မၤတၢ် 25:6 - Sgaw Karen Common Bible

⁶ စီၤဖ့စတူးအိၣ်ကဒီးဖဲဝ့ၢ်ယရူၤၡလ့ၣ်ဃိးသီမ့တမ့ၢ်အသီ တဆံဝံၤအလီၢ်ခံလဲၤဝဲဆူဝ့ၢ်ကဲၤစါရံၤလီၤ. မုၢ်ဆ့ၣ်ထီၣ်တနံၤန့ၣ်, အဝဲဒၣ်ဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ အကလုၢ်ဒ်သိးစီၤပီလူးကဘၣ်တၢ်ဟဲဆှၢနုာ်အီၤလီၤ.

မၤတၢ် 25:6 Iomraidhean Croise

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

မၤတၢ် 25:1

စီၤဖ့စတူးဟဲတုၤလၢကီၢ်တဘ့ၣ်န့ၣ်အပူၤသၢသီဝံၤအလီၢ်ခံန့ၣ်, အဝဲဒၣ်ဟးထီၣ်ဖဲဝ့ၢ်ကဲၤစါရံၤဒီးလဲၤဝဲဆူဝ့ၢ်ယရူၤၡလ့ၣ်န့ၣ်လီၤ.

မၤတၢ် 25:10

ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

မၤတၢ် 25:17

လၢတၢ်န့ၣ်အဃိ, ဖဲအဝဲသ့ၣ်ဟဲတုၤဖဲအံၤန့ၣ်, ယတမၤ ယံာ်မၤနီၢ်ယသးဘၣ်. မုၢ်ဆ့ၣ်ထီၣ်တနံၤန့ၣ်, ယဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ ယကလုၢ်လၢပှၤတဂၤန့ၣ်ကဘၣ်တၢ်ဟဲဆှၢနုာ်အီၤလီၤ.

မၤတၢ် 25:4

စီၤဖ့စတူးစံးဆၢဝဲ, “စီၤပီလူးဘၣ်တၢ်ဒုးဃာ်အီၤလၢဃိာ်ပူၤ ဖဲဝ့ၢ်ကဲၤစါရံၤ, ဒီးတယံာ်ဘၣ်န့ၣ်ယနီၢ်ကစၢ်ဒၣ်ယဲယကက့ၤ ကဒါက့ၤဖဲန့ၣ်လီၤ.

မၤတၢ် 25:5

မၢသုပှၤခိၣ်ပှၤနၢ်တဖၣ်လဲၤဒီးယၤဆူဝ့ၢ်ကဲၤစါရံၤ, ဒီးအဝဲဒၣ်မ့ၢ်မၤတၢ်ကမၣ်လၢအကြၢးဒီးတၢ်စံၣ်ညီၣ် တမံၤမံၤန့ၣ်, မ်အဝဲသ့ၣ်ကပာ်တၢ်ကမၣ်လၢအလိၤန့ၣ် တက့ၢ်.”

မၤတၢ် 8:40

စီၤဖံလံးပူးထံၣ်လၢအလဲၤတုၤလံလၢဝ့ၢ်အးစဒိာ်, ဒီးလဲၤကဒီးဝဲဆူညါတုၤအတုၤလၢဝ့ၢ်ကဲၤစါရံၤတစုလီၤ. ဖဲအလဲၤတၢ်လၢကျဲအခါ, အဝဲဒၣ်စံၣ်တဲၤတဲလီၤတၢ်သးခုအကစီၣ်ဘၣ်ဃးယ့ၣ်ၡူးခရံာ်, လၢဝ့ၢ်အိၣ်လၢတၢ်ဘၢၣ်စၢၤတဖၣ်န့ၣ်ကိးဝ့ၢ်ဒဲးအပူၤလီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.