မၤတၢ် 27:33 - Sgaw Karen Common Bible

³³ ဘူးမုၢ်ကဆ့ၣ်ထီၣ်န့ၣ်, စီၤပီလူးမၢန့ၢ်ဆီၣ်ခံအဝဲသ့ၣ်ဒ်သိး အကအီၣ်ကအီတၢ်တဆံးတက့ၢ်လီၤ. “ခဲအံၤသုအိၣ်ခိးတ့ၢ်တၢ်အိၣ်လံတဆံလွံၢ်သီလံ. ဒီးဒီကတီၢ် ညါအံၤန့ၣ်သုတအီၣ်ဒံးတၢ်နီတမံၤဘၣ်.

မၤတၢ် 27:33 Iomraidhean Croise

လံာ်မးသဲ 15:32

ယ့ၣ်ၡူးကိးန့ၢ်အပျဲၢ်အဘီၣ်တဖၣ်ဆူအအိၣ်ဒီးစံးဘၣ်အဝဲသ့ၣ်, “ယသးကညီၤဘၣ်ပှၤဂီၢ်မုၢ်တဖၣ်အံၤလီၤ. အဂ့ၢ်ဒ်အံၤ, အဝဲသ့ၣ်အိၣ်တ့ၢ်ဒီးယၤသၢနံၤလံ. ဒီးအခဲအံၤ အတၢ်အီၣ်တအိၣ်ဘၣ်နီတမံၤဘၣ်. ယတအဲၣ်ဒိးဒုးက့ၤအဝဲသ့ၣ်လၢ တၢ်သၣ်ဝံၤသၣ်စ့ၤအပူၤဘၣ်. ကလီၤဘှံးလီၤဘှါဘၣ်ဖုးလၢကျဲလီၤ.”

မၤတၢ် 27:21

ဖဲပှၤတအီၣ်တၢ်အီတၢ်ယံာ်ထီၣ်ဝဲန့ၣ်, စီၤပီလူးဂဲၤဆၢထၢၣ်လၢအဝဲသ့ၣ်အမဲာ်ညါဒီးစံးဝဲ, “တံၤသကိးသ့ၣ်ဧၢ, သုကြၢးဒိကနၣ်တ့ၢ်ယကလုၢ် ဒီးသုတကြၢးဟးထီၣ်လၢကီးကြ့တ့ၤဘၣ်. သုမ့ၢ်ကနၣ်တ့ၢ် ယကလုၢ်န့ၣ်, ပကပူၤဖျဲးဒီးတၢ်ဟးဂူာ်ဟးဂီၤ, ဒီးတၢ်လီၤမူၤလီၤမၢ်တဖၣ်အံၤခဲလၢာ်လီၤ.

မၤတၢ် 27:32

လၢတၢ်န့ၣ်အဃိ, ပှၤသုးဖိတဖၣ်ကျီထီၣ်တဲာ်ကွံာ်ချံဖိအပျံၤ ဒီးပျဲအလီၤထွံကွံာ်လီၤ.

မၤတၢ် 27:34

မ်ဒ်န့ၣ်ဒီး, ယဃ့ကညးသုလၢသုကအီၣ်တၢ်အီၣ်တမံၤမံၤ လီၤ. ဒ်သိးသုကမူအဂီၢ်န့ၣ်, သုလိၣ်ဘၣ်တၢ်အီၣ်လီၤ. သုခိၣ်သူတဘိဒၣ်လဲာ်တလီၤမၢ်ကွံာ်လၢသုခိၣ်လိၤဘၣ်.”

မၤတၢ် 9:19

ဒီးတုၤအအီၣ်တၢ်အီတၢ်ဝံၤဒီး, အဂံၢ်အဘါအိၣ်ထီၣ်က့ၤဝဲလီၤ. စီၤစီလူးအိၣ်ဝဲစှၤနံၤစှၤသီလၢအပျဲၢ်အဘီၣ်တဖၣ်အသိးလၢ ဝ့ၢ်ဒၤမ့ၤစ့းအပူၤလီၤ.