မၤတၢ် 27:35 - Sgaw Karen Common Bible

³⁵ စီၤပီလူးစံးတၢ်ဒ်အံၤဝံၤဒီး, အဝဲဒၣ်ဟံးန့ၢ်ကိၣ်တစဲး, စံးဘျုးစံးဖှိၣ်ကစၢ်ယွၤလၢအဝဲသ့ၣ်ခဲလၢာ်အမဲာ်ညါ, စိၢ်ဘျဲးဝဲ, ဒီးအီၣ်တၢ်လီၤ.

မၤတၢ် 27:35 Iomraidhean Croise

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

လံာ်မးသဲ 14:19

ဒီးမၢပှၤဂီၢ်မုၢ်တဖၣ်ဆ့ၣ်နီၤလၢတပံၢ်အဖီခိၣ်လီၤ. အဝဲဟံးထီၣ်ကိၣ်ယဲၢ်ဖျၢၣ်ဒီးညၣ်ခံဘ့ၣ်, ဝံၤကွၢ်ထီၣ်တၢ်ဆူမူခိၣ်, ဒီးစံးထီၣ်ပတြၢၤယွၤလီၤ. အဝဲစိၢ်ဘျဲးဝဲကိၣ်တဖၣ်, ဒီးဟ့ၣ်လီၤဝဲအပျဲၢ်အဘီၣ်ဒီးအပျဲၢ်အဘီၣ်တဖၣ်ဟ့ၣ်ပှၤဂီၢ်မုၢ် တဖၣ်လီၤ.

လံာ်မးသဲ 15:36

အဝဲဟံးန့ၢ်ကိၣ်နွံဖျၢၣ်ဒီးညၣ်ဖိတဖၣ်န့ၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီးစိၢ်ဘျဲးဝဲ, ဒီးဟ့ၣ်လီၤဝဲအပျဲၢ်အဘီၣ်, ဒီးအပျဲၢ်အဘီၣ်တဖၣ်ဟ့ၣ်လီၤပှၤဂီၢ်မုၢ်တဖၣ်လီၤ.

လံာ်မၢ်ကူး 8:6

အဝဲဒၣ်မၤလိာ်ပှၤဂီၢ်မုၢ်တဖၣ်လၢအကဆ့ၣ်နီၤလၢဟီၣ်ခိၣ်လိၤန့ၣ်လီၤ. အန့ၣ်ဝံၤ, ဟံးန့ၢ်ဝဲကိၣ်နွံဖျၢၣ်န့ၣ်ဒီးစံးထီၣ်ပတြၢၤကစၢ်ယွၤအဘျုး အဖှိၣ်လီၤ. အဝဲဒၣ်စိၢ်ဘျဲးကိၣ်ဒီးဟ့ၣ်လီၤဝဲအပျဲၢ်အဘီၣ်တဖၣ်, ဒီးအဝဲသ့ၣ်ဟ့ၣ်နီၤလီၤဝဲဆူပှၤဂီၢ်မုၢ်အအိၣ်န့ၣ်လီၤ.

လံာ်လူၤကၣ် 24:30

အဝဲဒၣ်ဆ့ၣ်နီၤလၢစီၢ်နီၤခိၣ်တပူၤဃီဒီးအဝဲသ့ၣ်, ဟံးန့ၢ်ကိၣ်ဒီးဆိၣ်ဂ့ၤတၢ်အီၣ်လီၤ. အန့ၣ်ဝံၤဒီး, အဝဲဒၣ်စိၢ်ဘျဲးကိၣ်ဒီးဟ့ၣ်လီၤအဝဲသ့ၣ်လီၤ.

လံာ်ယိၤဟၣ် 6:11

ယ့ၣ်ၡူးဟံးန့ၢ်ကိၣ်, စံးထီၣ်ပတြၢၤကစၢ်ယွၤအဘျုးအဖှိၣ်ဝံၤဒီး ဟ့ၣ်နီၤလီၤဝဲပှၤလၢအဆ့ၣ်နီၤဖဲန့ၣ်တဖၣ်လီၤ. ဟံးန့ၢ်စ့ၢ်ကီးညၣ်ဒီးမၤဝဲဒ်န့ၣ်အသိး, ဒီးပှၤခဲလၢာ်အီၣ်ဘၣ်ဝဲ လၢအီၣ်လၢအီန့ၣ်လီၤ.

လံာ်ယိၤဟၣ် 6:23

ချံအဂၤတဖၣ်ဟဲလၢဝ့ၢ်တံၤဘ့ၤရံဒီးဟဲတိၢ်ထီၣ်အသးဘူး ဒီးတၢ်လီၢ်ဖဲယ့ၣ်ၡူးစံးဘျုးယွၤဝံၤအလီၢ်ခံပှၤဂီၢ်မုၢ်အီၣ် တ့ၢ်ကိၣ်န့ၣ်လီၤ.

ရိမ့ၤ 1:16

အဂ့ၢ်ဒ်အံၤ, ယမဲာ်တဆှးဘၣ်လၢခရံာ်အတၢ်သးခုကစီၣ်အဃိဘၣ်. မ့ၢ်ကစၢ်ယွၤအစိကမီၤလၢကအုၣ်က့ၤခီၣ်က့ၤပှၤလၢအစူၢ်က့ၤနာ် က့ၤတၢ်ခဲလၢာ်, ပှၤယူဒၤဖိတဖၣ်လၢအဆိဒီး ပှၤကြံးခ်ဖိတဖၣ်စ့ၢ်ကီးန့ၣ်လီၤ.

ရိမ့ၤ 14:6

ပှၤတဂၤဂ့ၤတဂၤဂ့ၤလၢအဆိကမိၣ်ပာ်ဒိၣ်မုၢ်နံၤတနံၤနံၤန့ၣ်မၤ ဝဲလၢတၢ်မၤလၤကပီၤကစၢ်အပူၤန့ၣ်လီၤ. ပှၤတဂၤဂ့ၤတဂၤဂ့ၤလၢအအီၣ်တၢ်တမံၤလၢ်လၢ်န့ၣ် မၤဝဲလၢတၢ်မၤလၤမၤကပီၤကစၢ်အပူၤ, မ့ၢ်လၢအဝဲစံးဘျုး ကစၢ်ယွၤလၢတၢ်အီၣ်အဂီၢ်အဃိလီၤ. မတၤတဂၤဂ့ၤတဂၤဂ့ၤလၢအတအီၣ်တၢ်အီၣ်တနီၤနီၤန့ၣ်မၤ ဝဲလၢတၢ်မၤလၤမၤကပီၤကစၢ်အပူၤ, ဒီးစံးထီၣ်ပတြၢၤကစၢ်ယွၤအဘျုးအဖှိၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၁ ပ့းတရူး 4:16

သနာ်က့, သုမ့ၢ်တူၢ်ဘၣ်တၢ်လၢသုမ့ၢ်ပှၤခရံာ်ဖိတဂၤအဃိ ဒီး, တဘၣ်မဲာ်ဆှးတဂ့ၤ. မ့မ့ၢ်စံးဘျုးကစၢ်ယွၤလၢသုစိာ်ခရံာ်အမံၤအဃိန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 9:13

သုမ့ၢ်လဲၤနုာ်ဆူဝ့ၢ်ပူၤတဘျီဃီဒီးသုကထံၣ်အီၤလီၤ. အဝဲဟဲတုၤလၢဝ့ၢ်ပူၤတနံၤအံၤန့ၣ်လီၤ. အဂ့ၢ်ဒ်အံၤပှၤဂီၢ်မုၢ်ကလုၢ်ထီၣ်တၢ်လုၢ်တၢ်ပာ်တမံၤလၢတၢ်လုၢ် လီၢ်အဖီခိၣ်လၢအအိၣ်လၢတၢ်လူၢ်ဒီခိၣ်န့ၣ်လီၤ. တချုးဒံးလၢအဝဲဟဲတုၤဒံးဖဲန့ၣ်ဘၣ်ဒီးပှၤဂီၢ်မုၢ်လၢတၢ် ကွဲမုာ်အီၤတဖၣ်တစးထီၣ်အီၣ်တၢ်ဘၣ်. မ့ၢ်လၢအဝဲကဘၣ်ဆိၣ်ဂ့ၤတၢ်လုၢ်တၢ်ပာ်လၢအဆိအဃိန့ၣ်လီၤ. သုမ့ၢ်လဲၤခဲအံၤဒီးသုကထံၣ်အီၤတချုးဒံးဘၣ်လၢ အဝဲလဲၤထီၣ်ဆူကစၢၢ်ဒီခိၣ်ဒ်သိးကအီၣ်တၢ်န့ၣ်လီၤ.”