မၤတၢ် 25:19 - Sgaw Karen Common Bible

¹⁹ အိၣ်ဒၣ်အဝဲသ့ၣ်ဂ့ၢ်လိာ်ဘှီလိာ်အသးဒီးအီၤဘၣ်ဃး အတၢ်ဘူၣ်တၢ်ဘါဒၣ်ဝဲ, ဒီးဘၣ်ဃးပှၤတဂၤလၢအမံၤမ့ၢ် ယ့ၣ်ၡူးလၢအသံတ့ၢ်ဝဲ, ဘၣ်ဆၣ်ဒီးစီၤပီလူးစံးလၢ အအိၣ်မူဒံးဝဲန့ၣ်လီၤ.

မၤတၢ် 25:19 Iomraidhean Croise

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

မၤတၢ် 17:31

အဂ့ၢ်ဒ်အံၤ, အဝဲပာ်ဂၢၢ်ပာ်ကျၢၤမုၢ်တနံၤလၢအကစံၣ်ညီၣ် ဟီၣ်ခိၣ်ဒီဘ့ၣ်လၢတၢ်တီတၢ်လိၤအပူၤ, ခီဖျိပှၤတဂၤလၢ အဃုထၢတ့ၢ်ဝဲန့ၣ်လီၤ. အဝဲဟ့ၣ်တ့ၢ်လံပှၤကိးဂၤဒဲးလၢတၢ်အုၣ်အသးဘၣ်ဃးဒီးတၢ် တမံၤအံၤအဂ့ၢ်ခီဖျိအဒုးဂဲၤဆၢထၢၣ်က့ၤပှၤအဝဲန့ၣ်လၢတၢ်သံ န့ၣ်လီၤ.”

မၤတၢ် 18:15

ဘၣ်ဆၣ်ဒီးမ့ၢ်လၢအမ့ၢ်ဒၣ်တၢ်ဂ့ၢ်လိာ်ဘှီလိာ်ဘၣ်ဃးတၢ် ကတိၤအဖျၢၣ်ဒီးတၢ်မံၤတၢ်သၣ်, ဒီးသုတၢ်သိၣ်တၢ်သီဒၣ်သုဝဲ အဃိ, သုကဘၣ်စံၣ်ညီၣ်သုတၢ်ဒၣ်သုဝဲန့ၣ်လီၤ. ယတကဲစံၣ်ညီၣ်ကွီၢ်လၢတၢ်ဂ့ၢ်ဒ်န့ၣ်အသိးတဖၣ်အဂီၢ်ဘၣ်.”

မၤတၢ် 18:19

အဝဲသ့ၣ်လဲၤတုၤလၢဝ့ၢ်အ့းဖ့းစူး, ဒီးပာ်တီၢ်နီၢ်ပြံစကံးလၤဒီးစီၤအကူလၤဖဲန့ၣ်လီၤ. အဝဲလဲၤနုာ်လီၤဆူဘူၣ်ဘျီၣ်ပူၤဒီးကတိၤဂ့ၢ်လိာ်ဘှီလိာ် တၢ်ဒီးပှၤယူဒၤဖိတဖၣ်လီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

မၤတၢ် 23:29

တၢ်လၢအကြၢးဒီးတၢ်သံမ့ၢ်ဂ့ၤ, တၢ်ကဒၢနုာ်အီၤလၢဃိာ်ပူၤမ့ၢ်ဂ့ၤ, ယတထံၣ်ဘၣ်လၢအဝဲမၤဝဲနီတမံၤဘၣ်. တၢ်ကမၣ်လၢအဘၣ်တၢ်ပာ်ထီၣ်လၢအဝဲဒၣ်အလိၤန့ၣ်ဘၣ်ထွဲဒီး အဝဲသ့ၣ်အတၢ်သိၣ်တၢ်သီဒၣ်ဝဲလီၤ.

မၤတၢ် 25:18

ပှၤလၢအပာ်တၢ်ကမၣ်လၢအလိၤတဖၣ်ဂဲၤဆၢထၢၣ် ပာ်ဖျါထီၣ်အဝဲအတၢ်ကမၣ်လီၤ. ဘၣ်ဆၣ်ဒီးတၢ်ကမၣ်အအၢ အသီလၢယဆိကမိၣ်လၢအကပာ်ဝဲလၢအလိၤတဖၣ်န့ၣ်, တပာ်ဝဲနီတမံၤဘၣ်.

မၤတၢ် 25:7

ဖဲစီၤပီလူးဟဲတုၤန့ၣ်, ပှၤယူဒၤဖိလၢအဟဲတ့ၢ်ဝဲလၢဝ့ၢ်ယရူၤၡလ့ၣ်တဖၣ်အိၣ်ဆၢထၢၣ် ဝးတရံးအီၤဒီးပာ်တၢ်ကမၣ်အဃၢလၢအလိၤအါမံၤလၢ အဝဲသ့ၣ်ဟ့ၣ်တၢ်အုၣ်အသးတသ့ဘၣ်တဖၣ်န့ၣ်လီၤ.

မၤတၢ် 26:3

ယဘၣ်ဆိၣ်ဂ့ၤယဲလီၤဆီဒၣ်တၢ် မ့ၢ်လၢနသ့ၣ်ညါနဲပှၤယူဒၤ ဖိအလုၢ်အလၢ်ဒီးအတၢ်ဂ့ၢ်တၢ်ကျိၤအကီအခဲတဖၣ်ခဲလၢာ် ဂ့ၤဂ့ၤဘၣ်ဘၣ်အဃိလီၤ. လၢတၢ်န့ၣ်အဃိ, ယဃ့ကညးနၤဒ်သိးနကဒိကနၣ်ယတၢ်စံးတၢ်ကတိၤ လၢတၢ်သူၣ်စူၤသးစူၤအပူၤန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.