မၤတၢ် 28:8 - Sgaw Karen Common Bible

⁸ တၢ်မၤအသးလၢစီၤပီးပျံၤအပၢ်မံလၢအလီၢ်မံခိၣ်မ့ၢ်လၢ အလိၤကိၢ်ဒီးအဟၢဖၢဝံာ်အဃိလီၤ. စီၤပီလူးလဲၤနုာ်ဆူအဒၢးပူၤ, ဃ့ဘါထုကဖၣ်တၢ်, ပာ်ထီၣ်အစုလၢအလိၤဒီးမၤဘျါက့ၤအီၤလီၤ.

မၤတၢ် 28:8 Iomraidhean Croise

လံာ်မးသဲ 10:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤဆူအအိၣ် ဒီးဟ့ၣ်လီၤအဝဲသ့ၣ်တၢ်စိတၢ်ကမီၤလၢကဟီထီၣ်ကွံာ်တၢ်နါတဖၣ် ဒီးလၢကမၤဘျါက့ၤတၢ်ဆူးတၢ်ဆါဒီးတၢ်က့တၢ်ကွဲၣ်ကိးမံၤဒဲး အဂီၢ်လီၤ.

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

လံာ်မးသဲ 12:13

တုၤနုၤတစုစံးဘၣ်ပှၤအစုသံတခီပၤတဂၤန့ၣ်, “ယူာ်ထီၣ်နစုတက့ၢ်.” အဝဲယူာ်ထီၣ်အစုဒီးအစုန့ၣ်ဂ့ၤထီၣ်က့ၤဒ်လၢအတခီအသိးန့ၣ်လီၤ.

လံာ်မးသဲ 9:18

ဖဲယ့ၣ်ၡူးကတိၤတၢ်ဒ်အံၤအဖၢမုၢ်န့ၣ်, ပှၤယူဒၤဖိအခိၣ်အနၢ် တဂၤဟဲဝဲချံးခီၣ်တီၤလီၤဝဲလၢယ့ၣ်ၡူးအမဲာ်ညါဒီးစံး, “ယဖိမုၣ်တဂၤသံသီသီဒံးလီၤ. ဟဲပိာ်ယခံဒီးပာ်နစုလၢ အလိၤတက့ၢ်. ဒီးအဝဲဒၣ်ကမူထီၣ်က့ၤလီၤ.”

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

လံာ်မၢ်ကူး 5:23

ဃ့ကညးအီၤသပှၢ်ပှၢ်ဒီးစံးဝဲ, “ယဖိမုၣ်ဖိဆါနးမးဒီးဘူးတ့ၢ်မးလၢအကသံလီၤ. ဝံသးစူၤဟဲဒီးပာ်နစုလၢအလိၤဒ်သိးကဘျါက့ၤဝဲဒီးကအိၣ် မူဘၣ်ဒံးဝဲအဂီၢ်န့ၣ်တက့ၢ်.”

လံာ်မၢ်ကူး 6:5

မ့တမ့ၢ်ဘၣ်လၢအပာ်ထီၣ်အစုလၢပှၤဆူးပှၤဆါစှၤဂၤအလိၤ ဒီးမၤဘျါက့ၤအီၤဘၣ်ဒီး, အဝဲဒၣ်မၤတၢ်လီၤလးဖဲတၢ်လီၢ်န့ၣ်တသ့နီတမံၤဘၣ်.

လံာ်မၢ်ကူး 7:32

ပှၤတနီၤဟဲကိးပှၤနၢ်တအၢဒီးအုးအးကတာ်ပျ့ၤတဂၤဆူအအိၣ်, ဒီးအဝဲသ့ၣ်ဃ့သကွံၢ်ကညးယ့ၣ်ၡူးဒ်သိးအကပာ်ထီၣ်အစုလၢအလိၤ အဂီၢ်လီၤ.

လံာ်လူၤကၣ် 13:13

အဝဲဒၣ်ပာ်ထီၣ်အစုလၢအလိၤဒီးတဘျီဃီ, အဝဲဒၣ်အပျိၢ်ဘျၢထီၣ်က့ၤဒီးစံးထီၣ်ပတြၢၤကစၢ်ယွၤလီၤ.

လံာ်လူၤကၣ် 4:40

ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ.

မၤတၢ် 28:7

ဘူးဒီးတၢ်လီၢ်ဖဲန့ၣ်, ဟီၣ်ခိၣ်ဖးလဲၢ်အိၣ်ဝဲတကဝီၤလၢအမ့ၢ်ကီး အပဒိၣ်စီၤပီးပျံၤအတၢ်န့ၣ်လီၤ. အဝဲဒၣ်တူၢ်လိာ်ခီၣ်ဆၢပှၤဂ့ၤမး, ဒီးလၢသၢသီအတီၢ်ပူၤပကဲအဝဲအပှၤသမှံၤတဖၣ်လီၤ.

မၤတၢ် 28:9

ဖဲတၢ်အံၤမၤအသးန့ၣ်, ပှၤဆူးပှၤဆါအဂုၤအဂၤတဖၣ်လၢကီးန့ၣ် အပူၤဟဲဝဲဒီးဘၣ်တၢ်မၤဘျါက့ၤအီၤလီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

1 ကရံၣ်သူး 12:28

လၢတၢ်အိၣ်ဖှိၣ်အပူၤန့ၣ်, ကစၢ်ယွၤပာ်ပှၤကိးဂၤဒဲးလၢအလီၢ် အကျဲဒၣ်ဝဲလီၤ. အဆိကတၢၢ်ပှၤတၢ်မၢဖိတဖၣ်, ခံဖုတဖု, ဝံဧိၤမီၣ်ဧိၤတဖၣ်, သၢဖုတဖု, သရၣ်တဖၣ်, အန့ၣ်ဝံၤပှၤလၢအမၤတၢ်လီၤလးတဖၣ်, ဒီးပိာ်ထီၣ်အခံလၢပှၤဘၣ်တၢ်ဟ့ၣ်စိဟ့ၣ်ကမီၤအီၤ လၢကမၤဘျါက့ၤတၢ်, မ့တမ့ၢ်ကမၤစၢၤပှၤဂၤတဖၣ်, မ့တမ့ၢ်ကနဲၣ်န့ၢ်အဝဲသ့ၣ်အကျဲ, မ့တမ့ၢ်ကစံးကတိၤတၢ်လၢကျိာ်လၢပှၤနၢ်တပၢၢ်တဖၣ်န့ၣ်လီၤ.

1 ကရံၣ်သူး 12:9

သးစီဆှံတဂၤဃီဟ့ၣ်ပှၤတဂၤလၢတၢ်စူၢ်တၢ်နာ်, ဒီးပှၤတဂၤဒၣ်လၢတၢ်စိတၢ်ကမီၤဘၣ်ဃးဒီးတၢ်မၤဘျါက့ၤ တၢ်လီၤ.