မၤတၢ် 27:1 - Sgaw Karen Common Bible

¹ ဖဲတၢ်စံၣ်ညီၣ်အၢၣ်လီၤလၢပကဘၣ်ဒိးကဘီဆူကီၢ်အံၤတလံန့ၣ်, အဝဲသ့ၣ်ဟ့ၣ်လီၤစီၤပီလူးဒီးပှၤဃိာ်ဖိအဂၤတဖၣ်ဆူစီၤယူၤလံ အစုပူၤန့ၣ်လီၤ. အဝဲဒၣ်မ့ၢ်ပှၤသုးဖိတကယၤအခိၣ်ဘၣ် ဃးဒီးရိမ့ၤသုးမုၢ်တဖုလၢအဘၣ်တၢ်သ့ၣ်ညါအီၤဒ် “စီၤပၤဖးဒိၣ် အသုးမုၢ်” န့ၣ်လီၤ.

မၤတၢ် 27:1 Iomraidhean Croise

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

စံးထီၣ်ပတြၢၤ 33:11

ဘၣ်ဆၣ်ယွၤအတၢ်ကူၣ်ထီၣ်ဖးလီၤတဖၣ် အိၣ်ဂၢၢ်ဆိးကျၢၤလီၤစိၤလီၤထီ ဒီးအတၢ်ပာ်လီၤအသး အိၣ်ဝဲအစိၤစိၤအဃၣ်ဃၣ်လီၤ.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

တၢ်ကတိၤဒိ. 19:21

ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

လံာ်သးသယုၢ်တၢ် 3:27

တၢ်မၤလိတၢ်သူၣ်စူၤသးစူၤဖဲပမ့ၢ်ဒံးပှၤသးစၢ်န့ၣ် မ့ၢ်တၢ်ဂ့ၤကတၢၢ်န့ၣ်လီၤ.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်လူၤကၣ် 7:2

ပှၤရိမ့ၤသုးဖိတကယၤအခိၣ်ဖဲဝ့ၢ်အဝဲန့ၣ်အပူၤတဂၤအိၣ် ဒီးတၢ်ခ့တၢ်ပှၤလၢအအဲၣ်ဝဲဒိၣ်မးတဂၤလီၤ. တၢ်ခ့တၢ်ပှၤပိာ်ခွါတဂၤန့ၣ်, အိၣ်တဆူၣ်နးမးတုၤဒၣ်လဲာ်ဘူးတ့ၢ်လၢအကသံလီၤ.

မၤတၢ် 10:1

ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 10:22

အဝဲသ့ၣ်စံးဆၢဝဲ, “သုးဖိတကယၤအခိၣ်စီၤကန့လံးဆှၢလီၤပှၤလီၤ. အဝဲမ့ၢ်ပှၤဂ့ၤပှၤဝါလၢအယူးယီၣ်ဒီးပျံၤကစၢ်ယွၤတဂၤ, ဒီးပှၤယူဒၤဖိခဲလၢာ်ယူးယီၣ်ပာ်ကဲအီၤအဒိၣ်အအါလီၤ. ကစၢ်ယွၤအကလူးတဂၤစံးဘၣ်အီၤလၢအကကွဲဃီၤနၤဆူအဟံၣ်, ဒ်သိးအကနၢ်ဟူဘၣ်နတၢ်စံးတၢ်ကတိၤတဖၣ်အဂီၢ်လီၤ.”

မၤတၢ် 16:10

စီၤပီလူးဒိးန့ၢ်တၢ်ထံၣ်လၢညါခီဝံၤအလီၢ်ခံတဘျီဃီ, ပအိၣ်ကတဲာ်ကတီၤပသးလၢပကဟးထီၣ်ဒီးလဲၤဆူကီၢ်မၤက့းဒနံ, အဂ့ၢ်မ့ၢ်လၢပနာ်လၢယွၤကိးပှၤဒ်သိးပကစံၣ်တဲၤတဲလီၤတၢ်သးခု အကစီၣ်ဆူပှၤထံဖိကီၢ်ဖိဖဲန့ၣ်တဖၣ်အအိၣ်အဃိန့ၣ်လီၤ.

မၤတၢ် 18:2

ဖဲန့ၣ်အဝဲဒၣ်ထံၣ်လိာ်ပှၤယူဒၤဖိတဂၤလၢအမံၤမ့ၢ်စီၤအကူလၤ, အိၣ်ဖျဲၣ်ထီၣ်လၢဝ့ၢ်ပီၣ်တူးဒီးဟဲတုၤသီဒီးအမါနီၢ်ပြံစကံးလၤန့ၣ်လီၤ. အဝဲသ့ၣ်ဟးထီၣ်ကွံာ်လၢကီၢ်အံၤတလံမ့ၢ်လၢစီၤပၤဖးဒိၣ်ကျီၤဒံ ဟ့ၣ်လီၤတၢ်ကလုၢ်လၢပှၤယူဒၤဖိကိးဂၤဒဲးကဘၣ်ဟးထီၣ်ကွံာ် ဖဲဝ့ၢ်ရိမ့ၤအဃိန့ၣ်လီၤ. စီၤပီလူးလဲၤထံၣ်လိာ်အဝဲသ့ၣ်,

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 21:32

တဘျီဃီအဝဲဒၣ်ကိးထီၣ်သုးဖိတကယၤအခိၣ်တဖၣ်ဒီးသုးဖိ တဖၣ်ဒီးလဲၤလီၤသဖှိဝဲဆူပှၤဂီၢ်မုၢ်တဖၣ်အအိၣ်လီၤ. ဖဲပှၤဂီၢ်မုၢ်တဖၣ်ထံၣ်ဘၣ်အဝဲဒၣ်ဒီးသုးဖိတဖၣ်န့ၣ်, အဝဲသ့ၣ်ဆိကတီၢ်ကွံာ်အတၢ်တီၢ်စီၤပီလူးန့ၣ်လီၤ.

မၤတၢ် 22:26

ဖဲသုးဖိတကယၤအခိၣ်နၢ်ဟူတၢ်အံၤန့ၣ်, အဝဲဒၣ်လဲၤဆူသုးဖိတကထိအခိၣ်အအိၣ်ဒီးသံကွၢ်အီၤ, “နမၤတၢ်မနုၤလဲၣ်န့ၣ် မ့ၢ်နသ့ၣ်ညါကစီဒီဧါ. ပှၤတဂၤန့ၣ်, မ့ၢ်ရိမ့ၤအထံဖိကီၢ်ဖိတဂၤလီၤ.”

မၤတၢ် 23:11

နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 23:17

ဖဲန့ၣ်စီၤပီလူးကိးပှၤသုးဖိတကယၤအခိၣ်အကျါ တဂၤဒီးစံးဘၣ်အီၤ, “ဆှၢပိာ်ခွါသးစၢ်တဂၤအံၤဆူပှၤသုးဖိတကထိအခိၣ်အအိၣ် တက့ၢ်. အဝဲအိၣ်ဒီးတၢ်ဂ့ၢ်တမံၤလၢအကစံးဘၣ်တဲဘၣ်အီၤလီၤ.”

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.

မၤတၢ် 25:12

တုၤနုၤတစုစီၤဖ့စတူးကူၣ်သကိးဖးသကိးဒီးအပှၤကူၣ် လိာ်တၢ်တဖၣ်, ဝံၤဒီးစံးဆၢစီၤပီလူး, “နပတံထီၣ်တၢ်ဆူစီၤပၤဖးဒိၣ် အအိၣ်လံ. လၢတၢ်န့ၣ်အဃိနကလဲၤဘၣ်ဆူစီၤပၤဖးဒိၣ် အအိၣ်လီၤ.”

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.

မၤတၢ် 27:11

ဘၣ်ဆၣ်ဒီးပှၤသုးဖိတကယၤအခိၣ်တနာ်စီၤပီလူးအတၢ် ကတိၤဘၣ်. အဝဲဒၣ်နာ်ကဘီခိၣ်, ဒီးကဘီကစၢ်အတၢ်ကတိၤလီၤ.

မၤတၢ် 27:43

ဘၣ်ဆၣ်ပှၤသုးဖိတကယၤအခိၣ်သးအိၣ်မၤပူၤဖျဲးစီၤပီ လူးသတးဒီး, အဝဲဒၣ်တြီပှၤသုးဖိတဖၣ် ဒ်သိးအသုတမၤ သံပှၤဃိာ်ဖိတဖၣ်တဂ့ၤလီၤ. လၢတၢ်န့ၣ်အလီၢ်အဝဲဟ့ၣ်လီၤ အကလုၢ်ဒ်သိးပှၤလၢအပီၢ်ထံသ့ကိးဂၤဒဲးကစံၣ်လီၤဆိဆူထံ ကျါဒီးပီၢ်ထံဆူခိန့ၣ်လီၤ.

မၤတၢ် 27:6

ဖဲန့ၣ်ပှၤသုးဖိတကယၤအခိၣ်ထံၣ်န့ၢ်ကဘီတဘ့ၣ်လၢ အဟဲလၢဝ့ၢ်အလ့းစၣ်ဒြ့းဒီးကလဲၤဆူကီၢ်အံၤတလံ အဃိ, အဝဲဒၣ်ဒုးဒိးထီၣ်ပှၤလၢအကဘီတဘ့ၣ်န့ၣ်လီၤ.

မၤတၢ် 28:1

ဖဲပတုၤပဝဲဂ့ၤဂ့ၤဘၣ်ဘၣ်ဖဲခိဝံၤအလီၢ်ခံန့ၣ်, ပသ့ၣ်ညါဘၣ်က့ၤပဝဲလၢကီးတဖျၢၣ်န့ၣ်အမံၤမ့ၢ်ဝဲမ့းလံတ့ၤ လီၤ.

မၤတၢ် 28:16

ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

ဧ့ၤဘြံၤ 13:24

ဆှၢဘၣ်ပတၢ်ဆၢဂ့ၤဆၢဝါတဖၣ်ဆူသုခိၣ်သုနၢ်ခဲလၢာ် ဒီးဆူကစၢ်ယွၤအပှၤဂီၢ်မုၢ်ခဲလၢာ်အအိၣ်တက့ၢ်. သုဒီပုၢ်ဝဲၢ်လၢကီၢ်အံၤတလံတဖၣ်ဆှၢလီၤအတၢ်ဆၢဂ့ၤ ဆၢဝါတဖၣ်န့ၣ်လီၤ.