မၤတၢ် 28:3 - Sgaw Karen Common Bible

³ ဖဲစီၤပီလူးထၢဖှိၣ်သ့ၣ်ဒ့တကဒိၣ်ဒီးဒၢနုာ်ဝဲလၢမ့ၣ်အူ အပူၤအဆၢကတီၢ်န့ၣ်, မ့ၣ်အူကိၢ်အဃိဂုၢ်ဘီၣ်အီးတဘိဟဲထီၣ်ဒီးဖျးအီၤဒီးအိၣ်စဲဘူး အသးလၢအစုလိၤလီၤ.

မၤတၢ် 28:3 Iomraidhean Croise

လံာ်စီၤယိၤဘး 20:16

အဝဲကဆူးအီၣ်ဝဲဂုၢ်အၢတဖၣ်အစုၣ်ဒီးဂုၢ်ဘီၣ်အီးအမဲထွံၣ်က မၤသံအီၤလီၤ. တၢ်လၢပှၤအၢပှၤသီတဂၤယူၢ်လီၤဝဲန့ၣ် လီၤဂာ်ဒ်တၢ်စုၣ်အသိး, တၢ်န့ၣ်မၤသံအီၤလီၤဂာ်ဒီး ဂုၢ်သ့ၣ်လၢအစုၣ်အိၣ်, အတၢ်အ့ၣ်အီၤန့ၣ်လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယၡါယၤ 41:24

သုဝဲဒီးတၢ်လၢသုမၤခဲလၢာ်န့ၣ်တမ့ၢ်တၢ်နီတမံၤဘၣ်. ပှၤလၢအဘူၣ်ထီၣ်ဘါထီၣ်သုတဖၣ်လီၤသးဘၣ်အၢဒိၣ်မးလီၤ.

လံာ်ယၡါယၤ 59:5

တၢ်ကူၣ်အၢကူၣ်သီတဖၣ်လၢသုမၤအီၤန့ၣ်, မၤသံတၢ်သ့ ထဲသိးဂုၢ်လၢအစုၣ်အၢတဘိအဒံၣ်တဖၣ်လီၤ. ပှၤလၢအအီၣ်ဂုၢ်ဒံၣ်တဖၣ်န့ၣ်ကသံဝဲလီၤ. မၤသဘှံးဂုၢ်ဒံၣ်တဖျၢၣ်, ဒီးဂုၢ်အၢကဟဲထီၣ်တဘိလီၤ.

လံာ်ဧၤမိၣ် 5:19

ကမၤအသးဒ်ပှၤတဂၤဃ့ၢ်ကွံာ်လၢခ့ယုၢ်တဒုအအိၣ်, ဒီးဘၣ်သဂၢၢ်လိာ်အသးဒီးတၤသူတဒုအသိး, မ့တမ့ၢ်ဘၣ်ဒီးဒ်ပှၤတဂၤက့ၤနုာ်လၢဟံၣ်ပူၤ, ဒီးပာ်ထီၣ်အစုလၢတၢ်ဒူၣ် အလိၤအသိးလၢဂုၢ်တဘိကဖျးအီၤအဂီၢ်ဧိၤန့ၣ်လီၤ.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

မၤတၢ် 28:2

ပှၤအိၣ်ဆိးဖဲကီးတဖျၢၣ်န့ၣ်အလိၤတဖၣ်ဂ့ၤလၢပဖီခိၣ်ဒိၣ်မး လီၤ. တၢ်ဟဲစူၤဒီးတၢ်ဂိၢ်အဃိ, အဝဲသ့ၣ်မၤကဲၤထီၣ်မ့ၣ်အူဒီးတူၢ်လိာ်ခီၣ်ဆၢပဝဲကိးဂၤဒဲးလီၤ.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 6:9

ပဘၣ်တၢ်ပာ်ပှၤဒ်ပှၤလၢတၢ်တသ့ၣ်ညါအီၤ, ဘၣ်ဆၣ်ဒီးပဘၣ်တၢ်သ့ၣ်ညါပှၤလၢပှၤကိးဂၤဒဲးလီၤ. တၢ်ပာ်ပှၤဒ်ပသံအသိး, ဘၣ်ဆၣ်ဒီးဒ်သုထံၣ်သုဝဲအသိး, ပမူပဝဲဆူညါလီၤ. တၢ်စံၣ်ညီၣ်ပှၤဘၣ်ဆၣ်ဒီးပတဘၣ် တၢ်မၤသံပှၤဘၣ်.