မၤတၢ် 28:17 - Sgaw Karen Common Bible

¹⁷ သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

မၤတၢ် 28:17 Iomraidhean Croise

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

မၤတၢ် 13:50

ဘၣ်ဆၣ်ဒီးပှၤယူဒၤဖိတဖၣ်ထိၣ်ဂဲၤထီၣ်ခိၣ်နၢ်သူၣ်က့သးပှၢ်လၢဝ့ၢ်န့ၣ် အပူၤ, ဒီးကလုာ်ဂၤတူၢ်ဒိၣ်ကီၤဒိၣ်မုၣ်လၢအအဲၣ်ထူအဲၣ်ယွၤတဖၣ်လီၤ. အဝဲသ့ၣ်ဒုးအိၣ်ထီၣ်တၢ်မၤအၢမၤနးစီၤပီလူးဒီးစီၤဘၢ်နါဘၤ, ဒီးဟီထီၣ်ကွံာ်အီၤလၢအဝဲသ့ၣ်အကီၢ်ပူၤန့ၣ်လီၤ.

မၤတၢ် 22:5

ပှၤလုၢ်တၢ်အခိၣ်အဒိၣ်ကတၢၢ်ဒီးကီၣ်ကးဒီဖုညါန့ၣ်အုၣ် အသးသ့ဝဲလၢယကတိၤတၢ်မ့ၢ်တၢ်တီန့ၣ်လီၤ. ယဒိးန့ၢ်ဘၣ်အဝဲသ့ၣ်အတၢ်ပရၢလၢအကွဲးဝဲဆူပှၤ ယူဒၤဖိဒ်သိးဒီးအီၤလၢအအိၣ်ဖဲဝ့ၢ်ဒၤမ့ၤစ့းတဖၣ် အအိၣ်, သတးဒီးယလဲၤဖဲန့ၣ်ဒ်သိးယကဖီၣ်ပှၤပိာ် ယ့ၣ်ၡူးခရံာ်အကျဲတဖၣ်န့ၣ်, စၢဃာ်အီၤလၢပျံၤထးဒီးဟဲက့ၤကိးအီၤဆူဝ့ၢ်ယရူၤၡလ့ၣ် လၢတၢ်စံၣ်ညီၣ်အဂီၢ်န့ၣ်လီၤ.

မၤတၢ် 23:33

အဝဲသ့ၣ်လဲၤဆှၢအီၤဆူဝ့ၢ်ကဲၤစါရံၤ, ဟ့ၣ်လီၤတၢ်ပရၢဆူပဒိၣ်ဖးဒိၣ်အစုပူၤဒီးဆှၢထီၣ်စီၤပီလူး ဆူအအိၣ်လီၤ.

မၤတၢ် 25:10

ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

မၤတၢ် 25:2

ပှၤလုၢ်တၢ်အခိၣ်အဒိၣ်ဒီးပှၤယူဒၤဖိအခိၣ်အနၢ်တဖၣ်ပာ်ဖျါထီၣ် တၢ်ကမၣ်လၢအပာ်ဝဲလၢစီၤပီလူးအလိၤန့ၣ်လီၤ. အဝဲသ့ၣ်ဃ့ ကညးစီၤဖ့စတူး,

မၤတၢ် 25:8

မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 6:14

ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤလၢအစံးဝဲလၢပှၤ နစၤရ့းဖိယ့ၣ်ၡူးတဂၤအံၤကမၤလီၤပှီၢ်ကွံာ်တၢ်လုၢ်ဟံၣ်စီဆှံ တဖျၢၣ်အံၤ, ဒီးလဲလိာ်ကွံာ်ပလုၢ်ပလၢ်တဖၣ်လၢစီၤမိၤၡ့ ဟ့ၣ်လီၤတ့ၢ်လံပှၤန့ၣ်လီၤ.”