မၤတၢ် 3:10 - Sgaw Karen Common Bible

¹⁰ ဒီးတုၤအသ့ၣ်ညါဝဲလၢအမ့ၢ်ပှၤတဂၤဃီလၢအဆ့ၣ်နီၤဃ့အီၣ် တၢ်ဖဲတၢ်လုၢ်ဟံၣ်အတြဲၤဃံလၤအခီၣ်ထံးန့ၣ်ဒီး, တၢ်လီၤကမၢကမၣ်ဘၣ်အဝဲသ့ၣ်ဒီးအသးလီၤကတုၤဝဲ, မ့ၢ်လၢအထံၣ်ဘၣ်တၢ်လၢအမၤအသးဒီးအီၤအဃိန့ၣ်လီၤ.

မၤတၢ် 3:10 Iomraidhean Croise

လံာ်မးသဲ 14:35

တုၤပှၤဖဲန့ၣ်တဖၣ်သ့ၣ်ညါလၢအမ့ၢ်ယ့ၣ်ၡူးဒီး, မၢလီၤပှၤလဲၤသကုၤကီၢ်န့ၣ်, ဒီးဟဲစိာ်ပှၤဆူးပှၤဆါတဖၣ်ဆူအအိၣ်,

လံာ်လူၤကၣ် 4:36

ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.”

လံာ်လူၤကၣ် 9:43

ပှၤကိးဂၤဒဲးကမၢကမၣ်ဝဲလၢကစၢ်ယွၤအစိကမီၤအဒိၣ်အမုၢ်တမံၤအံၤ အဃိလီၤ. ဖဲပှၤဂီၢ်မုၢ်တဖၣ်ကမၢကမၣ်ဒံးဝဲလၢကယဲၢ်တၢ်လၢယ့ၣ်ၡူးမၤဝဲ တဖၣ်အဃိအဖၢမုၢ်န့ၣ်, အဝဲစံးဘၣ်အပျဲၢ်အဘီၣ်တဖၣ်,

လံာ်ယိၤဟၣ် 5:20

အဂ့ၢ်ဒ်အံၤ, ပၢ်အဲၣ်ဖိခွါဒီးဒုးနဲၣ်အီၤကယဲၢ်တၢ်လၢ အကစၢ်ဒၣ်ဝဲမၤဝဲခဲလၢာ်န့ၣ်လီၤ. ကဒုးနဲၣ်အီၤလၢတၢ်မၤဒိၣ်န့ၢ် အအံၤတဖၣ်ဒီးသုကကမၢကမၣ်ဒိၣ်မးန့ၣ်လီၤ.

လံာ်ယိၤဟၣ် 9:3

ယ့ၣ်ၡူးစံးဆၢတၢ်ဒီးစံးဝဲ, “အဝဲအတၢ်မဲာ်ဘျီၣ်န့ၣ်တဘၣ်ဃးလၢအတၢ်ဒဲးဘးမ့ၢ်ဂ့ၤ, အမိၢ်အပၢ်အတၢ်ဒဲးဘးမ့ၢ်ဂ့ၤန့ၣ်ဘၣ်. မ့ၢ်ဒၣ်လၢကစၢ်ယွၤအစိကမီၤကမၤတၢ်လၢအပူၤ ဒီးကဘၣ်တၢ်ထံၣ်န့ၢ်အီၤအဂီၢ်တခီန့ၣ်လီၤ.

လံာ်ယိၤဟၣ် 9:8

ထဲန့ၣ်ဒီး, ပှၤလၢအဃၢၤတဖၣ်ဒီးပှၤအဂၤလၢအထံၣ်တ့ၢ် အဝဲဃ့အီၣ်တၢ်လၢညါတဖၣ်သံကွၢ်တၢ်ဒီးစံးဝဲ, “အဝဲအံၤတမ့ၢ်ပှၤတဂၤဃီလၢအညီနုၢ်ဆ့ၣ်နီၤဒီးဃ့အီၣ်တၢ် န့ၣ်ဘၣ်ဧါ.”

မၤတၢ် 2:12

အဝဲသ့ၣ်တဖၣ်တၢ်ကမၢကမၣ်ဘၣ်အီၤဒိၣ်ဒိၣ်ကလဲာ်ဒီးဆိကမိၣ် က့ၤတၢ်တဘၣ်လၢၤဘၣ်သတးဒီး, သံကွၢ်လိာ်အသးတဂၤဒီးတဂၤ, “တၢ်မၤအသးတခါအံၤအခီပညီဒ်လဲၣ်” န့ၣ်လီၤ.

မၤတၢ် 2:7

အဝဲသ့ၣ်တဖၣ်တၢ်လီၤကမၢကမၣ်ဒီးတၢ်လီၤလးဘၣ်အီၤဒိၣ်ဒိၣ် ကလဲာ်ဒီးစံး, “ပှၤတဖၣ်အံၤလၢအကတိၤတၢ်န့ၣ်, မ့ၢ်ဒၣ်ပှၤကီၢ်ကၤလံၤလါဖိလီၤ, တမ့ၢ်ဘၣ်ဧါ.

မၤတၢ် 3:2

ဖဲန့ၣ်ပှၤအခီၣ်ဟးဂီၤလၢအအိၣ်ဖျဲၣ်ထီၣ်လံၤလံၤတဂၤဘၣ် တၢ်ဟဲစိာ်အီၤဆူတၢ်လုၢ်ဟံၣ်အတြဲၤ, လၢတၢ်ကိးန့ၢ်အမံၤလၢတြဲၤဃံလၤအခီၣ်ထံးန့ၣ်လီၤ. ကိးမုၢ်နံၤဒဲးအဝဲဒၣ်ဘၣ်တၢ်ဟဲစိာ်အီၤဒီးတၢ်ပာ်လီၤအီၤဖဲ တြဲၤခိၣ်ထိးန့ၣ်, ဒ်သိးအကဃ့အီၣ်တၢ်လၢပှၤလၢအလဲၤနုာ်ဆူတၢ်လုၢ်ဟံၣ်ပူၤ တဖၣ်အအိၣ်အဂီၢ်န့ၣ်လီၤ.