မၤတၢ် 28:16 - Sgaw Karen Common Bible

¹⁶ ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

မၤတၢ် 28:16 Iomraidhean Croise

လံာ်တၢ်ကဲထီၣ်အခီၣ်ထံး 37:36

အကတီၢ်ဖဲန့ၣ်, လၢကီၢ်အဲၤကူပတူးအပူၤ, ပှၤမံးဒယၣ်ဖိတဖၣ်ဆါလီၤကွံာ်လံစီၤယိၤသးဆူစီၤပိၤတံၤ ဖၢ်, ပှၤပၢၤနီအခိၣ်တဂၤလၢအမ့ၢ်စီၤပၤအပဒိၣ်ပပှၢ်တဖၣ်အကျါတဂၤအစု ပူၤလီၤ.

လံာ်စီၤပၤခံဘ့ၣ်တဘ့ၣ် 25:8

လၢကီၢ်ဘၤဘူၤလိၣ်အစီၤပၤနဘူၤကးန့စၢ်, အနံၣ်တဆံခွံနံၣ်တနံၣ်လါယဲၢ်လါတလါထီၣ်နွံသီတသီ အနံၤန့ၣ်, စီၤပၤအပှၤဟ့ၣ်ကူၣ်တၢ်ဒီးအသုးမုၢ်အသုးခိၣ်ကျၢၢ် စီၤနဘူစၢ်ရဒၣ်လဲၤနုာ်လီၤဝဲဆူဝ့ၢ်ယရူၡလ့ၣ်အပူၤန့ၣ်လီၤ.

လံာ်ယံးရမံယၤ 38:13

ဒီးအဝဲသ့ၣ်ထုးထီၣ်ကွံာ်ယၤလၢ ထံပူၤန့ၣ်လီၤ. တၢ်အံၤဝံၤ အလီၢ်ခံဒီး, ယဘၣ်တၢ်ပာ်ယၤလၢဃိာ်လၢအအိၣ်လၢနူၢ် အဂၢၤပူၤန့ၣ်လီၤ.

လံာ်ယံးရမံယၤ 40:2

သုးခိၣ်ဖးဒိၣ်သုးကစီၤယံၤယၤဒီးစံးဘၣ်ယၤ, “ယွၤနကစၢ်ယွၤမၤပျံၤမၤဖုးတ့ၢ်ထံကီၢ်အံၤလၢတၢ်ဟးဂူာ်ဟး ဂီၤန့ၣ်လီၤ.

မၤတၢ် 18:2

ဖဲန့ၣ်အဝဲဒၣ်ထံၣ်လိာ်ပှၤယူဒၤဖိတဂၤလၢအမံၤမ့ၢ်စီၤအကူလၤ, အိၣ်ဖျဲၣ်ထီၣ်လၢဝ့ၢ်ပီၣ်တူးဒီးဟဲတုၤသီဒီးအမါနီၢ်ပြံစကံးလၤန့ၣ်လီၤ. အဝဲသ့ၣ်ဟးထီၣ်ကွံာ်လၢကီၢ်အံၤတလံမ့ၢ်လၢစီၤပၤဖးဒိၣ်ကျီၤဒံ ဟ့ၣ်လီၤတၢ်ကလုၢ်လၢပှၤယူဒၤဖိကိးဂၤဒဲးကဘၣ်ဟးထီၣ်ကွံာ် ဖဲဝ့ၢ်ရိမ့ၤအဃိန့ၣ်လီၤ. စီၤပီလူးလဲၤထံၣ်လိာ်အဝဲသ့ၣ်,

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 2:10

ပှၤဖြူၤကံဖိ, ပှၤပၣ်ဖူၤလံဖိ, ပှၤအဲၤကူပတူးဖိ, ပှၤလံၤဘူဖိလၢအအိၣ်ဘူးဒီး ပှၤကူၤရ့ၤန့ဖိ, ဒီးပဝဲတနီၤပဟဲလၢဝ့ၢ်ရိမ့ၤဒီးပမ့ၢ်

မၤတၢ် 23:11

နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.

မၤတၢ် 27:3

မုၢ်ဆ့ၣ်ထီၣ်တနံၤန့ၣ်ပလဲၤတုၤလၢဝ့ၢ်စံဒိၣ်လီၤ. စီၤယူၤလံဂ့ၤဝဲလၢစီၤပီလူးအဖီခိၣ်ဒီးဟ့ၣ်အဝဲဒၣ်အခွဲးလၢ အကလဲၤအိၣ်သကိးအတံၤသကိးတဖၣ်ဒီးဒိးန့ၢ်တၢ် လၢအလိၣ်ဘၣ်ဝဲတဖၣ်လီၤ.

မၤတၢ် 27:31

ဘၣ်ဆၣ်ဒီးစီၤပီလူးစံးဘၣ်ပှၤသုးဖိတကယၤအခိၣ်ဒီး သုးဖိတဖၣ်, “ပှၤကဘီဖိသ့ၣ်တဖၣ်အံၤမ့ၢ်တအိၣ်လၢ ကဘီပူၤန့ၣ်သုပူၤဖျဲးတသ့ဘၣ်.”

မၤတၢ် 27:43

ဘၣ်ဆၣ်ပှၤသုးဖိတကယၤအခိၣ်သးအိၣ်မၤပူၤဖျဲးစီၤပီ လူးသတးဒီး, အဝဲဒၣ်တြီပှၤသုးဖိတဖၣ် ဒ်သိးအသုတမၤ သံပှၤဃိာ်ဖိတဖၣ်တဂ့ၤလီၤ. လၢတၢ်န့ၣ်အလီၢ်အဝဲဟ့ၣ်လီၤ အကလုၢ်ဒ်သိးပှၤလၢအပီၢ်ထံသ့ကိးဂၤဒဲးကစံၣ်လီၤဆိဆူထံ ကျါဒီးပီၢ်ထံဆူခိန့ၣ်လီၤ.

လံာ်လီၣ်ဖျါ 17:18

ပိာ်မုၣ်တဂၤလၢနထံၣ်ဘၣ်တ့ၢ်နဲန့ၣ်, မ့ၢ်ဝ့ၢ်ဖးဒိၣ်လၢအပၢဘၣ်ဟီၣ်ခိၣ်အစီၤပၤတဖၣ်လီၤ.”

လံာ်လီၣ်ဖျါ 17:9

ဖဲအံၤန့ၣ်, တၢ်ကူၣ်သ့, ဒီးတၢ်နူၤပၢၢ်နၢ်ပၢၢ်အလီၢ်အိၣ်ဝဲ ဒၣ်လီၤ. ခိၣ်နွံဖျၢၣ်မ့ၢ်ဝဲတၢ်လူၢ်နွံဖျၢၣ်လၢပှၤပိာ်မုၣ်တဂၤန့ၣ် ဆ့ၣ်နီၤလၢအလိၤန့ၣ်လီၤ. အဝဲသ့ၣ်မ့ၢ်စ့ၢ်ကီးစီၤပၤနွံဂၤန့ၣ်လီၤ.