မၤတၢ် 27:34 - Sgaw Karen Common Bible

³⁴ မ်ဒ်န့ၣ်ဒီး, ယဃ့ကညးသုလၢသုကအီၣ်တၢ်အီၣ်တမံၤမံၤ လီၤ. ဒ်သိးသုကမူအဂီၢ်န့ၣ်, သုလိၣ်ဘၣ်တၢ်အီၣ်လီၤ. သုခိၣ်သူတဘိဒၣ်လဲာ်တလီၤမၢ်ကွံာ်လၢသုခိၣ်လိၤဘၣ်.”

မၤတၢ် 27:34 Iomraidhean Croise

လံာ်စီၤပၤအခီၣ်ထံးတဘ့ၣ် 1:52

စီၤၡလိၤမိၤစံးဆၢဝဲ, “အဝဲအသးမ့ၢ်တီန့ၣ်, အခိၣ်သူတဘိလၢအခိၣ်လိၤဒၣ်လဲာ်န့ၣ်တဘၣ်တၢ်ထိးအီၤဘၣ်. ဘၣ်ဆၣ်အသးမ့ၢ်တတီဘၣ်န့ၣ်ဒီးအဝဲကဘၣ်သံဝဲဒၣ်န့ၣ်လီၤ.”

လံာ်မးသဲ 10:30

နခိၣ်သူအဘိဒၣ်လဲာ်ဘၣ်တၢ်ဂံၢ်နီၣ်အီၤလၢယွၤလီၤ.

လံာ်မးသဲ 15:32

ယ့ၣ်ၡူးကိးန့ၢ်အပျဲၢ်အဘီၣ်တဖၣ်ဆူအအိၣ်ဒီးစံးဘၣ်အဝဲသ့ၣ်, “ယသးကညီၤဘၣ်ပှၤဂီၢ်မုၢ်တဖၣ်အံၤလီၤ. အဂ့ၢ်ဒ်အံၤ, အဝဲသ့ၣ်အိၣ်တ့ၢ်ဒီးယၤသၢနံၤလံ. ဒီးအခဲအံၤ အတၢ်အီၣ်တအိၣ်ဘၣ်နီတမံၤဘၣ်. ယတအဲၣ်ဒိးဒုးက့ၤအဝဲသ့ၣ်လၢ တၢ်သၣ်ဝံၤသၣ်စ့ၤအပူၤဘၣ်. ကလီၤဘှံးလီၤဘှါဘၣ်ဖုးလၢကျဲလီၤ.”

လံာ်လူၤကၣ် 12:7

သုခိၣ်သူအဘိတဖၣ်ဒၣ်လဲာ်ဘၣ်တၢ်ဂံၢ်နီၣ်ဃာ်အီၤလီၤ. လၢတၢ်န့ၣ်အဃိ, တဘၣ်ပျံၤတၢ်တဂ့ၤ. သုလုၢ်သုပှ့ၤဒိၣ်န့ၢ်ထိၣ်ဖှံးဖိအါဘ့ၣ်တက့ၢ်လီၤ.

လံာ်လူၤကၣ် 21:18

ဘၣ်ဆၣ်ဒီးသုခိၣ်သူတဘိဒၣ်လဲာ်တလီၤမၢ်ကွံာ်ဘၣ်ဝဲဘၣ်.

မၤတၢ် 27:33

ဘူးမုၢ်ကဆ့ၣ်ထီၣ်န့ၣ်, စီၤပီလူးမၢန့ၢ်ဆီၣ်ခံအဝဲသ့ၣ်ဒ်သိး အကအီၣ်ကအီတၢ်တဆံးတက့ၢ်လီၤ. “ခဲအံၤသုအိၣ်ခိးတ့ၢ်တၢ်အိၣ်လံတဆံလွံၢ်သီလံ. ဒီးဒီကတီၢ် ညါအံၤန့ၣ်သုတအီၣ်ဒံးတၢ်နီတမံၤဘၣ်.

ဖံလံးပံၤ 2:5

တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.

၁ တံၤမသ့း 5:23

တဘၣ်အီထဲထံတဂ့ၤ, မ့မ့ၢ်အီစပံးထံတဆံးတက့ၢ်လၢကမၤစၢၤ နကဖုအဂီၢ်, မ့ၢ်လၢနဆိးက့တလီၢ်လီၢ်အဃိန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 14:45

ဘၣ်ဆၣ်ဒီးပှၤဂီၢ်မုၢ်စံးဘၣ်စီၤစီလူး, “မ့ၢ်စီၤယိနၤသၣ် လၢအမၤန့ၢ်တၢ်မၤနၢၤလၢကီၢ်အံၣ်စရ့လးအဂီၢ်ကဘၣ်တၢ်မၤသံ အီၤဧါ. တသ့ဘၣ်. ပအၢၣ်လီၤတၢ်လၢယွၤလၢအမူဝဲတဂၤအ မံၤအပူၤ, လၢအဝဲအခိၣ်သူဖိတဘိဒၣ်လဲာ်တဘၣ်လီၤမၢ်ကွံာ်ဘၣ်. တၢ်လၢအမၤတ့ၢ်ဝဲတနံၤအံၤန့ၣ်, မ့ၢ်တၢ်မၤတ့ၢ်အသးဃုာ်ဒီးကစၢ် ယွၤအတၢ်မၤစၢၤန့ၣ်လီၤ.” မၤသးဒ်န့ၣ်ဒီး, ပှၤဂီၢ်မုၢ်အုၣ်က့ၤခီၣ်က့ၤစီၤယိနၤသၣ်လၢ ကဘၣ်တၢ်မၤသံကွံာ်အီၤန့ၣ်လီၤ.