မၤတၢ် 3:1 - Sgaw Karen Common Bible

¹ တနံၤဖဲမုၢ်ဃ့ၢ်လီၤသၢနၣ်ရံၣ်တၢ်ဘါထုကဖၣ်အကတီၢ်န့ၣ်, စီၤပ့းတရူးဒီးစီၤယိၤဟၣ်လဲၤဝဲဆူတၢ်လုၢ်ဟံၣ်လီၤ.

မၤတၢ် 3:1 Iomraidhean Croise

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

လံာ်တၢ်ဟးထီၣ်ကွံာ် 29:39

လုၢ်ထီၣ်ပာ်ထီၣ်သိဖိတဖၣ်အကျါတဒုလၢမုၢ်ဂီၤဒီးအဂၤတဒုလၢမုၢ်ဟါတက့ၢ်.

လံာ်ဒၤနံးယ့လး 6:10

ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်တၢ်ဂံၢ် 28:4

လုၢ်ထီၣ်သိအခီၣ်ထံးတဒုလၢမုၢ်ဂီၤဒီးခံဒုတဒုလၢမုၢ်ဟါ အကတီၢ်,

လံာ်မးသဲ 17:1

ဃုသီဝံၤအလီၢ်ခံဒီး, ယ့ၣ်ၡူးကိးန့ၢ်စီၤပ့းတရူး, စီၤယၤကိာ်ဒီးအဒီပုၢ်ဝဲၢ်စီၤယိၤဟၣ်, ဒီးလဲၤဆှၢထီၣ်အဝဲသ့ၣ်ဆူကစၢၢ်ဖးထီတဖျၢၣ်အလိၤ, ဒီးအိၣ်ဝဲဖဲန့ၣ်ထဲအဝဲသ့ၣ်ဧိၤလီၤ.

လံာ်မးသဲ 26:37

အဝဲလဲၤကိးဃုာ်စီၤပ့းတရူးဒီးစီၤစ့းဘ့းဒဲအဖိခွါခံဂၤန့ၣ်လီၤ. အသူၣ်အုးသးအုးဒီးသူၣ်ကိၢ်သးဂီၤဝဲဒိၣ်မးလီၤ.

လံာ်မးသဲ 27:45

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

လံာ်လူၤကၣ် 1:10

ဒီးပှၤဂီၢ်မုၢ်အိၣ်လၢတၢ်ချၢတဖၣ်ဃ့ဘါထုကဖၣ်တၢ်ဖဲ နၣ်ရံၣ်အကတီၢ်လၢတၢ်နၢမူဘၣ်တၢ်ဆိၣ်ကဲၤအီၤန့ၣ်လီၤ.

လံာ်လူၤကၣ် 18:10

“ပှၤခံဂၤလဲၤထီၣ်ဆူတၢ်လုၢ်ဟံၣ်ဒ်သိးအကဃ့ဘါထုကဖၣ်တၢ်လီၤ. တဂၤန့ၣ်မ့ၢ်ဝဲပှၤဖၤရံၤၡဲ ဒီးအဂၤတဂၤမ့ၢ်ဝဲပှၤဃ့သွဲလီၤ.

လံာ်လူၤကၣ် 22:8

ယ့ၣ်ၡူးမၢလီၤစီၤပ့းတရူးဒီးစီၤယိၤဟၣ်ဒီးမၤလိာ်အဝဲသ့ၣ်ဒ်အံၤ, “လဲၤဒီးကတဲာ်ကတီၤပာ်ပဘူၣ်လဲၤကပာ်အတၢ်အီၣ်လၢ ပကအီၣ်အီၤအဂီၢ်န့ၣ်တက့ၢ်.”

လံာ်လူၤကၣ် 24:53

ဒီးအိၣ်ဝဲလၢတၢ်လုၢ်ဟံၣ်အပူၤဒီးစံးဘျုးစံးဖှိၣ်ကစၢ်ယွၤတဘိ ယူၢ်ဃီလီၤ.

လံာ်ယိၤဟၣ် 21:7

အပျဲၢ်အဘီၣ်လၢယ့ၣ်ၡူးအဲၣ်အီၤတဂၤစံးဘၣ် စီၤပ့းတရူး, “မ့ၢ်ကစၢ်န့ၣ်လီၤ.” ဖဲစီၤပ့းတရူးနၢ်ဟူလၢ အမ့ၢ်ကစၢ်လီၤန့ၣ်, မ့ၢ်လၢအဝဲအိၣ်ဘ့ၣ်ဆ့အဃိအဝဲ သိးထီၣ်က့ၤအဆ့ကၤအဖီခိၣ်ဒီးကံၢ်တူာ်ဃာ်ဝဲဒီးစံၣ်လီၤ ဆူထံကျါန့ၣ်လီၤ.

မၤတၢ် 10:3

ဘၣ်တနံၤဖဲဟါခီလီၤသၢနၣ်ရံၣ်ဃၣ်ဃၣ်န့ၣ်, အဝဲဒိးန့ၢ်ဘၣ်တၢ်ထံၣ်လၢညါခီတမံၤ, ဖဲအဝဲထံၣ်ဘၣ်ဝဲတြၢၢ်ကလာ်လၢကစၢ်ယွၤအကလူးတဂၤဟဲနုာ်လီၤဆူ အဟံၣ်ပူၤဒီးကိးထီၣ်အီၤ, “စီၤကန့လံးဧၢ” န့ၣ်လီၤ.

မၤတၢ် 10:30

ဒီးစီၤကန့လံးစံးဝဲ, “ဖဲအပူၤကွံာ်သၢသီ, ကဘၣ်ဖဲဆၢကတီၢ်တကတီၢ်ဃီအံၤန့ၣ်, ယအိၣ်ဒီးဟါခီလီၤသၢနၣ်ရံၣ်အတၢ်ထုကဖၣ်လၢဟံၣ်ပူၤလီၤ. သတူၢ်ကလာ်, ပှၤကညီတဂၤအိၣ်ဆၢထၢၣ်လၢယမဲာ်ညါ, ကူသိးဒီးတၢ်ကူတၢ်သိးကတြ့ၣ်ကတြိၣ်,

မၤတၢ် 2:46

တနံၤဘၣ်တနံၤအဝဲသ့ၣ်လဲၤသကိးဆူတၢ်လုၢ်ဟံၣ်အပူၤ, ဒီးအီၣ်သကိးတၢ်အီၣ်လၢအဝဲသ့ၣ်အဟံၣ်တဖၣ်အပူၤပှဲၤဒီး တၢ်သူၣ်ခုသးခုဒီးတၢ်သူၣ်အိၣ်သးအိၣ်,

မၤတၢ် 3:3

တုၤအဝဲဒၣ်ထံၣ်ဘၣ်စီၤပ့းတရူးဒီးစီၤယိၤဟၣ်ဟဲလၢအကလဲၤ နုာ်ဝဲဆူတၢ်လုၢ်ဟံၣ်အပူၤန့ၣ်ဒီး, ဃ့အဝဲသ့ၣ်လၢအကဟ့ၣ် အီၤတၢ်တမံၤမံၤလီၤ.

မၤတၢ် 3:4

အဝဲသ့ၣ်ကွၢ်စူၣ်အီၤဒီးစီၤပ့းတရူးစံးဘၣ်အီၤ, “ကွၢ်ထီၣ်တၢ်ဆူပအိၣ်တက့ၢ်.”

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 5:25

အကတီၢ်ဖဲန့ၣ်ပှၤတဂၤဟဲတုၤဒီး စံးဘၣ်အဝဲသ့ၣ်, “ခဲအံၤပှၤတဖၣ်လၢသုဖီၣ်ဒုးဃာ်အီၤလၢဃိာ်ပူၤန့ၣ်, အိၣ်ဆၢထၢၣ်လၢတၢ်လုၢ်ဟံၣ်ပူၤဒီးသိၣ်လီၤသီလီၤတၢ်လီၤ.”

မၤတၢ် 8:14

တုၤပှၤတၢ်မၢဖိလၢဝ့ၢ်ယရူၤၡလ့ၣ်အပူၤတဖၣ်နၢ်ဟူဘၣ်ဝဲ လၢပှၤၡၤမရံဖိတဖၣ်တူၢ်လိာ်တ့ၢ်လံကစၢ်ယွၤကလုၢ်ကထါန့ၣ်ဒီး, ဆှၢလီၤစီၤပ့းတရူးဒီးစီၤယိၤဟၣ်လၢအကလဲၤဆူအဝဲသ့ၣ်အအိၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.