မၤတၢ် 27:11 - Sgaw Karen Common Bible

¹¹ ဘၣ်ဆၣ်ဒီးပှၤသုးဖိတကယၤအခိၣ်တနာ်စီၤပီလူးအတၢ် ကတိၤဘၣ်. အဝဲဒၣ်နာ်ကဘီခိၣ်, ဒီးကဘီကစၢ်အတၢ်ကတိၤလီၤ.

မၤတၢ် 27:11 Iomraidhean Croise

လံာ်စီၤပၤခံဘ့ၣ်တဘ့ၣ် 6:10

လၢတၢ်န့ၣ်အဃိကီၢ်အံၣ်စရ့လးအစီၤပၤဟ့ၣ်ပလီၢ်ပှၤတဖၣ်လၢအအိၣ် ဆိးဖဲတၢ်လီၢ်န့ၣ်ဒီးအဝဲသ့ၣ်စီၣ်မဲာ်စီၣ်နါ, ပာ်သူၣ်ပာ်သးန့ၣ်လီၤ. တၢ်အံၤမၤအသးတဘျုးဘျီန့ၣ်လီၤ.

တၢ်ကတိၤဒိ. 27:12

ပှၤလၢအအိၣ်ဒီးတၢ်သူၣ်ဆးသးဆးန့ၣ်, ကထံၣ်ဆိတၢ်ကိၢ်တၢ်ဂီၤဟဲဝဲဒီးပဒ့ၣ်အီၤလီၤ. မ့မ့ၢ်, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်ဝဲဆူအပူၤလိၤ လိၤဒီးကပီၢ်ယၢ်လီၤက့ၤအသးလၢခံလီၤ.

လံာ်ယဃ့းစက့လး 33:4

ပှၤတဂၤဂၤမ့ၢ်နၢ်ဟူတၢ်သီၣ်န့ၣ်, ဘၣ်ဆၣ်မ့ၢ်တပာ်သူၣ်ပာ်သး ဝဲလၢအဂ့ၢ်ဒီးဒုၣ်ဒါဟဲဒီးမၤသံအီၤန့ၣ်, အန့ၣ်တစု, အဝဲအတၢ်သံ န့ၣ်မ့ၢ်ဒၣ်အတၢ်ကမၣ်ဒၣ်ဝဲန့ၣ်လီၤ.

မၤတၢ် 27:21

ဖဲပှၤတအီၣ်တၢ်အီတၢ်ယံာ်ထီၣ်ဝဲန့ၣ်, စီၤပီလူးဂဲၤဆၢထၢၣ်လၢအဝဲသ့ၣ်အမဲာ်ညါဒီးစံးဝဲ, “တံၤသကိးသ့ၣ်ဧၢ, သုကြၢးဒိကနၣ်တ့ၢ်ယကလုၢ် ဒီးသုတကြၢးဟးထီၣ်လၢကီးကြ့တ့ၤဘၣ်. သုမ့ၢ်ကနၣ်တ့ၢ် ယကလုၢ်န့ၣ်, ပကပူၤဖျဲးဒီးတၢ်ဟးဂူာ်ဟးဂီၤ, ဒီးတၢ်လီၤမူၤလီၤမၢ်တဖၣ်အံၤခဲလၢာ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ယၤကိာ် 3:4

မ့တမ့ၢ်ကွၢ်ဆိကမိၣ်ကဘီတဘ့ၣ်အဂ့ၢ်တက့ၢ်. ကဘီအံၤဒိၣ်ထဲလဲၣ်, ဒီးကလံၤဆူၣ်အူဘၣ်အီၤထဲလဲၣ် သနာ်က့, ဘၣ်တၢ်ဒီလိၤအီၤခီဖျိနီၣ်ဝၢ်ကၢၤဆံးဆံးဖိ တဘ့ၣ်, ဒီးလဲၤတၢ်ဒ်ကဘီခိၣ်သးအိၣ်လၢအကလဲၤဝဲ အသိးန့ၣ်လီၤ.

လံာ်လီၣ်ဖျါ 18:17

ဒီးလၢတနၣ်ရံၣ်အတီၢ်ပူၤ, ကယဲၢ်အတၢ်လုၢ်ဒိၣ်ပှ့ၤဒိၣ်တဖၣ်အံၤလီၤမၢ်ကွံာ်န့ၢ်အီၤခဲလၢာ်လံ.” ဒီးကယဲၢ်ကဘီခိၣ်, ဒီးပှၤဒိးတၢ်ဖိ, ဒီးကဘီဖိ, ဒီးပှၤအဂၤခဲလၢာ်လၢအလုၢ်အီၣ်အသးသမူခီဖျိတၢ်လဲၤ တၢ်က့ၤလၢပီၣ်လဲၣ်ပူၤတဖၣ်အိၣ်ဆၢထၢၣ်စီၤစိဝဲဒၣ်လၢ အယံၤ,