မၤတၢ် 25:12 - Sgaw Karen Common Bible

¹² တုၤနုၤတစုစီၤဖ့စတူးကူၣ်သကိးဖးသကိးဒီးအပှၤကူၣ် လိာ်တၢ်တဖၣ်, ဝံၤဒီးစံးဆၢစီၤပီလူး, “နပတံထီၣ်တၢ်ဆူစီၤပၤဖးဒိၣ် အအိၣ်လံ. လၢတၢ်န့ၣ်အဃိနကလဲၤဘၣ်ဆူစီၤပၤဖးဒိၣ် အအိၣ်လီၤ.”

မၤတၢ် 25:12 Iomraidhean Croise

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်သးသယုၢ်တၢ် 3:37

ယွၤမ့ၢ်တဘၣ်သူၣ်ဘၣ်သးဘၣ်ဒီးပှၤဒုးကဲထီၣ်လိၣ်ထီၣ်တၢ် တသ့ဘၣ်နီတမံၤနီတဂၤဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မးသဲ 22:17

လၢတၢ်န့ၣ်အဃိ, ပဟ့ၣ်ရိမ့ၤအစီၤပၤဖးဒိၣ်လၢတၢ်ခိတၢ်သွဲ န့ၣ်, မ့ၢ်တၢ်လၢအထီဒါပတၢ်သိၣ်တၢ်သီဧါ. တထီဒါလဲၣ်န့ၣ်, စံးဘၣ်တဲဘၣ်ပှၤလၢနတၢ်ပာ်နသးတက့ၢ်.”

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 23:11

နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:13

စှၤသီပူၤကွံာ်ဝံၤအလီၢ်ခံန့ၣ်, စီၤပၤအကြံးပၤဒီးနီၢ်ဘ့ၢ်နံက့ၤဟဲဆူဝ့ၢ်ကဲၤစါရံၤဒ် သိးအကဟဲအိၣ်သကိးစီၤဖ့စတူးဒီးပာ်ဖျါထီၣ်အတၢ် တူၢ်လိာ်ခီၣ်ဆၢအီၤန့ၣ်လီၤ.

မၤတၢ် 25:21

ဘၣ်ဆၣ်ဒီးစီၤပီလူးပတံထီၣ်တၢ်ဒီးဃ့ဝဲလၢအကဘၣ် တၢ်ပာ်ထီဃာ်ဒံးအီၤလၢတၢ်ဒုးဃာ်အပူၤဒီးပျဲစီၤပၤ ဖးဒိၣ်စံၣ်ညီၣ်အတၢ်ဂ့ၢ်လီၤ. လၢတၢ်န့ၣ်အဃိ, ယဟ့ၣ်လီၤယကလုၢ်လၢပှၤသုးဖိတဖၣ်ကအိၣ်ခိးကွၢ်ထွဲဒံး အီၤလၢဃိာ်ပူၤတုၤလၢယဆှၢအီၤဆူစီၤပၤဖးဒိၣ် အအိၣ်သ့တစုန့ၣ်လီၤ.”

မၤတၢ် 26:32

ဒီးစီၤအကြံးပၤစံးဘၣ်စီၤဖ့စတူး, “ပှၤတဂၤအံၤ, မ့တမ့ၢ်လၢအပတံထီၣ်တ့ၢ်တၢ်ဒ်သိးစီၤပၤဖးဒိၣ်ကစံၣ်ညီၣ်န့ၢ် အတၢ်ဂ့ၢ်ဘၣ်ဒီး, တၢ်ပျၢ်ဖျဲးကွံာ်အီၤကသ့တ့ၢ်ဝဲလံလီၤ.”

မၤတၢ် 27:1

ဖဲတၢ်စံၣ်ညီၣ်အၢၣ်လီၤလၢပကဘၣ်ဒိးကဘီဆူကီၢ်အံၤတလံန့ၣ်, အဝဲသ့ၣ်ဟ့ၣ်လီၤစီၤပီလူးဒီးပှၤဃိာ်ဖိအဂၤတဖၣ်ဆူစီၤယူၤလံ အစုပူၤန့ၣ်လီၤ. အဝဲဒၣ်မ့ၢ်ပှၤသုးဖိတကယၤအခိၣ်ဘၣ် ဃးဒီးရိမ့ၤသုးမုၢ်တဖုလၢအဘၣ်တၢ်သ့ၣ်ညါအီၤဒ် “စီၤပၤဖးဒိၣ် အသုးမုၢ်” န့ၣ်လီၤ.

မၤတၢ် 28:16

ဖဲပတုၤလၢဝ့ၢ်ရိမ့ၤန့ၣ်, စီၤပီလူးဘၣ်တၢ်ဟ့ၣ်အီၤတၢ်ပျဲလၢအကအိၣ်ဒၣ်အတၢ် လၢအတၢ်အိၣ်တၢ်ဆိးအလီၢ်ဒၣ်ဝဲ, ဒီးသုးဖိတဂၤအိၣ်ခိးကွၢ်ထွဲအီၤလီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.