မၤတၢ် 26:24 - Sgaw Karen Common Bible

²⁴ ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

မၤတၢ် 26:24 Iomraidhean Croise

လံာ်စီၤပၤခံဘ့ၣ်တဘ့ၣ် 9:11

စီၤယ့ၤဟူက့ၤကဒါက့ၤဆူအသကိးသုးခိၣ်ကဒဲကဒဲသ့ၣ်တဖၣ်အ အိၣ်, ဒီးအဝဲသ့ၣ်သံကွၢ်အီၤ, “တၢ်ခဲလၢာ်ဘၣ်လီၢ်ဘၣ်စးကစီဒီဧါ. တၢ်ပျုၢ်တဂၤန့ၣ်သးလီတၢ်မနုၤလၢနအိၣ်လဲၣ်.” စီၤယ့ၤဟူစံးဆၢဝဲ, “တၢ်လၢအဝဲသးလီဝဲန့ၣ်သုသ့ၣ်ညါ လီၤ.”

လံာ်ယံးရမံယၤ 29:26

“ယွၤဒုးကဲထီၣ်တ့ၢ်နၤလၢ ပှၤလုၢ်တၢ်ခိၣ်တဂၤလၢစီၤယဟိယဒါအလီၢ်, ဒီးအခဲအံၤ နမ့ၢ်ပှၤအခိၣ်အဒိၣ်ကတၢၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. တၢ်အံၤမ့ၢ် နမူနဒါလၢ နကဘၣ်ကွၢ်ဃုာ်လၢ, ကယဲၢ်ပှၤအပျုၢ်တဂၤလၢ်လၢ်လၢ အပာ်မၤအသးဒ်အမ့ၢ်ဝံတဂၤအသိးန့ၣ်, ကဘၣ်တၢ်စၢဃာ်အီၤလၢ ထးသွဲတဖၣ်အိၣ်ဒီးထးကိာ်ကျီၤလၢ အကိာ်လိၤန့ၣ်လီၤ.

လံာ်ဟိၤၡ့ 9:7

တၢ်ဆၢကတီၢ်လၢတၢ်စံၣ်ညီၣ်အဂီၢ်, တၢ်ဆၢကတီၢ်လၢပှၤဂီၢ်မုၢ်တဖၣ်ကဒိးန့ၢ်တၢ်လၢအကြၢးဒိးန့ၢ်ဘၣ် ဝဲန့ၣ်ဟဲတုၤလံ. ဖဲတၢ်န့ၣ်မၤအသးဒီးကီၢ်အံၣ်စရ့လးကသ့ၣ်ညါအီၤလီၤ. သုစံးလၢဝံတဂၤအံၤမ့ၢ်ပှၤဟးဂီၤဖိန့ၣ်လီၤ. ပှၤလၢယွၤဟ့ၣ်စိဟ့ၣ်ကမီၤအီၤတဂၤအံၤပျုၢ်လီၤ. သုပှၤဂီၢ်မုၢ်တဖၣ်သးဟ့ယၤနးနးကလဲာ်မ့ၢ်လၢသုတၢ်ဒဲးဘး န့ၣ်အါဝဲအဃိလီၤ.

လံာ်မၢ်ကူး 3:21

တုၤအဒူၣ်ဖိထၢဖိတဖၣ်နၢ်ဟူဘၣ်တၢ်ဂ့ၢ်အံၤဒီး, အဝဲသ့ၣ်လဲၤဝဲဒ်သိးအကကိးဆူၣ်က့ၤအီၤအဂီၢ် မ့ၢ်လၢပှၤစံးလၢအဝဲပျုၢ်ထီၣ်လံအဃိလီၤ.

လံာ်ယိၤဟၣ် 7:15

ပှၤယူဒၤဖိအခိၣ်အနၢ်တဖၣ်ကမၢကမၣ်ဝဲဒိၣ်မးဒီးစံး, “ပှၤတဂၤအံၤတမၤလိဘၣ်တၢ်လၢပှၤယူဒၤဖိတၢ်သိၣ် တၢ်သီအသရၣ်ဒိၣ်တဖၣ်အစုပူၤသနာ်က့, သ့ၣ်ညါ တၢ်အါထဲအံၤညါန့ၣ်, ဟဲအသးဒ်လဲၣ်.”

လံာ်ယိၤဟၣ် 8:48

ပှၤယူဒၤဖိတဖၣ်စံးဆၢတၢ်ဒီးစံးဘၣ်အီၤ, “ပစံးလၢနမ့ၢ် ပှၤၡၤမရံဖိတဂၤဒီးတၢ်နါအိၣ်လၢနပူၤန့ၣ်, မ့ၢ်အတဘၣ် ဘၣ်ဧါ.”

လံာ်ယိၤဟၣ် 8:52

အဝဲသ့ၣ်စံးဘၣ်အီၤ, “ခဲအံၤပသ့ၣ်ညါလီၤတံၢ်လၢတၢ်နါ အိၣ်လၢနပူၤလီၤ. စီၤအၤဘြၤဟၣ်သံလံ, ဒီးဝံတဖၣ်သံလံ. အန့ၣ်ဒၣ်လဲာ် နစံးလၢ ‘ပှၤလၢအတိၢ်န့ၢ်ယကလုၢ်ကထါန့ၣ် တသံနီတဘျီဘၣ်.’

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 22:1

ဒီပုၢ်ဒီဝဲၢ်, ဒီးပၢ်သ့ၣ်ဧၢ, ဒိကနၣ်ယတၢ်ကတိၤဒီဒၣ်ယသးလၢသုမဲာ်ညါအံၤတက့ၢ်.

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 26:11

အဆၢကတီၢ်အိၣ်ဝဲအါဘျီဖဲယဒုးဘၣ်အဝဲသ့ၣ်တၢ်စံၣ်ညီၣ် လၢဘူၣ်ဘျီၣ်တဖၣ်အပူၤဒီးဂုာ်ကျဲးစၢးမၤယဲဒ်သိးအဝဲသ့ၣ် ကညိကွံာ်အတၢ်စူၢ်တၢ်နာ်န့ၣ်လီၤ. ယသးထီၣ်ဘၣ်အဝဲသ့ၣ်တုၤဒၣ်လဲာ်ယလဲၤဆူဝ့ၢ်အဂၤတဖၣ် ဒ်သိးယကမၤအၢမၤနးအဝဲသ့ၣ်န့ၣ်လီၤ.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

၂ ကရံၣ်သူး 5:13

မ့ၢ်ပပျုၢ်စဲဃဲၤနီၢ်နီၢ်ဧါ. တၢ်န့ၣ်မ့ၢ်ဒၣ်လၢကစၢ်ယွၤအဂီၢ်လီၤ. မ့တမ့ၢ်, မ့ၢ်ပသးပှဲၤကစီဒီဧါ. မ့မ့ၢ်ဒ်န့ၣ်ဒီး မ့ၢ်ဒၣ်လၢသုဂီၢ်လီၤ.

၂ တံၤမသ့း 3:15

ဒီးလၢနမ့ၢ်ဖိသၣ်လံၤလံၤန့ၣ်, နသ့ၣ်ညါတ့ၢ်တၢ်ကွဲးအသးစီဆှံ တဖၣ်လၢအဟ့ၣ်နၤတၢ်ကူၣ်တၢ်ဆးလၢအဆှၢနၤဆူတၢ်အုၣ်က့ၤ ခီၣ်က့ၤခီဖျိတၢ်စူၢ်က့ၤနာ်က့ၤယ့ၣ်ၡူးခရံာ်န့ၣ်လီၤ.