မၤတၢ် 27:20 - Sgaw Karen Common Bible

²⁰ လၢအါနံၤအါသီအတီၢ်ပူၤန့ၣ်, ပတထံၣ်ဘၣ်မုၢ်မ့ၢ်ဂ့ၤ, ဆၣ်တဖၣ်မ့ၢ်ဂ့ၤဘၣ်, ဒီးကလံၤအူဒံးတၢ်ဆူၣ်ဆူၣ်ကလဲာ်လီၤ. လၢခံကတၢၢ်ပတၢ်မုၢ်လၢ်လၢပကဒိးန့ၢ်တၢ်မၤပူၤဖျဲးပှၤလၢာ် ကွံာ်ဝဲဒၣ်န့ၣ်လီၤ.

မၤတၢ် 27:20 Iomraidhean Croise

စံးထီၣ်ပတြၢၤ 105:28

ကစၢ်ယွၤဆှၢလီၤတၢ်ခံးတၢ်နၤလၢ ကီၢ်အလိၤ, ဘၣ်ဆၣ် ပှၤအဲၤကူပတူးဖိတဖၣ် တစူၢ်ဘၣ်အတၢ်မၤလိာ်ဘၣ်.

လံာ်ယၡါယၤ 57:10

သုစုလၢာ်ခီၣ်လၢာ်လၢသုဃုကစၢ်အဂၤတဖၣ်အဃိ, ဘၣ်ဆၣ်သုတပျဲစုပျဲခီၣ်နီတဘျီဘၣ်. သုဆိကမိၣ်လၢသုတၢ်ဂီၤတၢ်ဖီၣ်တဖၣ်လၢအထိၣ်ဂဲၤတၢ်သး ကတၢန့ၣ်ဟ့ၣ်သုတၢ်ဂံၢ်တၢ်ဘါအဃိဒီးသုတလီၤဘှံးလီၤ တီၤနီတစုဘၣ်န့ၣ်လီၤ.

လံာ်ယံးရမံယၤ 2:25

ကီၢ်အံၣ်စရ့လးဧၢ, မၤဘှံးမၤတီၤနခီၣ်မ့ၢ်ဂ့ၤ, ပျဲနကိာ်ယူၢ်ဃ့ထီ မ့ၢ်ဂ့ၤ, လၢတၢ်လူၤထွဲကစၢ်အဂၤတဖၣ်အခံအဃိတဂ့ၤ. ဘၣ်ဆၣ် နစံး, တမ့ၢ်ဘၣ်. ယဃၣ်ကဒါက့ၤယသးတသ့လၢၤဘၣ်. ယအဲၣ်ဘၣ်တ့ၢ်တခီဘီမုၢ်အကစၢ်တဖၣ်ဒီးယကလူၤပိာ်ထွဲအဝဲသ့ၣ် အခံန့ၣ်လီၤ.”

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ယိၤနါ 1:4

ဘၣ်ဆၣ်ဒီးယွၤဒုးလီၤကလံၤမုၢ်ဖးဒိၣ်လၢပီၣ်လဲၣ်ပူၤ, ဒီးကလံၤမုၢ်အံၤဆူၣ်ဒိၣ်မးတုၤဒၣ်လဲာ်ကဘီဘူးကဟးဂီၤန့ၣ်လီၤ.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

မၤတၢ် 27:19

လၢခံတနံၤကဒီးန့ၣ်, အဝဲသ့ၣ်တ့ၢ်လီၤကဘီအဃၢၤအဃိၣ်တနီၤဆူထံကျါလၢ အစုဒၣ်ဝဲလီၤ.

မၤတၢ် 27:21

ဖဲပှၤတအီၣ်တၢ်အီတၢ်ယံာ်ထီၣ်ဝဲန့ၣ်, စီၤပီလူးဂဲၤဆၢထၢၣ်လၢအဝဲသ့ၣ်အမဲာ်ညါဒီးစံးဝဲ, “တံၤသကိးသ့ၣ်ဧၢ, သုကြၢးဒိကနၣ်တ့ၢ်ယကလုၢ် ဒီးသုတကြၢးဟးထီၣ်လၢကီးကြ့တ့ၤဘၣ်. သုမ့ၢ်ကနၣ်တ့ၢ် ယကလုၢ်န့ၣ်, ပကပူၤဖျဲးဒီးတၢ်ဟးဂူာ်ဟးဂီၤ, ဒီးတၢ်လီၤမူၤလီၤမၢ်တဖၣ်အံၤခဲလၢာ်လီၤ.

၂ ကရံၣ်သူး 11:25

ယဘၣ်တၢ်ဖျ့ယၤလၢပှၤရိမ့ၤဖိတဖၣ်သၢဘျီ, ဒီးတဘျီန့ၣ်ယဘၣ်တၢ်ကွံာ်ယၤလၢလၢၢ်လီၤ. ယလဲၤတၢ်ဒီးကဘီဟးဂီၤလၢကျဲန့ၣ်အိၣ်လံသၢဘျီ, ဒီးတဘျီန့ၣ်ယအိၣ်လၢထံကျါ, လၢခံဆံလွံၢ်နၣ်ရံၣ် အတီၢ်ပူၤလီၤ.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

၁ သ့းစၤလနံ 4:13

ပဒီပုၢ်ဝဲၢ်သ့ၣ်ဧၢ, ပအဲၣ်ဒိးလၢသုကသ့ၣ်ညါလီၤတံၢ်တၢ်မ့ၢ် တၢ်တီဘၣ်ဃးပှၤလၢအသံတ့ၢ်လံတဖၣ်အဂ့ၢ်, ဒ်သိးသုသုတသူၣ်အုးသးအုးဒ်ပှၤလၢအတၢ်မုၢ်လၢ်တအိၣ်ဘၣ် တဖၣ်အသိးတဂ့ၤအဂီၢ်န့ၣ်လီၤ.