မၤတၢ် 25:8 - Sgaw Karen Common Bible

⁸ မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 25:8 Iomraidhean Croise

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

လံာ်ယံးရမံယၤ 37:18

အန့ၣ်ဒီး ယသံကွၢ်အီၤ, “တၢ်ကမၣ်လၢ ယမၤဘၣ်တ့ၢ်ထီဒါနၤမ့ၢ်ဂ့ၤ, နပဒိၣ်ပပှၢ်တဖၣ်မ့ၢ်ဂ့ၤ, ပှၤဂီၢ်မုၢ်အံၤမ့ၢ်ဂ့ၤလၢ နကဒၢနုာ် ယၤ ဆူဃိာ်ပူၤမ့ၢ်တၢ်ကမၣ်မနုၤတမံၤလဲၣ်.

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

မၤတၢ် 24:12

ပှၤယူဒၤဖိတဖၣ်အံၤတထံၣ်ယဂ့ၢ်လိာ်ဘှီလိာ်တၢ်ဒီးပှၤအိၣ် လၢတၢ်လုၢ်ဟံၣ်အပူၤနီတဂၤဘၣ်. ဒီးတထံၣ်စ့ၢ်ကီးယမၤတၢထီၣ်တၢလီၤပှၤဂီၢ်မုၢ်လၢဘူၣ်ဘျီၣ် အပူၤမ့ၢ်ဂ့ၤ, တၢ်လီၢ်အဂၤဖဲဝ့ၢ်ပူၤမ့ၢ်ဂ့ၤနီတတီၤဘၣ်.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 24:6

အဝဲဒၣ်ဂုာ်ကျဲးစၢးစ့ၢ်ကီးဒ်သိးအကမၤတစီတဆှံဒီးမၤ ဘၣ်အၢတၢ်လုၢ်ဟံၣ်, သတးဒီးပဖီၣ်အီၤလီၤ. (ပပာ်လီၤပသးလၢပကစံၣ်ညီၣ်အီၤဒ်ပတၢ်သိၣ်တၢ်သီအိၣ်ဝဲ အသိးန့ၣ်လီၤ.

မၤတၢ် 25:10

ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

မၤတၢ် 28:21

အဝဲသ့ၣ်စံးဘၣ်အီၤ, “ပတဒိးန့ၢ်တ့ၢ်တၢ်ပရၢလၢကီၢ်ယူဒၤဘၣ်ဃးနဂ့ၢ်နီတဘ့ၣ်ဘၣ်. ပဒီပုၢ်ဝဲၢ်ပှၤယူဒၤဖိသကိးပှၤယူဒၤဖိဒ်ပှၤတဟဲစိာ်စ့ၢ်ကီးတၢ် ကစီၣ်ဖဲန့ၣ်လၢအကတိၤအၢနဂ့ၢ်နီတမံၤဘၣ်.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.