မၤတၢ် 27:25 - Sgaw Karen Common Bible

²⁵ လၢတၢ်န့ၣ်အဃိ, တံၤသကိးသ့ၣ်ဧၢ, ပာ်ဆူၣ်သုသးတက့ၢ်. အဂ့ၢ်ဒ်အံၤယနာ်ကစၢ်ယွၤလၢတၢ်ကမၤအသးဒ်ယဘၣ် တၢ်စံးဘၣ်တဲဘၣ်ယၤအသိးန့ၣ်လီၤ.

မၤတၢ် 27:25 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်တၢ်ဂံၢ် 23:19

ကစၢ်ယွၤန့ၣ်တလီၤဂာ်ဒီးပှၤကညီတဖၣ်လၢအလီတၢ်ဘၣ်. အဝဲတမ့ၢ်ပှၤကညီတဂၤလၢအလဲလိာ်ကွံာ်အတၢ်ပာ်သးန့ၣ်ဘၣ်. ကယဲၢ်တၢ်လၢအအၢၣ်လီၤအီလီၤတ့ၢ်ဝဲန့ၣ်အဝဲမၤဝဲလီၤ. အဝဲကတိၤတၢ်ဒီးတၢ်မၤအသးန့ၣ်လီၤ.

လံာ်လူၤကၣ် 1:45

မ့ၢ်လၢနနာ်လၢကစၢ်အတၢ်ကစီၣ်ကဟဲလၢထီၣ်ပှဲၤထီၣ်လၢနဂီၢ် အဃိ, နဘၣ်ဆိၣ်ဂ့ၤနဲလီၤ.”

မၤတၢ် 27:11

ဘၣ်ဆၣ်ဒီးပှၤသုးဖိတကယၤအခိၣ်တနာ်စီၤပီလူးအတၢ် ကတိၤဘၣ်. အဝဲဒၣ်နာ်ကဘီခိၣ်, ဒီးကဘီကစၢ်အတၢ်ကတိၤလီၤ.

မၤတၢ် 27:36

အန့ၣ်ဒီးအဝဲသ့ၣ်အသးအဂံၢ်အဘါဟဲဆူၣ်ထီၣ်, ဒီးအီၣ်စ့ၢ်ကီးတၢ်ကိးဂၤဒဲးလီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.