မၤတၢ် 26:10 - Sgaw Karen Common Bible

¹⁰ အဝဲအံၤမ့ၢ်တၢ်လၢယမၤတ့ၢ်ယဲဖဲဝ့ၢ်ယရူၤၡလ့ၣ်န့ၣ်လီၤ. ယဒိးန့ၢ်ဘၣ်တၢ်စိတၢ်ကမီၤလၢပှၤလုၢ်တၢ်အခိၣ်အဒိၣ်တဖၣ် အအိၣ်, ဒီးဒၢနုာ်ကစၢ်ယွၤအပှၤစီဆှံအါဂၤဆူဃိာ်ပူၤလီၤ. ဒီးဖဲအဝဲသ့ၣ်ဘၣ်တၢ်စံၣ်ညီၣ်သံအီၤန့ၣ်, ယပာ်ဖျါယတၢ်ဘၣ် ယသးစ့ၢ်ကီးန့ၣ်လီၤ.

မၤတၢ် 26:10 Iomraidhean Croise

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

မၤတၢ် 7:58

ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

မၤတၢ် 8:3

မ့မ့ၢ်စီၤစီလူးတဂၤဂုာ်ကျဲးစၢးမၤဟးဂီၤကွံာ်တၢ်အိၣ်ဖှိၣ်န့ၣ်လီၤ. အဝဲဒၣ်နုာ်လီၤဟံၣ်တဖျၢၣ်ဝံၤတဖျၢၣ်, မိၤထီၣ်ကွံာ်ဝဲပှၤစူၢ်က့ၤနာ်က့ၤတၢ်တဖၣ်မုၣ်မုၣ်ခွါခွါ, ဒီးဒၢနုာ်အဝဲသ့ၣ်လၢဃိာ်ပူၤလီၤ.

မၤတၢ် 9:21

ပှၤလၢအနၢ်ဟူအတၢ်စံးတၢ်ကတိၤတဖၣ်ခဲလၢာ်န့ၣ်, တၢ်လီၤကမၢကမၣ်ဘၣ်အသးဒီးသံကွၢ်တၢ်ဒီးစံး, “အဝဲဒၣ်တဂၤအံၤတမ့ၢ်ပှၤလၢအလူၤမၤသံပှၤလၢဝ့ၢ်ယရူၤ ၡလ့ၣ်အပူၤလၢအဘူၣ်ထီၣ်ဘါထီၣ်ယ့ၣ်ၡူးတဂၤန့ၣ်ဘၣ်ဧါ. ဒီးအဝဲဒၣ်ဟဲဝဲဖဲအံၤအတၢ်ပညိၣ်ကွၢ်စိတမ့ၢ်တခါဃီလၢ အကဖီၣ်န့ၢ်ပှၤဒ်သိးန့ၣ်တဖၣ်, ဒီးက့ၤဆှၢအဝဲသ့ၣ်ဆူပှၤလုၢ်တၢ်အခိၣ်အဒိၣ်တဖၣ်အအိၣ် န့ၣ်ဘၣ်ဧါ.”

မၤတၢ် 9:26

စီၤစီလူးက့ၤဝဲဆူဝ့ၢ်ယရူၤရှလ့ၣ်ဒီးဂုာ်ကျဲးစၢးဘျုး အသးဒီးအပျဲၢ်အဘီၣ်တဖၣ်န့ၣ်လီၤ. သနာ်က့, အဝဲသ့ၣ်တနာ်လၢအဝဲဒၣ်မ့ၢ်အပျဲၢ်အဘီၣ်တဂၤဘၣ်ဒီးပျံၤဘၣ်အီၤ ခဲလၢာ်လီၤ.

မၤတၢ် 9:32

စီၤပ့းတရူးလဲၤဝဲတၢ်လီၢ်တပူၤဘၣ်တပူၤဒီးဘၣ်တဘျီ န့ၣ်, အဝဲလဲၤတုၤဝဲလၢပှၤစီဆှံလၢအအိၣ်ဝဲလၢဝ့ၢ်လူးဒၤအပူၤ တဖၣ်အအိၣ်န့ၣ်လီၤ.

မၤတၢ် 9:41

စီၤပ့းတရူးယူာ်ဃီၤအစုဒီးဝံၢ်ဆၢထၢၣ်စၢၤအီၤလီၤ. အန့ၣ်ဝံၤကိးနုာ်က့ၤပှၤစီဆှံဒီးမုၣ်ကမဲတဖၣ်, ဒီးဒုးနဲၣ်အဝဲသ့ၣ်လၢပိာ်မုၣ်န့ၣ်မူဝဲန့ၣ်လီၤ.

1 ကရံၣ်သူး 15:9

အဂ့ၢ်ဒ်အံၤ, ယမ့ၢ်ပှၤအဆံးကတၢၢ်လၢပှၤတၢ်မၢဖိခဲလၢာ်အကျါ လီၤ. ယတကြၢးဘၣ်တၢ်ကိးဒၣ်လဲာ်ယၤလၢပှၤတၢ်မၢဖိတဂၤဘၣ်. အဂ့ၢ်မ့ၢ်လၢယမၤအၢမၤနးကစၢ်ယွၤအတၢ်အိၣ်ဖှိၣ်အဃိလီၤ.

ကလၤတံ 1:13

သုနၢ်ဟူဘၣ်တ့ၢ်လံလၢဖဲယဟ့ၣ်လီၤယသးဆူယူဒၤအတၢ် ဘူၣ်တၢ်ဘါအဂီၢ်အဆၢကတီၢ်န့ၣ်ယအိၣ်မူယဲဒ်လဲၣ်, လၢတၢ်တအိၣ်ဒီးတၢ်သးကညီၤအပူၤယမၤအၢမၤနးကစၢ်ယွၤ အတၢ်အိၣ်ဖှိၣ်ဒ်လဲၣ်, ဒီးယဂုာ်ကျဲးစၢးလၢာ်သးလၢယကမၤဟးဂီၤကွံာ်တၢ်အိၣ်ဖှိၣ်ဒ် လဲၣ်အဂ့ၢ်န့ၣ်လီၤ.

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.