မၤတၢ် 28:6 - Sgaw Karen Common Bible

⁶ အဝဲသ့ၣ်အိၣ်ခိးကွၢ်ဝဲလၢစီၤပီလူးကညိးထီၣ်မ့တမ့ၢ်ကလီၤ ဃံၤသံသတူၢ်ကလာ်လီၤ. ဘၣ်ဆၣ်ဒီးဖဲအခိးဝဲယံာ်ထီၣ်ဒီး တထံၣ်ဝဲတၢ်လီၤတိၢ်လီၤဆီမၤအသးဒီးအီၤနီတမံၤဘၣ်န့ၣ်, အဝဲသ့ၣ်အတၢ်ဆိကမိၣ်လဲလိာ်အသးဒီးစံးဝဲ, “အဝဲမ့ၢ်ယွၤတဂၤန့ၣ်လီၤ.”

မၤတၢ် 28:6 Iomraidhean Croise

လံာ်မးသဲ 21:9

ဒီးပှၤဂီၢ်မုၢ်လၢအလဲၤလၢယ့ၣ်ၡူးအမဲာ်ညါဒီးပှၤလၢအပိာ်ထီၣ် အခံတဖၣ်ကိးပသူထီၣ်ဒီးစံး, “စီၤဒၤဝံးအဖိခွါဧၢ, အုၣ်က့ၤခီၣ်က့ၤပှၤတက့ၢ်. ပှၤလၢအဟဲလၢကစၢ်အမံၤတဂၤန့ၣ်မ်ယွၤဆိၣ်ဂ့ၤအီၤတက့ၢ်. မ်ကစၢ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်” (စံး. ၁၁၈:၂၅-၂၆).

လံာ်မးသဲ 27:22

စီၤပံၤလးသံကွၢ်အဝဲသ့ၣ်, “မ့မ့ၢ်ဒ်န့ၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်, ယကဘၣ်မၤအီၤဒ်လဲၣ်.” အဝဲသ့ၣ်ခဲလၢာ်စံးဆၢဝဲ, “ပျၤထီအီၤလၢထူၣ်စုညါအလိၤတက့ၢ်.”

မၤတၢ် 12:22

အန့ၣ်ဒီး အဝဲသ့ၣ်ကိးပသူထီၣ်ဝဲ, “အဝဲအံၤ တမ့ၢ်ပှၤကညီတဂၤ ကတိၤတၢ်ဘၣ်. မ့ၢ်ကစၢ်ယွၤတဂၤကတိၤတၢ်လီၤ.”

မၤတၢ် 28:7

ဘူးဒီးတၢ်လီၢ်ဖဲန့ၣ်, ဟီၣ်ခိၣ်ဖးလဲၢ်အိၣ်ဝဲတကဝီၤလၢအမ့ၢ်ကီး အပဒိၣ်စီၤပီးပျံၤအတၢ်န့ၣ်လီၤ. အဝဲဒၣ်တူၢ်လိာ်ခီၣ်ဆၢပှၤဂ့ၤမး, ဒီးလၢသၢသီအတီၢ်ပူၤပကဲအဝဲအပှၤသမှံၤတဖၣ်လီၤ.

မၤတၢ် 8:10

ပှၤကိးဂၤဒဲး, စးထီၣ်လၢပှၤဒိၣ်ပှၤပှၢ်တုၤလီၤလၢပှၤပတီၢ်မုၢ်လၢဝ့ၢ်န့ၣ် အပူၤဒိကနၣ်အီၤလၢတၢ်သးစၢၢ်ဆၢအပူၤလီၤ. အဝဲသ့ၣ်တဖၣ်စံးဝဲလၢစီၤၡံမိၣ်မ့ၢ်ကစၢ်ယွၤအစိကမီၤလၢ အဘၣ်တၢ်ကိးအီၤလၢတၢ်စိကမီၤဖးဒိၣ်န့ၣ်လီၤ.