မၤတၢ် 26:2 - Sgaw Karen Common Bible

² “စီၤပၤအကြံးပၤဧၢ, မုၢ်တနံၤညါအံၤယကဘၣ်ကတိၤဒီဒၣ်ယသး လၢနမဲာ်ညါထီဒါတၢ်ကမၣ်ခဲလၢာ်လၢပှၤယူဒၤဖိပာ်ဝဲလၢယလိၤ အဃိ, ယထံၣ်လီၤယသးလၢယမ့ၢ်ပှၤဘၣ်ဆိၣ်ဂ့ၤတဂၤလီၤ.

မၤတၢ် 26:2 Iomraidhean Croise

စံးထီၣ်ပတြၢၤ 119:46

ယကကတိၤတၢ်လၢနတၢ်အုၣ်နသးအဂ့ၢ်တဖၣ် လၢစီၤပၤတဖၣ်အမဲာ်ညါ ဒီးယတဘၣ်တၢ်မၤမဲာ်ဆှးယၤဘၣ်.

လံာ်မးသဲ 10:19

တုၤသုဘၣ်တၢ်သမံသမိးသုဒီးသုကဘၣ်စံးတၢ်မနုၤလဲၣ်, သုကဘၣ်စံးဆၢတၢ်ဒ်လဲၣ်န့ၣ်သုတဘၣ်ယိၣ်တဂ့ၤ. တၢ်ဆၢကတီၢ်မ့ၢ်ဘၣ်ဒီး ယွၤကဟ့ၣ်လီၤသုလၢ တၢ်စံးတၢ်ကတိၤလီၤ.

လံာ်လူၤကၣ် 12:11

ဖဲအဝဲသ့ၣ်ဆှၢသုဆူဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, မ့တမ့ၢ်လၢပဒိၣ်ဖးဒိၣ်ဒီးပှၤပၢထံအီၣ်ကီၢ်တဖၣ်အမဲာ်ညါန့ၣ်, တဘၣ်ကိၢ်ဘၣ်ဂီၤလၢသုကဘၣ်စံးဆၢတၢ်ဒ်လဲၣ်, မ့တမ့ၢ်နကဘၣ်စံးဘၣ်ကတိၤတၢ်မနုၤလဲၣ်န့ၣ်တဂ့ၤ.

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

မၤတၢ် 25:26

ဘၣ်ဆၣ်, ယတအိၣ်ဒီးတၢ်ဂ့ၢ်လီၤတံၢ်လီၤဆဲးဘၣ်ဃးဒီးအီၤ လၢယကကွဲးဖျါထီၣ်ဆူစီၤပၤဖးဒိၣ်အအိၣ်နီတမံၤဘၣ်. လၢတၢ်န့ၣ်အဃိယဟဲဆှၢထီၣ်အီၤလၢသုဝဲခဲလၢာ်အမဲာ်ညါ, ဒီးလီၤဆီဒၣ်တၢ်လၢနၤ, စီၤပၤအကြံးပၤအမဲာ်ညါ, ဒ်သိးပသမံသမိးကွၢ်အီၤဝံၤအလီၢ်ခံ, ယကအိၣ်ဒီးတၢ်ဂ့ၢ်တၢ်ကျိၤလီၤတံၢ်လီၤဆဲးလၢယကကွဲးဖျါထီၣ် အီၤအဂီၢ်န့ၣ်လီၤ.

မၤတၢ် 26:1

စီၤပၤအကြံးပၤစံးဘၣ်စီၤပီလူး, “နအိၣ်ဒီးတၢ်ပျဲလၢနကစံးကတိၤတၢ်လၢနဂီၢ်ဒၣ်နဲလီၤ.” စီၤပီလူးယူာ်ထီၣ်အစုဒီးကတိၤဒီဒၣ်အသးဒ်လၢလာ်အသိး လီၤ.

မၤတၢ် 26:19

ဒီးလၢတၢ်န့ၣ်အဃိ, စီၤပၤအကြံးပၤဧၢ, ယတိၢ်န့ၢ်ဒီးမၤထွဲတၢ်အကလုၢ်လၢယနၢ်ဟူဘၣ်ယဲခီဖျိတၢ်ထံၣ် တၢ်လၢညါခီလၢအဟဲလီၤလၢမူခိၣ်န့ၣ်လီၤ.

မၤတၢ် 26:26

စီၤပၤအကြံးပၤဧၢ, ယကတိၤတၢ်ဒီးနၤလၢတၢ်သူၣ်ဒူသးဒူ အပူၤသ့ဝဲလီၤ. အဂ့ၢ်ဒ်အံၤ, နသ့ၣ်ညါဘၣ်ဃးတၢ်ဂ့ၢ်သ့ၣ်တဖၣ် အံၤန့ၣ်လီၤ. ယနာ်သပှၢ်ကတၢၢ်လၢနပာ်သူၣ်ပာ်သးတ့ၢ်နဲလၢ တၢ်ဂ့ၢ်တဖၣ်အံၤကိးမံၤဒဲးလီၤ. အဂ့ၢ်ဒ်အံၤ, တၢ်ဂ့ၢ်လၢအမၤအသးအံၤတမၤအသးလၢတၢ်သနၢၣ်န့ၣ်ဘၣ်.

မၤတၢ် 26:3

ယဘၣ်ဆိၣ်ဂ့ၤယဲလီၤဆီဒၣ်တၢ် မ့ၢ်လၢနသ့ၣ်ညါနဲပှၤယူဒၤ ဖိအလုၢ်အလၢ်ဒီးအတၢ်ဂ့ၢ်တၢ်ကျိၤအကီအခဲတဖၣ်ခဲလၢာ် ဂ့ၤဂ့ၤဘၣ်ဘၣ်အဃိလီၤ. လၢတၢ်န့ၣ်အဃိ, ယဃ့ကညးနၤဒ်သိးနကဒိကနၣ်ယတၢ်စံးတၢ်ကတိၤ လၢတၢ်သူၣ်စူၤသးစူၤအပူၤန့ၣ်လီၤ.

မၤတၢ် 26:7

မ့ၢ်တၢ်စံးပာ်တမံၤဃီလၢပပှၤကလုာ်တဆံခံဒူၣ်လၢာ်, လၢအဘူၣ်ထီၣ်ဘါထီၣ်ကစၢ်ယွၤလၢမုၢ်ဆါဒီးမုၢ်နၤ, မုၢ်လၢ်ဝဲန့ၣ်လီၤ. ကစၢ်စီၤပၤဧၢ, ပှၤယူဒၤဖိတဖၣ်ပာ် တၢ်ကမၣ်လၢယလိၤန့ၣ်, မ့ၢ်ဒၣ်လၢတၢ်မုၢ်လၢ်တမံၤအံၤအဃိလီၤ.