

မၤတၢ် 4:10

သုဝဲခဲလၢာ်သုကြၢးသ့ၣ်ညါ, ဒီးပှၤအံၣ်စရ့လးဖိခဲလၢာ်ကြၢး သ့ၣ်ညါဝဲလၢ, ပှၤတဂၤအံၤအိၣ်ဆၢထၢၣ်ပှဲၤဂံၢ်ပှဲၤဘါလၢသုမဲာ်ညါဖဲအံၤ န့ၣ်ခီဖျိပှၤနစၤရ့းဖိယ့ၣ်ၡူးအမံၤအစိကမီၤအဃိန့ၣ်လီၤ. ယ့ၣ်ၡူးခရံာ်မ့ၢ်ပှၤလၢသုပျၤထီအီၤလၢထူၣ်စုညါအလိၤ, ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ.

မၤတၢ် 4:30

ယူာ်ထီၣ်နစုလၢတၢ်မၤဘျါက့ၤတၢ်အဂီၢ်, ဒီးလၢတၢ်မၤတၢ်လီၤလးဒီးတၢ်ပနီၣ်လီၤလးတဖၣ်အဂီၢ်, ခီဖျိနခ့နပှၤစီဆှံယ့ၣ်ၡူးအမံၤန့ၣ်တက့ၢ်.”

မၤတၢ် 4:7

အဝဲသ့ၣ်မၢတၢ်မၢဖိတဖၣ်န့ၣ်ဆၢထၢၣ်လၢအဝဲသ့ၣ်အမဲာ်ညါ ဝံၤသံကွၢ်ဝဲ, “သုမၤတၢ်အံၤခီဖျိတၢ်စိတၢ်ကမီၤမနုၤမ့တမ့ၢ်ခီဖျိ မတၤတဂၤအမံၤလဲၣ်.”

ရိမ့ၤ 3:22

ကစၢ်ယွၤပာ်တီပာ်လိၤပှၤဟီၣ်ခိၣ်ဖိခီဖျိအဝဲသ့ၣ်အတၢ်စူၢ်တၢ်နာ် ယ့ၣ်ၡူးခရံာ်န့ၣ်လီၤ. ကစၢ်ယွၤမၤတၢ်အံၤလၢပှၤလၢအစူၢ်က့ၤနာ်က့ၤခရံာ်ကိးဂၤဒဲးအဂီၢ်, မ့ၢ်လၢတၢ်လီၤဆီတအိၣ်ဘၣ်လၢပှၤယူဒၤဖိဒီးပှၤကလုာ်ဂၤ တဖၣ်အဘၢၣ်စၢၤအဃိလီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.