မၤတၢ် 3:12 - Sgaw Karen Common Bible

¹² တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.

မၤတၢ် 3:12 Iomraidhean Croise

လံာ်တၢ်ကဲထီၣ်အခီၣ်ထံး 40:8

အဝဲသ့ၣ်စံးဆၢဝဲ, “ပဝဲတဂၤစုာ်စုာ်ပအိၣ်ဒီးပတၢ်မံမီၢ် ဒီးဖဲအံၤပှၤလၢကဖးန့ၢ်ပှၤတၢ်မံမီၢ်တဖၣ်အံၤအခီပညီတအိၣ် နီတဂၤဘၣ်.” စီၤယိၤသးစံးဘၣ်အဝဲသ့ၣ်, “ပှၤလၢအဟ့ၣ်တၢ်သ့တၢ်ဘၣ်လၢတၢ် ဖးတၢ်မံမီၢ်တဖၣ်အဂီၢ်န့ၣ်, မ့ၢ်ဒၣ်ကစၢ်ယွၤလီၤ. တဲယၤသုတၢ်မံမီၢ်တဖၣ်တက့ၢ်.”

လံာ်တၢ်ကဲထီၣ်အခီၣ်ထံး 41:16

စီၤယိၤသးစံးဆၢဝဲ, “ကစၢ်စီၤပၤဧၢ, ယဖးတၢ်မံမီၢ်အခီ ပညီတသ့ဘၣ်. ဘၣ်ဆၣ်ဒီးကစၢ်ယွၤကဟ့ၣ်နၤတၢ်အခီပညီလၢအဂ့ၤတမံၤလီၤ.”

လံာ်ယိၤဟၣ် 7:18

ပှၤတဂၤလၢအကတိၤတၢ်လၢအစိကမီၤဒၣ်ဝဲန့ၣ်, မ့ၢ်အဃုမၤန့ၢ်အလၤအကပီၤဒၣ်ဝဲလီၤ. မ့မ့ၢ်ပှၤလၢအဃုပှၤလၢအမၢလီၤအီၤတဂၤအလၤ ကပီၤန့ၣ်, မ့ၢ်ပှၤအတီတဂၤဒီးတၢ်လီတၢ်ဝ့ၤတအိၣ်လၢ အပူၤနီတမံၤဘၣ်.

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 3:11

ဖဲပှၤတဂၤန့ၣ်ဟံးဃာ်ဒံးစီၤပ့းတရူးဒီးစီၤယိၤဟၣ်ဖဲတၢ်လီၢ် လၢတၢ်ကိးအမံၤလၢစီၤၡလိၤမိၤအတၢ်ဒုးခိၣ်န့ၣ်, ပှၤတဖၣ်န့ၣ်ကမၢကမၣ်ဝဲဒိၣ်ဒိၣ်ကလဲာ်ဒီးဃ့ၢ်ဃီၤဝဲဆူအဝဲ သ့ၣ်အအိၣ်န့ၣ်လီၤ.

မၤတၢ် 3:13

စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤအခ့အပှၤယ့ၣ်ၡူး လၢယွၤအလၤကပီၤန့ၣ်လီၤ. မ့မ့ၢ်သုဝဲဒၣ်, သုဟ့ၣ်လီၤကွံာ်အီၤဆူပှၤအခိၣ်အနၢ်တဖၣ်အစုပူၤ, ဒီးဖဲပဒိၣ်စီၤပံၤလးစံၣ်ညီၣ်တ့ၢ်လံဝဲလၢအကပျၢ်ထူၣ်ဖျဲး ကွံာ်အီၤဒၣ်လဲာ်န့ၣ်, သုညိကွံာ်အီၤလၢပဒိၣ်န့ၣ်အမဲာ်ညါလီၤ.

ရိမ့ၤ 11:1

မ့မ့ၢ်ဒ်န့ၣ်ဒီး, ယစံး, မ့ၢ်ကစၢ်ယွၤညိကွံာ်လံအပှၤကလုာ်ဒၣ်ဝဲ န့ၣ်ဧါ. တညိကွံာ်လ့ၤတက့ၤဘၣ်. ယကစၢ်ဒၣ်ယဲယမ့ၢ်ပှၤအံၣ်စရ့လးဖိတဂၤလၢအဟဲလီၤစၢၤလီၤ သွဲၣ်လၢစီၤအၤဘြၤဟၣ်လၢအဘၣ်ဃးဒီးစီၤဘံၣ်ယၤမံၣ်အဒူၣ် န့ၣ်လီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

၂ ကရံၣ်သူး 3:5

တၢ်တအိၣ်လၢပပူၤနီတမံၤလၢအကပျဲပစံး, ပမၤတၢ်မၤတမံၤ အံၤသ့ဝဲန့ၣ်ဘၣ်. တၢ်သ့တၢ်ဘၣ်လၢအအိၣ်ဒီးပှၤန့ၣ်, ဟဲလၢကစၢ်ယွၤအအိၣ်တခီလီၤ.

လံာ်လီၣ်ဖျါ 7:13

ပှၤသူၣ်က့သးပှၢ်အကျါတဂၤသံကွၢ်ယၤ, “ပှၤသ့ၣ်တဖၣ်အံၤလၢအကူအသိးဆ့ကၤဖးထီ အဝါန့ၣ်, မ့ၢ်မတၤတဖၣ်လဲၣ်, ဒီးအဝဲသ့ၣ်ဟဲလၢလဲၣ်.”