မၤတၢ် 26:18 - Sgaw Karen Common Bible

¹⁸ နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

မၤတၢ် 26:18 Iomraidhean Croise

စံးထီၣ်ပတြၢၤ 119:18

အိးထီၣ်ယမဲာ်တက့ၢ်. ဒီးယကထံၣ်ဘၣ်တၢ်နတၢ်မ့ၢ်တၢ်တီလီၤလိၢ်လီၤလးတဖၣ်လၢ နတၢ်သိၣ်တၢ်သီအပူၤလီၤ.

စံးထီၣ်ပတြၢၤ 146:8

ယွၤဒုးထံၣ်ထီၣ်က့ၤပှၤမဲာ်ဘျီၣ်, ယွၤဒုးဆၢထၢၣ်က့ၤပှၤလၢအလီၤဃံၤ, ယွၤအဲၣ်ပှၤတီပှၤလိၤလီၤ.

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

လံာ်ယၡါယၤ 32:3

အဝဲသ့ၣ်အမဲာ်ချံဒီးအနၢ်တဖၣ်ကအိးထီၣ်အသးလၢပှၤဂီၢ်မုၢ် အတၢ်လိၣ်တဖၣ်အဂီၢ်န့ၣ်လီၤ.

လံာ်ယၡါယၤ 35:5

ပှၤမဲာ်ဘျီၣ်ကထံၣ်ထီၣ်က့ၤတၢ် ဒီးပှၤနၢ်တအၢကနၢ်ဟူတၢ်လီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 42:7

သုကအိးထီၣ်ပှၤမဲာ်ဘျီၣ်တဖၣ်အမဲာ်ချံ, ဒီးမၤထူၣ်ဖျဲးထီၣ်ပှၤဘၣ်တၢ်စၢဃာ်လၢဃိာ်အဒၢးခံးသူတဖၣ် အပူၤန့ၣ်လီၤ.

လံာ်ယၡါယၤ 43:8

ကစၢ်ယွၤစံးဝဲ, “ကိးဖှိၣ်ပှၤဂီၢ်မုၢ်ဆူကွီၢ်ဘျီၣ်တက့ၢ်. အဝဲသ့ၣ်အမဲာ်ချံအိၣ်, ဘၣ်ဆၣ်အဝဲသ့ၣ်အမဲာ်ချံဘျီၣ်လီၤ. အဝဲသ့ၣ်အနၢ်အိၣ်, ဘၣ်ဆၣ်အဝဲသ့ၣ်အနၢ်တအၢလီၤ.

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်မးသဲ 4:16

ပှၤတဖၣ်လၢအအိၣ်ဆိးလၢတၢ်ခံးကျါ ထံၣ်ဘၣ်တၢ်ကပီၤဖးဒိၣ်လံ. တၢ်ကပီၤထီၣ်လၢပှၤတဖၣ်လၢအအိၣ်ဝဲလၢ တၢ်သံအကီၢ်အဂီၢ်လံ” (ၡါ. ၉:၁-၂).

လံာ်လူၤကၣ် 1:77

ဒ်သိးနကစံးဘၣ်တဲဘၣ်အဝဲဒၣ်အပှၤဂီၢ်မုၢ်လၢ အဝဲသ့ၣ်ကဒိးန့ၢ်ဘၣ်တၢ်အုၣ်က့ၤခီၣ်က့ၤ ခီဖျိအတၢ်ဒဲးဘးတဖၣ် ဘၣ်တၢ်ပျၢ်ကွံာ်အီၤန့ၣ်လီၤ.

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်လူၤကၣ် 2:32

တၢ်ကပီၤတဖျၢၣ်လၢအကလီၣ်ဖျါထီၣ် နတၢ်ဘၣ်နသးဆူပှၤကလုာ်ဂၤတဖၣ်, ဒီးဟဲစိာ်တၢ်လၤကပီၤဆူ နပှၤဂီၢ်မုၢ်အံၣ်စရ့လးအအိၣ်န့ၣ်လီၤ.”

လံာ်လူၤကၣ် 24:45

တုၤနုၤတစုအဝဲဒၣ်အိးထီၣ်အဝဲသ့ၣ်အသးဒ်သိးအကနၢ် ပၢၢ်တၢ်ကွဲးအသးစီဆှံတဖၣ်

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်ယိၤဟၣ် 17:17

မၤစီဆှံထီၣ်အဝဲသ့ၣ်လၢနဂီၢ်ဒၣ်နဲခီဖျိတၢ်မ့ၢ်တၢ်တီ တက့ၢ်. နကလုၢ်နကထါန့ၣ်, မ့ၢ်တၢ်မ့ၢ်တၢ်တီလီၤ.

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 4:10

ယ့ၣ်ၡူးစံးဆၢတၢ်ဒီးစံးဘၣ်အီၤ, “နမ့ၢ်သ့ၣ်ညါတ့ၢ်ကစၢ်ယွၤ အတၢ်ဟ့ၣ်ဒီးပှၤလၢအဃ့အီနၤလၢထံတဂၤမ့ၢ်မတၤလဲၣ်န့ၣ်, နကဃ့တၢ်လၢအီၤဒီးအဝဲကဟ့ၣ်နၤထံလၢအဟ့ၣ် တၢ်မူန့ၣ်လီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 9:39

ယ့ၣ်ၡူးစံးဝဲဒၣ်, “ယဟဲဆူဟီၣ်ခိၣ်အံၤလၢယကစံၣ်ညီၣ်တၢ် အဂီၢ်, ဒ်သိးပှၤလၢအတထံၣ်တၢ်တဖၣ်ကထံၣ်ထီၣ်က့ၤတၢ်, ဒီးပှၤလၢအထံၣ်တၢ်တဖၣ်အမဲာ်ကဘျီၣ်အဂီၢ်န့ၣ်လီၤ.”

လံာ်ယိၤဟၣ် 9:5

ဖဲယအိၣ်ဒံးလၢဟီၣ်ခိၣ်အံၤအပူၤဒီး, ယမ့ၢ်တၢ်ကပီၤလၢဟီၣ်ခိၣ် အဂီၢ်လီၤ.”

မၤတၢ် 10:43

ဝံကိးဂၤဒဲးကတိၤတ့ၢ်တၢ်ဘၣ်ဃးလၢအဂ့ၢ်, ဒီးစံးဝဲလၢကယဲၢ်ပှၤစူၢ်က့ၤနာ်က့ၤအီၤတဂၤလၢ်လၢ်အတၢ်ဒဲးဘး ကဘၣ်တၢ်ပျၢ်ကွံာ်အီၤလၢအမံၤအစိကမီၤအဃိန့ၣ်လီၤ.”

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

မၤတၢ် 15:9

အဝဲဒၣ်တပာ်လီၤဆီပဝဲပှၤယူဒၤဖိတဖၣ်ဒီးအဝဲသ့ၣ်ပှၤကလုာ်ဂၤ တဖၣ်န့ၣ်ဘၣ်. အဝဲပျၢ်ကွံာ်အဝဲသ့ၣ်အတၢ်ဒဲးဘးမ့ၢ်လၢ အစူၢ်က့ၤနာ်က့ၤတၢ်အဃိန့ၣ်လီၤ.

မၤတၢ် 2:38

စီၤပ့းတရူးစံးဘၣ်အဝဲသ့ၣ်, သုဝဲဒၣ်ကိးဂၤဒဲးသုဘၣ်ပီၢ်ယၢ်ဒီးဃၣ်လိၤက့ၤသုသးဆူယွၤ အအိၣ်, ဒီးသုဘၣ်ဒိးဘျၢသုသးလၢထံလၢယ့ၣ်ၡူးခရံာ်အမံၤအပူၤ, ဒ်သိးသုကဒိးန့ၢ်ဘၣ်တၢ်ပျၢ်သုတၢ်ဒဲးဘးဒီးကစၢ်ယွၤအတၢ်ဟ့ၣ် လၢအမ့ၢ်သးစီဆှံန့ၣ်လီၤ.

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 26:19

ဒီးလၢတၢ်န့ၣ်အဃိ, စီၤပၤအကြံးပၤဧၢ, ယတိၢ်န့ၢ်ဒီးမၤထွဲတၢ်အကလုၢ်လၢယနၢ်ဟူဘၣ်ယဲခီဖျိတၢ်ထံၣ် တၢ်လၢညါခီလၢအဟဲလီၤလၢမူခိၣ်န့ၣ်လီၤ.

မၤတၢ် 26:23

လၢခရံာ်ကဘၣ်တူၢ်တၢ်ဒီးကဲထီၣ်ပှၤအဆိကတၢၢ်တဂၤလၢ အကဂဲၤဆၢထၢၣ်သမူထီၣ်က့ၤ, ပှၤလၢအကဘိးဘၣ်သ့ၣ်ညါပှၤယူဒၤဖိဒီးပှၤကလုာ်ဂၤ တဖၣ်လၢတၢ်ကပီၤဘၣ်ဃးဒီးတၢ်အုၣ်က့ၤခီၣ်က့ၤအဂ့ၢ်န့ၣ်လီၤ.”

မၤတၢ် 3:19

ပီၢ်ယၢ်လီၤဒီးဃၣ်လိၤက့ၤသုသးဆူကစၢ်ယွၤအအိၣ်, ဒ်သိးအဝဲကပျၢ်ကွံာ်သုတၢ်ဒဲးဘးအဂီၢ်န့ၣ်တက့ၢ်. သုမ့ၢ်မၤဒ်န့ၣ်ဒီး,

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

1 ကရံၣ်သူး 1:2

ဆူကစၢ်ယွၤအတၢ်အိၣ်ဖှိၣ်လၢအအိၣ်ဝဲဖဲဝ့ၢ်ကရံၣ်သူး, ဆူကယဲၢ်ပှၤလၢအဘၣ်တၢ်ကိးအီၤဒ်သိးအကကဲထီၣ်ကစၢ်ယွၤ အပှၤဂီၢ်မုၢ်စီဆှံ, လၢအဘၣ်ဃးဒီးအီၤလၢတၢ်ပာ်ဖှိၣ်ဃုာ်သး တပူၤဃီဒီးယ့ၣ်ၡူးခရံာ်အပူၤ, ပၣ်ဃုာ်ဒီးကယဲၢ်ပှၤအိၣ်လၢတၢ်လီၢ်ကိးပူၤဒဲးလၢအဘူၣ်ထီၣ်ဘါ ထီၣ်ပကစၢ်ယ့ၣ်ၡူးခရံာ်, အဝဲသ့ၣ်အကစၢ်ဒီးပကစၢ်တဂၤ, အအိၣ်

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 6:14

တဘၣ်ဂုာ်ကျဲးစၢးမၤသကိးတၢ်ဒီးပှၤတစူၢ်တနာ်တၢ် တဖၣ်ဒ်သုမ့ၢ်ပှၤဒ်သိးသိးဒီးအဝဲသ့ၣ်တဂ့ၤ. အဂ့ၢ်ဒ်အံၤ, တၢ်မၤဒ်န့ၣ်တသ့ဘၣ်. တၢ်အဘၣ်ဒီးတၢ်ကမၣ်န့ၣ်, ဒီတံၤဒီသကိးကသ့ဝဲလၢကျဲဒ်လဲၣ်. တၢ်ကပီၤဒီးတၢ်ခံးန့ၣ်အိၣ်ဃုာ်တပူၤဃီကသ့ဝဲလၢကျဲဒ်လဲၣ်.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 3:14

ခရံာ်မၤတၢ်အံၤန့ၣ်, မ့ၢ်ဒ်သိးတၢ်ဆိၣ်ဂ့ၤလၢယွၤစံးပာ်လၢအကဟ့ၣ်လီၤ စီၤအၤဘြၤဟၣ်န့ၣ်ကဘၣ်တၢ်ဟ့ၣ်စ့ၢ်ကီးအီၤဆူပှၤကလုာ်ဂၤ တဖၣ်ခီဖျိယ့ၣ်ၡူးခရံာ်, ဒ်သိးခီဖျိတၢ်စူၢ်တၢ်နာ်န့ၣ်ပကဒိးန့ၢ်ဘၣ်ယွၤအသးလၢ ကစၢ်ယွၤအၢၣ်လီၤလၢအကဟ့ၣ်ပှၤအဂီၢ်န့ၣ်လီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:14

သးစီဆှံမ့ၢ်တၢ်လၢအအုၣ်အသးဘၣ်ဃးဒီးတၢ်လၢ ကစၢ်ယွၤကဟ့ၣ်သါအပှၤဂီၢ်မုၢ်တဖၣ်တုၤလီၤလၢပဒိး န့ၢ်ဘၣ်အီၤလၢလၢပှဲၤပှဲၤတစုန့ၣ်လီၤ. မ်ပစံးထီၣ်ပတြၢၤကစၢ်ယွၤအလၤကပီၤန့ၣ်တက့ၢ်.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 1:7

အဂ့ၢ်ဒ်အံၤ, မ့ၢ်လၢခရံာ်အတၢ်ဒိးသံအသးအဃိ, ပဘၣ် တၢ်ပှ့ၤက့ၤပှၤဒီးပဘၣ်တၢ်မၤထူၣ်ဖျဲးထီၣ်ကွံာ်ပှၤ, ဒ်ပစံးတၢ် အသိးပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤဒ်ကစၢ်ယွၤ အဘျုးအဖှိၣ်ထူးဝဲတီၤဝဲအသိး,

အ့းဖ့းစူး 2:8

အဂ့ၢ်ဒ်အံၤ, မ့ၢ်လၢကစၢ်ယွၤအဘျုးအဖှိၣ်အဃိ သုဘၣ်တၢ်အုၣ်က့ၤခီၣ်က့ၤသုခီဖျိသုတၢ်နာ်န့ၣ်လီၤ. တမ့ၢ်တၢ်လၢသုမၤန့ၢ်ဒၣ်သုတၢ်ဒၣ်သုဝဲန့ၣ်ဘၣ်, မ့ၢ်ကစၢ်ယွၤအတၢ်ဟ့ၣ်န့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

အ့းဖ့းစူး 5:14

အဂ့ၢ်ဒ်အံၤ, တၢ်တမံၤလၢ်လၢ်လၢအဘၣ်တၢ်လီၣ်ဖျါထီၣ်အီၤ ဆှံဆှံန့ၣ်ကဲထီၣ်တၢ်ကပီၤလီၤ. လၢတၢ်န့ၣ်အဃိတၢ်စံးတ့ၢ်ဝဲ, ပှၤလၢအမံနၤဧၢ, ဖုသံနီၣ်တက့ၢ်. ဂဲၤဆၢထၢၣ်က့ၤလၢတၢ်သံတက့ၢ်. ဒီးခရံာ်ကဒုးကပီၤထီၣ်အတၢ်ကပီၤလၢနလိၤလီၤ.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

၂ တံၤမသ့း 2:26

ဒီးအဝဲသ့ၣ်ကသ့ၣ်ညါလီၤက့ၤအသးဒီးမၤထူၣ်ဖျဲးကွံာ်အသး လၢမုၣ်ကီၤလံၢ်အပျံၤသကွီၤလၢအဖီၣ်န့ၢ်အဝဲသ့ၣ်ဒ်သိးအဝဲသ့ၣ် ကစူၢ်အဝဲအတၢ်ဘၣ်အသးအဂီၢ်န့ၣ်လီၤ.

ဧ့ၤဘြံၤ 10:10

ဒီးလၢတၢ်ဘၣ်ကစၢ်ယွၤအသးအံၤအဃိ, ပဘၣ်တၢ်မၤစီထီၣ်ဆှံထီၣ်ပှၤခီဖျိယ့ၣ်ၡူးခရံာ်အတၢ်လုၢ်ထီၣ် အနီၢ်ခိထဲတဘျီဧိၤန့ၣ်လီၤ.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.

ဧ့ၤဘြံၤ 9:15

လၢတၢ်န့ၣ်အဃိခရံာ်မ့ၢ်ပှၤလၢအဒုးအိၣ်ထီၣ်တၢ်အၢၣ်လီၤအီလီၤ အသီဒ်သိးဒီးပှၤလၢကစၢ်ယွၤကိးထီၣ်တ့ၢ်လံအီၤတဖၣ်ကန့ၢ် သါဘၣ်တၢ်ဆိၣ်ဂ့ၤအထူအယိာ်လၢကစၢ်ယွၤစံးပာ်တ့ၢ်လံဝဲ အဂီၢ်န့ၣ်လီၤ. တၢ်အံၤမၤအသးသ့ဝဲမ့ၢ်လၢပှၤသံတ့ၢ်ဝဲတဂၤ အဃိလီၤ. အဝဲအတၢ်သံမၤထူၣ်ဖျဲးထီၣ်ပှၤဂီၢ်မုၢ်လၢအတၢ် ကမၣ်လၢအမၤတ့ၢ်လံဝဲ, ဖဲအအိၣ်ဒံးလၢတၢ်အၢၣ်လီၤအီလီၤအခီၣ်ထံးတခါအဖီလာ် အဆၢကတီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

၁ ပ့းတရူး 2:25

သုမၤသုသးဒ်သိလၢအဟးဖျိးကျဲတဖၣ်အသိး, ဘၣ်ဆၣ်ဒီးခဲအံၤသုဘၣ်တၢ်ဟဲက့ၤစိာ်က့ၤသုလၢသုကပိာ် ပှၤကွၢ်သိဒီးသုသးသမူအပှၤကွၢ်တၢ်တဂၤအခံအဂီၢ်န့ၣ်လီၤ.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

၁ ယိၤဟၣ် 2:12

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤမ့ၢ်လၢသုတၢ်ဒဲးဘးတဖၣ် ဘၣ်တၢ်ပျၢ်ကွံာ်အီၤလၢခရံာ်အမံၤအဃိန့ၣ်လီၤ.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.