မၤတၢ် 26:25 - Sgaw Karen Common Bible

²⁵ စီၤပီလူးစံးဆၢဝဲ, “ယတပျုၢ်ဘၣ်. တၢ်ဒိၣ်ကစၢ်စီၤဖ့စတူးဧၢ, တၢ်ကတိၤလၢယကတိၤယဲတဖၣ်အံၤမ့ၢ်တၢ်မ့ၢ်တၢ်တီသပှၢ် ကတၢၢ်န့ၣ်လီၤ.

မၤတၢ် 26:25 Iomraidhean Croise

လံာ်ယံးရမံယၤ 29:26

“ယွၤဒုးကဲထီၣ်တ့ၢ်နၤလၢ ပှၤလုၢ်တၢ်ခိၣ်တဂၤလၢစီၤယဟိယဒါအလီၢ်, ဒီးအခဲအံၤ နမ့ၢ်ပှၤအခိၣ်အဒိၣ်ကတၢၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. တၢ်အံၤမ့ၢ် နမူနဒါလၢ နကဘၣ်ကွၢ်ဃုာ်လၢ, ကယဲၢ်ပှၤအပျုၢ်တဂၤလၢ်လၢ်လၢ အပာ်မၤအသးဒ်အမ့ၢ်ဝံတဂၤအသိးန့ၣ်, ကဘၣ်တၢ်စၢဃာ်အီၤလၢ ထးသွဲတဖၣ်အိၣ်ဒီးထးကိာ်ကျီၤလၢ အကိာ်လိၤန့ၣ်လီၤ.

လံာ်လူၤကၣ် 1:3

ဒီးလၢတၢ်န့ၣ်အဃိတၢ်ဒိၣ်ဧၢ, ဒ်ယဃုသ့ၣ်ညါနၢ်ပၢၢ်တ့ၢ်လံယဲ ဘၣ်ဃးတၢ်ဂ့ၢ်သ့ၣ်တဖၣ်အံၤခဲလၢာ်ခဲဆ့စးထီၣ်လၢအခီၣ်ထံး အသိး, ယဆိကမိၣ်ယမ့ၢ်ကွဲးလီၤတၢ်ဂ့ၢ်တမံၤအံၤလၢအဂ့ၢ်အဝီ ဒ်သိးနကဖးဘၣ်နဲအဂီၢ်ဒီး, ကမ့ၢ်တၢ်လၢအဂ့ၤလီၤ.

လံာ်ယိၤဟၣ် 8:49

ယ့ၣ်ၡူးစံးဆၢဝဲ, “တၢ်နါတအိၣ်လၢယပူၤဘၣ်. ယယူးယီၣ်ယပၢ်, ဘၣ်ဆၣ်သုတယူးယီၣ်ယၤဘၣ်.

မၤတၢ် 23:26

“တၢ်ဆၢဂ့ၤဆၢဝါလၢယၤ, စီၤကျီၤဒံလူၤစံ, ဆူတၢ်ဒိၣ်ကစၢ်ပဒိၣ်ဖးဒိၣ်စီၤဖ့လံးအအိၣ်, မ်နဘၣ်အမုာ်တက့ၢ်.

မၤတၢ် 24:3

တၢ်သ့ၣ်တဖၣ်အံၤပတူၢ်လိာ်မုာ်အီၤလၢတၢ်လီၢ်ကိးပူၤဒဲး ကိးဆၢကတီၢ်ဒဲး, ဒီးပစံးဘျုးဘၣ်နၤအဒိၣ်အအါလီၤ.

တံတူး 1:9

အဝဲကဘၣ်ဟံးဃာ်ဂၢၢ်ကျၢၤတၢ်ကစီၣ်လၢတၢ်နာ်န့ၢ်အီၤသ့ဒီးဃူ ဃီၣ်လီၤပလိာ်ဒီးတၢ်သိၣ်လိသီလိအမ့ၢ်အတီန့ၣ်လီၤ. လၢကျဲဒ်အံၤန့ၣ်, အဝဲဟ့ၣ်ဂံၢ်ဟ့ၣ်ဘါပှၤဂၤတဖၣ်လၢတၢ်သိၣ်လိသီလိအမ့ၢ် အတီသ့ဝဲ, ဒီးဒုးနဲၣ်ပှၤလၢအထီဒါတၢ်တဖၣ် အတၢ်ကမၣ် သ့စ့ၢ်ကီးန့ၣ်လီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.