မၤတၢ် 25:2 - Sgaw Karen Common Bible

² ပှၤလုၢ်တၢ်အခိၣ်အဒိၣ်ဒီးပှၤယူဒၤဖိအခိၣ်အနၢ်တဖၣ်ပာ်ဖျါထီၣ် တၢ်ကမၣ်လၢအပာ်ဝဲလၢစီၤပီလူးအလိၤန့ၣ်လီၤ. အဝဲသ့ၣ်ဃ့ ကညးစီၤဖ့စတူး,

မၤတၢ် 25:2 Iomraidhean Croise

လံာ်စီၤယိၤဘး 31:31

ကယဲၢ်ယပှၤမၤတၢ်ဖိခဲလၢာ်သ့ၣ်ညါလၢယတူၢ်လိာ်တ့ၢ် ပှၤသမှံၤတဖၣ်ထီဘိန့ၣ်လီၤ.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

မၤတၢ် 24:1

ယဲၢ်သီပူၤကွံာ်ဝံၤအလီၢ်ခံန့ၣ်, ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဃုာ်ဒီးပှၤယူဒၤဖိ ကရၢအခိၣ်အနၢ်တနီၤဒီးပီၢ်ရီတဂၤလၢအမံၤမ့ၢ်စီၤတ့ၢ်တူးလူး, လဲၤဝဲဒၣ်ဆူဝ့ၢ်ကဲၤစါရံၤန့ၣ်လီၤ. အဝဲသ့ၣ်လဲၤထီၣ်ဆူပဒိၣ်ဖးဒိၣ်စီၤဖ့လံးအမဲာ်ညါဒီးပာ်တၢ် ကမၣ်ထီဒါစီၤပီလူးလီၤ.

မၤတၢ် 25:15

ဒီးဖဲယလဲၤဆူဝ့ၢ်ယရူၤၡလ့ၣ်န့ၣ်, ယူဒၤပှၤလုၢ်တၢ်အခိၣ်အဒိၣ်တဖၣ်ဒီးအပှၤသူၣ်က့သးပှၢ် တဖၣ်ဟဲပာ်ဖျါထီၣ်တၢ်ကမၣ်လၢအပာ်ဝဲလၢစီၤပီလူး အလိၤဒီးမၢယစံၣ်ညီၣ်အီၤလီၤ.

မၤတၢ် 25:24

ဒီးစီၤဖ့စတူးစံးဝဲ, “စီၤပၤအကြံးပၤဒီးပှၤလၢအအိၣ်ဒီး ပှၤဖဲအံၤခဲလၢာ်သ့ၣ်သုဧၢ, သုထံၣ်ဘၣ်ပှၤတဂၤအံၤလၢပှၤ ယူဒၤဖိခဲလၢာ်, လၢအအိၣ်ဖဲအံၤမ့ၢ်ဂ့ၤလၢဝ့ၢ်ယရူၤၡလ့ၣ်မ့ၢ်ဂ့ၤ, ဟဲပတံထီၣ်တၢ်ဆူယအိၣ်လၢအဂ့ၢ်န့ၣ်လီၤ. အဝဲသ့ၣ်ကိးပသူထီၣ်လၢပှၤတဂၤအံၤတကြၢးအိၣ်မူလၢၤ ဘၣ်န့ၣ်လီၤ.

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.