မၤတၢ် 26:12 - Sgaw Karen Common Bible

¹² လၢယကမၤတၢ်တမံၤအံၤအဂီၢ်န့ၣ်, ယလဲၤယဲဆူဝ့ၢ်ဒၤမ့ၤစ့းအိၣ်ဃုာ်ဒီးပှၤလုၢ်တၢ်အခိၣ် အဒိၣ်တဖၣ်အတၢ်ဟ့ၣ်စိဟ့ၣ်ကမီၤဒီးအတၢ်မၢလီၤယၤန့ၣ်လီၤ.

မၤတၢ် 26:12 Iomraidhean Croise

လံာ်ယၡါယၤ 10:1

သုဘၣ်တၢ်စံၣ်ညီၣ်ဃါမနၤလီၤ. သုဒုးအိၣ်ထီၣ်တၢ်သိၣ် တၢ်သီတတီတလိၤတဖၣ်လၢအမၤနးမၤဖှီၣ်ယပှၤဂီၢ်မုၢ်လီၤ.

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယိၤဟၣ် 11:57

ပှၤလုၢ်တၢ်အခိၣ်အဒိၣ်တဖၣ်ဒီးပှၤဖၤရံၤၡဲတဖၣ်ဟ့ၣ်လီၤ အကလုၢ်လၢပှၤတဂၤလၢ်လၢ်လၢအသ့ၣ်ညါယ့ၣ်ၡူးအိၣ်တၢ် အလီၢ်န့ၣ်, ကဘၣ်ဒုးသ့ၣ်ညါအဝဲသ့ၣ်လၢတၢ်ကလဲၤ ဟံးဃာ်ဖီၣ်ဃာ်အီၤအဂီၢ်လီၤ.

မၤတၢ် 26:10

အဝဲအံၤမ့ၢ်တၢ်လၢယမၤတ့ၢ်ယဲဖဲဝ့ၢ်ယရူၤၡလ့ၣ်န့ၣ်လီၤ. ယဒိးန့ၢ်ဘၣ်တၢ်စိတၢ်ကမီၤလၢပှၤလုၢ်တၢ်အခိၣ်အဒိၣ်တဖၣ် အအိၣ်, ဒီးဒၢနုာ်ကစၢ်ယွၤအပှၤစီဆှံအါဂၤဆူဃိာ်ပူၤလီၤ. ဒီးဖဲအဝဲသ့ၣ်ဘၣ်တၢ်စံၣ်ညီၣ်သံအီၤန့ၣ်, ယပာ်ဖျါယတၢ်ဘၣ် ယသးစ့ၢ်ကီးန့ၣ်လီၤ.

မၤတၢ် 26:13

လၢကျဲဖဲမုၢ်ထူၣ်အကတီၢ်န့ၣ်, ကစၢ်စီၤပၤဧၢ, ယထံၣ်တၢ်ကပီၤလၢအကပီၤဒိၣ်န့ၢ်မုၢ်တဖျၢၣ်ဟဲကပီၤလီၤလၢမူခိၣ် ဝးတရံးယၤဒီးပှၤလၢအလဲၤတၢ်ဒီးယၤတဖၣ်လီၤ.

1 ကရံၣ်သူး 15:8

လၢခံကတၢၢ်န့ၣ်, အဝဲလီၣ်ဖျါထီၣ်စ့ၢ်ကီးအသးလၢယၤ, လၢယမ့ၢ်လီၤဂာ်သနာ်က့ဒီးပှၤတဂၤလၢအတအိၣ်ဖျဲၣ် ထီၣ်ဘၣ်ဆၢဘၣ်ကတီၢ်ဘၣ်န့ၣ်လီၤ.