မၤတၢ် 25:17 - Sgaw Karen Common Bible

¹⁷ လၢတၢ်န့ၣ်အဃိ, ဖဲအဝဲသ့ၣ်ဟဲတုၤဖဲအံၤန့ၣ်, ယတမၤ ယံာ်မၤနီၢ်ယသးဘၣ်. မုၢ်ဆ့ၣ်ထီၣ်တနံၤန့ၣ်, ယဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ ယကလုၢ်လၢပှၤတဂၤန့ၣ်ကဘၣ်တၢ်ဟဲဆှၢနုာ်အီၤလီၤ.

မၤတၢ် 25:17 Iomraidhean Croise

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

မၤတၢ် 25:10

ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

မၤတၢ် 25:18

ပှၤလၢအပာ်တၢ်ကမၣ်လၢအလိၤတဖၣ်ဂဲၤဆၢထၢၣ် ပာ်ဖျါထီၣ်အဝဲအတၢ်ကမၣ်လီၤ. ဘၣ်ဆၣ်ဒီးတၢ်ကမၣ်အအၢ အသီလၢယဆိကမိၣ်လၢအကပာ်ဝဲလၢအလိၤတဖၣ်န့ၣ်, တပာ်ဝဲနီတမံၤဘၣ်.

မၤတၢ် 25:6

စီၤဖ့စတူးအိၣ်ကဒီးဖဲဝ့ၢ်ယရူၤၡလ့ၣ်ဃိးသီမ့တမ့ၢ်အသီ တဆံဝံၤအလီၢ်ခံလဲၤဝဲဆူဝ့ၢ်ကဲၤစါရံၤလီၤ. မုၢ်ဆ့ၣ်ထီၣ်တနံၤန့ၣ်, အဝဲဒၣ်ဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ အကလုၢ်ဒ်သိးစီၤပီလူးကဘၣ်တၢ်ဟဲဆှၢနုာ်အီၤလီၤ.