မၤတၢ် 27:2 - Sgaw Karen Common Bible

² ပဒိးထီၣ်ကဘီလၢအဟဲလၢဝ့ၢ်အဒြၤမူးတ့ၣ်တဘ့ၣ်လၢအအိၣ် ကတဲာ်ကတီၤအသးဒ်သိးအကဟးထီၣ်ဒီးလဲၤဆူဝ့ၢ်အိၣ်လၢကီၢ် အၤစံအသရ့ၤတဖၣ်န့ၣ်လီၤ. ပှၤသ့းစၤလနံဖိလၢအဘၣ်ဃးဒီးကီၢ်မၤက့းဒနံစီၤအရံ စတၢ်ဃူးတဂၤလဲၤဃုာ်တၢ်ဒီးပှၤလီၤ.

မၤတၢ် 27:2 Iomraidhean Croise

လံာ်လူၤကၣ် 8:22

ဘၣ်တနံၤန့ၣ်ယ့ၣ်ၡူးလဲၤနုာ်ဒီးအပျဲၢ်အဘီၣ်တဖၣ်ဆူချံ တဘ့ၣ်အပူၤဒီးစံးဘၣ်အဝဲသ့ၣ်, “မ်ပကလဲၤခီဂာ်သကိးဆူနိၣ်အဝၢ်ဘးခီတက့ၢ်.” ဒီးအဝဲသ့ၣ်လဲၤဝဲလီၤ.

မၤတၢ် 16:17

အဝဲဒၣ်ပိာ်ထီၣ်စီၤပီလူးဒီးပဝဲသ့ၣ်တဖၣ်အခံ, အိၣ်ဒီးတၢ်ကိး ပသူထီၣ်ဝဲ, “ပှၤသ့ၣ်တဖၣ်အံၤမ့ၢ်ကစၢ်ယွၤလၢအဒိၣ်ကတၢၢ် အထီကတၢၢ်တဂၤအခ့အပှၤလီၤ. အဝဲသ့ၣ်ဘိးဘၣ်သ့ၣ်ညါသုလၢသုကဘၣ်တၢ်အုၣ်က့ၤခီၣ် က့ၤသုဒ်လဲၣ်အဂ့ၢ်န့ၣ်လီၤ.”

မၤတၢ် 17:1

အဝဲသ့ၣ်လဲၤခီဂာ်ဝ့ၢ်အၣ်ဖံပလံၤဒီးဝ့ၢ်အၤပလိၤနံဝံၤဒီး, ဟဲတုၤဝဲလၢဝ့ၢ်သ့းစၤလနံဖဲဘူၣ်ဘျီၣ်လၢအမ့ၢ်တၢ်ဘါ အလီၢ်အိၣ်ဝဲတဖျၢၣ်န့ၣ်လီၤ.

မၤတၢ် 19:19

ပှၤအါဒံအါဂၤလၢအမၤတ့ၢ်တၢ်မၤကဒါမဲာ်အတၢ်ဖံးတၢ်မၤ ဟဲစိာ်ပာ်ဖှိၣ်အလံာ်လၢအသိၣ်လိအီၤဘၣ်ဃးတၢ်မၤတမံၤအံၤ အဂ့ၢ်တဖၣ်တပူၤဃီဒီးဒွဲၣ်အူကွံာ်ဝဲလၢကမျၢၢ်အမဲာ်ညါလီၤ. အဝဲသ့ၣ်ဂံၢ်ကွၢ်ဒွးကွၢ်လံာ်သ့ၣ်တဖၣ်အံၤခဲလၢာ်အပှ့ၤ, ဒီးလီၤလၢဝဲစ့အဘ့ၣ်ယဲၢ်ကလးန့ၣ်လီၤ.

မၤတၢ် 19:29

တၢ်တၢထီၣ်တၢလီၤအဝဲအံၤဘၣ်ကူဘၣ်ဂာ်ဝ့ၢ်ဒီဝ့ၢ်ညါလီၤ. ကမျၢၢ်အအၢအသီတဖုအံၤစှီၤဃာ်စီၤကါယူးဒီးစီၤအရံစတၢ်ဃူး, ပှၤမၤက့းဒနံဖိခံဂၤလၢအလဲၤဃုာ်တၢ်ဒီးစီၤပီလူး, ဒီးဃ့ၢ်တွံၢ်ဃုာ်အဝဲသ့ၣ်ဆူတၢ်ဒုးနဲၣ်တၢ်အဘျီၣ်အပူၤန့ၣ်လီၤ.

မၤတၢ် 2:9

ပဝဲသ့ၣ်တဖၣ်ပမ့ၢ်ပှၤပၢ်သ့ၤဖိ, ပှၤမၤဒဲဖိ, ပှၤဧ့ၤလၣ်ဖိ, ပှၤမ့းစပတၤမံဖိ, ပှၤယူဒၤဖိ, ပှၤကပၤဒကံဖိ, ပှၤပီၣ်တူးဖိ, ပှၤအၤစံဖိ,

မၤတၢ် 21:5

ဘၣ်ဆၣ်ဒီးဖဲတၢ်ဆၢကတီၢ်ဘၣ်ဝဲန့ၣ်, ပဟးထီၣ်ဒီးလဲၤကဒီးတၢ်လီၤ. အဝဲသ့ၣ်ခဲလၢာ်ဃုာ်ဒီးအဖိအမါတဖၣ်လဲၤဆှၢလီၤပှၤဆူဝ့ၢ်အချၢ တုၤလၢထံကၢၢ်ခိၣ်ဒီးဖဲန့ၣ်, ပဝဲခဲလၢာ်ပတီၤလီၤဒီးဃ့ဘါထု ကဖၣ်တၢ်လီၤ.

မၤတၢ် 28:10

အဝဲသ့ၣ်ဟ့ၣ်ပှၤတၢ်ဟ့ၣ်အါအါဂီၢ်ဂီၢ်, ဒီးလၢခံဖဲပဒိးထီၣ်ကဘီန့ၣ်, အဝဲသ့ၣ်တီၣ်ထီၣ်တၢ်လၢပကလိၣ်ဘၣ်အီၤလၢပတၢ်လဲၤတဘျီန့ၣ် အဂီၢ်လီၤ.

မၤတၢ် 28:12

ပလဲၤတုၤဖဲဝ့ၢ်စူၤရၤကူဒီး ပအိၣ်ဖဲန့ၣ်သၢသီလီၤ.

မၤတၢ် 28:16

ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

မၤတၢ် 28:2

ပှၤအိၣ်ဆိးဖဲကီးတဖျၢၣ်န့ၣ်အလိၤတဖၣ်ဂ့ၤလၢပဖီခိၣ်ဒိၣ်မး လီၤ. တၢ်ဟဲစူၤဒီးတၢ်ဂိၢ်အဃိ, အဝဲသ့ၣ်မၤကဲၤထီၣ်မ့ၣ်အူဒီးတူၢ်လိာ်ခီၣ်ဆၢပဝဲကိးဂၤဒဲးလီၤ.

ကလီးစဲ 4:10

စီၤအရံးစတၢ်ဃူးလၢအလီၤဘၣ်ဃိာ်တပူၤဃီဒီးယၤဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ. စီၤဘၢ်နါဘၤအတခွါစီၤမၢ်ကူး (ပှၤလၢသုဘၣ်တၢ်မၢတ့ၢ်သုလၢသုကတူၢ်လိာ်ခီၣ်ဆၢအီၤဖဲ အဝဲလဲၤဘၣ်ဆူသုအိၣ်တဘျီလၢ်လၢ်တဂၤ) စ့ၢ်ကီးဆှၢလီၤ အတၢ်ဆၢဂ့ၤဆၢဝါဆူသုအိၣ်လီၤ.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.