မၤတၢ် 27:10 - Sgaw Karen Common Bible

¹⁰ “တံၤသကိးသ့ၣ်ဧၢ, ယထံၣ်လၢပတၢ်လဲၤစးထီၣ်ဖဲအံၤဒီးဆူညါ ကမ့ၢ်တၢ်လၢအလီၤပျံၤလီၤဖုးလီၤ. တၢ်ဟးဂူာ်ဟးဂီၤဒီးတၢ်လီၤမူၤလီၤမၢ်အဒိၣ်အမုၢ်ကအိၣ်ဝဲဒၣ်, တမ့ၢ်ထဲတၢ်ဖိတၢ်လံၤလၢတၢ်ပဒၢးအီၤဒီးကဘီန့ၣ်ဘၣ်. သးသမူတဖၣ်ကလီၤမၢ်ကွံာ်စ့ၢ်ကီးလီၤ.”

မၤတၢ် 27:10 Iomraidhean Croise

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

လံာ်ဒၤနံးယ့လး 2:30

ခဲအံၤ, တၢ်ခူသူၣ်အဒိၣ်အယိာ်အံၤန့ၣ်ဘၣ်တၢ်လီၣ်ဖျါထီၣ် န့ၢ်တ့ၢ်ဆူယအိၣ်လီၤ. တမ့ၢ်ဘၣ်လၢယကူၣ်တၢ်သ့ဒိၣ်န့ၢ် ပှၤအဂၤအဃိဘၣ်. မ့မ့ၢ်ဒ်သိး, နဲဒၣ်စီၤပၤကမၤလိနတၢ်မံ မီၢ်အခီပညီ, ဒီးနၢ်ပၢၢ်တၢ်ဆိကမိၣ်တဖၣ်လၢအဟဲပၢၢ်ထီၣ် လၢနသးပူၤန့ၣ်လီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

မၤတၢ် 21:3

ဖဲပလဲၤတၢ်ဒီးတုၤတၢ်လီၢ်ဖဲကီးကူပြူးဟဲအိၣ်ဖျါထီၣ်န့ၣ်, ပလဲၤလၢအကလံၤထံးတကပၤဒီးလဲၤပဝဲဆူကီၢ်စူၤရံလီၤ. ပလဲၤထီၣ်ဆူထံကၢၢ်ခိၣ်ဖဲဝ့ၢ်ထါယၢၣ်ဖဲကဘီကပာ်လီၤ အတၢ်ဖိတၢ်လံၤလၢတၢ်ပဒၢးအီၤန့ၣ်လီၤ.

မၤတၢ် 27:31

ဘၣ်ဆၣ်ဒီးစီၤပီလူးစံးဘၣ်ပှၤသုးဖိတကယၤအခိၣ်ဒီး သုးဖိတဖၣ်, “ပှၤကဘီဖိသ့ၣ်တဖၣ်အံၤမ့ၢ်တအိၣ်လၢ ကဘီပူၤန့ၣ်သုပူၤဖျဲးတသ့ဘၣ်.”

မၤတၢ် 27:34

မ်ဒ်န့ၣ်ဒီး, ယဃ့ကညးသုလၢသုကအီၣ်တၢ်အီၣ်တမံၤမံၤ လီၤ. ဒ်သိးသုကမူအဂီၢ်န့ၣ်, သုလိၣ်ဘၣ်တၢ်အီၣ်လီၤ. သုခိၣ်သူတဘိဒၣ်လဲာ်တလီၤမၢ်ကွံာ်လၢသုခိၣ်လိၤဘၣ်.”

၁ ပ့းတရူး 4:18

ဒ်တၢ်ကွဲးအသးစံးဝဲအသိး, “ပှၤဂ့ၤပှၤဝါတဖၣ်ကတုၤလၢ တၢ်အုၣ်က့ၤခီၣ်က့ၤအဂီၢ်မ့မ့ၢ်တၢ်အကီဒီး, ပှၤတၢ်ဒဲးဘးဖိလၢအကစၢ်ယွၤတအိၣ်တဖၣ် တၢ်ကမၤအသးဒီးအီၤဒ်လဲၣ်” (ကူၣ်သ့ ၁၁:၃၁).