မၤတၢ် 3:14 - Sgaw Karen Common Bible

¹⁴ အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

မၤတၢ် 3:14 Iomraidhean Croise

စံးထီၣ်ပတြၢၤ 16:10

အဂ့ၢ်ဒ်အံၤ, နကဟုကယာ်ယၤလၢ တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ, ဒီးနတစူးကွံာ်ညိကွံာ်ပှၤလၢအအဲၣ်နၤ, ဆူတၢ်သံအကီၢ်ပူၤန့ၣ်ဘၣ်.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 27:20

ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ် တဖၣ်လွဲကညးန့ၢ်ပှၤဂီၢ်မုၢ်တဖၣ်လၢအကဃ့စီၤပံၤလး, ဒ်သိးအကပျၢ်န့ၢ်အဝဲသ့ၣ်လၢစီၤဘၤရးဘါဒီးမၤသံကွံာ် ယ့ၣ်ၡူးအဂီၢ်န့ၣ်လီၤ.

လံာ်မၢ်ကူး 1:24

အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်မၢ်ကူး 15:11

ဘၣ်ဆၣ်ဒီးပှၤလုၢ်တၢ်အခိၣ်အဒိၣ်တဖၣ်သဆၣ်ထီၣ်ပှၤဂီၢ်မုၢ် အခံလၢအကဃ့စီၤပံၤလးလၢကပျၢ်ပူၤဖျဲးန့ၢ်အဝဲသ့ၣ်လၢ စီၤဘၤရးဘါတခီန့ၣ်လီၤ.

လံာ်မၢ်ကူး 15:7

အကတီၢ်ဖဲန့ၣ်လၢဃိာ်ပူၤ, ပှၤလၢအပူထီၣ်တၢ်ဒီးမၤသံဘၣ်ပှၤ ကညီလၢတၢ်တၢထီၣ်တၢလီၤအပူၤတဖၣ်အကျါ, ပှၤအိၣ်ဝဲတဂၤလၢအမံၤမ့ၢ်စီၤဘၤရးဘါန့ၣ်လီၤ.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 23:25

အဝဲဒၣ်ပျဲလီၤကွံာ်ပှၤတဂၤလၢအဝဲသ့ၣ်အဲၣ်ဒိးဝဲ, ပှၤတဂၤလၢအဘၣ်တၢ်ဒၢနုာ်တ့ၢ်အီၤလၢဃိာ်ပူၤလၢ အမၤတၢထီၣ်တၢလီၤတၢ်ဒီးမၤသံတၢ်အဃိ, ဒီးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ, ဒ်သိးအကမၤအီၤဖဲအသးဒၣ်ဝဲန့ၣ်လီၤ.

လံာ်ယိၤဟၣ် 16:10

လၢတၢ်အမ့ၢ်အတီအဂ့ၢ်, မ့ၢ်လၢယလဲၤဆူပၢ်အအိၣ်ဒီး သုတထံၣ်ဘၣ်လၢၤယၤဘၣ်အဃိန့ၣ်လီၤ.

လံာ်ယိၤဟၣ် 18:40

အဝဲသ့ၣ်ကိးပသူထီၣ်ဒီးစံးဝဲ, “တမ့ၢ်ဘၣ်. တမ့ၢ် အဝဲဘၣ်. ပသးလီစီၤဘၤရးဘါန့ၣ်လီၤ.” (စီၤဘၤရးဘါမ့ၢ် တမျာ်တဂၤန့ၣ်လီၤ.)

မၤတၢ် 13:28

ဒီးအဝဲသ့ၣ်တထံၣ်န့ၢ်တၢ်ဂ့ၢ်တၢ်ကျိၤလၢအကစံၣ်ညီၣ် သံယ့ၣ်ၡူးအဂီၢ်နီတမံၤသနာ်က့, မၢဆူၣ်စီၤပံၤလးလၢအကစံၣ်ညီၣ်သံအီၤန့ၣ်လီၤ.

မၤတၢ် 2:27

အဂ့ၢ်ဒ်အံၤ, နတပာ်တ့ၢ်ကွံာ်ယသးသမူလၢ ပှၤသံတဖၣ်အကီၢ်ပူၤဘၣ်. နတပျဲစ့ၢ်ကီးနခ့နပှၤလၢအသးတီဒီးနၤ ကအုၣ်သံကျၣ်သံန့ၣ်ဘၣ်.

မၤတၢ် 22:14

စီၤအနၤနံစံးဘၣ်ယၤ, ‘ကစၢ်ယွၤလၢပပၢ်လၢပျၢၤတဖၣ်ဘူၣ်ထီၣ်ဘါထီၣ်အီၤ တဂၤန့ၣ်, ဃုထၢတ့ၢ်နၤဒ်သိးနကသ့ၣ်ညါအတၢ်ဘၣ် အသး, နကထံၣ်ဘၣ်အခ့တီပှၤလိၤတဂၤ, ဒီးနၢ်ဟူဘၣ်အကတိၤတၢ်လၢအကလုၢ်ဒၣ်ဝဲန့ၣ်လီၤ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.

မၤတၢ် 5:28

“ပမၤလိာ်သုသပှၢ်ပှၢ်လၢသုတဘၣ်သိၣ်လီၤသီလီၤတၢ်လၢပှၤ တဂၤအံၤအမံၤတဂ့ၤန့ၣ်လီၤ. ဘၣ်ဆၣ်ဒီး, ခဲအံၤသုမၤတ့ၢ်တၢ်မနုၤလဲၣ်. သုတၢ်သိၣ်လီၤသီလီၤန့ၣ်သုရၤလီၤအီၤပှဲၤလၢဝ့ၢ်ယရူၤၡလ့ၣ်အပူၤ ဒီးသုအဲၣ်ဒိးပာ်အဝဲဒၣ်အသွံၣ်လၢပလိၤန့ၣ်လီၤ.”

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

ယၤကိာ် 5:6

သုစံၣ်ညီၣ်ဒီးမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးအဝဲသ့ၣ်တခီၣ်ဆၢသုဘၣ်.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.