မၤတၢ် 26:4 - Sgaw Karen Common Bible

⁴ လၢယသးစၢ်လံၤလံၤယအိၣ်မူယဲဒ်လဲၣ်န့ၣ်, ပှၤယူဒၤဖိကိးဂၤဒဲး သ့ၣ်ညါဝဲလီၤ. အဝဲသ့ၣ် သ့ၣ်ညါဝဲယတၢ်အိၣ်မူဒီကတီၢ်ညါ စးထီၣ်လၢယအိၣ်မူဖဲယထံယကီၢ်ဒၣ်ယဲဒီးလၢခံက့ၤဖဲဝ့ၢ် ယရူၤၡလ့ၣ်န့ၣ်လီၤ.

မၤတၢ် 26:4 Iomraidhean Croise

မၤတၢ် 22:3

“ယမ့ၢ်ပှၤယူဒၤဖိတဂၤ, ယအိၣ်ဖျဲၣ်ထီၣ်ဖဲဝ့ၢ်တၢ်စူးဘၣ်ဃး ဒီးကီၢ်ကံၤလံၤကံ, ဘၣ်ဆၣ်တၢ်လုၢ်ဒုးဒိၣ်ထီၣ်ယၤဖဲအံၤလၢဝ့ၢ် ယရူၤရှလ့ၣ်ဒီးမၤလိဘၣ်တၢ်လၢစီၤကမၤလ့လးအစုပူၤလီၤ. ယဘၣ်တၢ်သိၣ်လိတ့ၢ်ယၤဃံးဃံးလၢတၢ်သိၣ်တၢ်သီလၢအဘၣ် တၢ်ပိာ်ထွဲတ့ၢ်အီၤလၢမိၢ်ပၢ်ဖံဖုလၢပျၢၤတဖၣ်, ဒီးယသူၣ်ဆူၣ်သးဂဲၤလၢကစၢ်ယွၤအတၢ်ဖံးတၢ်မၤအပူၤလၢ ယသးဒီဖျၢၣ်ညါဒ်သုဝဲကိးဂၤလၢမုၢ်မဆါတနံၤအံၤဖဲတၢ် လီၢ်တပူၤအံၤန့ၣ်လီၤ.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

ကလၤတံ 1:13

သုနၢ်ဟူဘၣ်တ့ၢ်လံလၢဖဲယဟ့ၣ်လီၤယသးဆူယူဒၤအတၢ် ဘူၣ်တၢ်ဘါအဂီၢ်အဆၢကတီၢ်န့ၣ်ယအိၣ်မူယဲဒ်လဲၣ်, လၢတၢ်တအိၣ်ဒီးတၢ်သးကညီၤအပူၤယမၤအၢမၤနးကစၢ်ယွၤ အတၢ်အိၣ်ဖှိၣ်ဒ်လဲၣ်, ဒီးယဂုာ်ကျဲးစၢးလၢာ်သးလၢယကမၤဟးဂီၤကွံာ်တၢ်အိၣ်ဖှိၣ်ဒ် လဲၣ်အဂ့ၢ်န့ၣ်လီၤ.

ဖံလံးပံၤ 3:5

ယဘၣ်တၢ်ကူးတရံးယၤဖဲယသးအိၣ်တနွံအဆၢကတီၢ် န့ၣ်လီၤ. ယမ့ၢ်ပှၤအံၣ်စရ့လးဖိတဂၤလၢယအိၣ်ဖျဲၣ်ထီၣ်လံၤလံၤ, ယဘၣ်ဃးဒီးစီၤဘံၣ်ယၤမံၣ်အဒူၣ်, ဒီးမ့ၢ်ပှၤဧ့ၤဘြံၤဖိအသွံၣ် ဆှံဆှံတဂၤန့ၣ်လီၤ. ဖဲလၢအဘၣ်ဃးဒီးတၢ်အိၣ်မူပိာ်ထွဲပှၤယူဒၤဖိအတၢ်သိၣ် တၢ်သီန့ၣ်, ယမ့ၢ်ပှၤဖၤရံၤၡဲဖိတဂၤ,

၂ တံၤမသ့း 3:10

မ့မ့ၢ်နဲဒၣ်အံၤနပိာ်ထွဲယတၢ်သိၣ်လိသီလိအခံ, ယတၢ်အိၣ်မူအကျဲဒီးယတၢ်တိာ်လၢတၢ်အိၣ်မူအပူၤန့ၣ်လီၤ. နထံၣ်ဘၣ်တ့ၢ်ယတၢ်စူၢ်တၢ်နာ်, ယတၢ်ဝံသးစူၤ, ယတၢ်အဲၣ်တၢ်ကွံ, ယတၢ်သ့တူၢ်တၢ်,