မၤတၢ် 25:10 - Sgaw Karen Common Bible

¹⁰ ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

မၤတၢ် 25:10 Iomraidhean Croise

လံာ်မးသဲ 27:18

အဝဲသ့ၣ်ညါထံဝဲလၢပှၤယူဒၤဖိအခိၣ်အနၢ်တဖၣ်ဟ့ၣ်လီၤယ့ၣ် ၡူးဆူအဝဲအစုပူၤ, မ့ၢ်ဒၣ်လၢတၢ်သးကါဘၣ်ယ့ၣ်ၡူးအဃိန့ၣ်လီၤ.

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

မၤတၢ် 23:29

တၢ်လၢအကြၢးဒီးတၢ်သံမ့ၢ်ဂ့ၤ, တၢ်ကဒၢနုာ်အီၤလၢဃိာ်ပူၤမ့ၢ်ဂ့ၤ, ယတထံၣ်ဘၣ်လၢအဝဲမၤဝဲနီတမံၤဘၣ်. တၢ်ကမၣ်လၢအဘၣ်တၢ်ပာ်ထီၣ်လၢအဝဲဒၣ်အလိၤန့ၣ်ဘၣ်ထွဲဒီး အဝဲသ့ၣ်အတၢ်သိၣ်တၢ်သီဒၣ်ဝဲလီၤ.

မၤတၢ် 25:17

လၢတၢ်န့ၣ်အဃိ, ဖဲအဝဲသ့ၣ်ဟဲတုၤဖဲအံၤန့ၣ်, ယတမၤ ယံာ်မၤနီၢ်ယသးဘၣ်. မုၢ်ဆ့ၣ်ထီၣ်တနံၤန့ၣ်, ယဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ ယကလုၢ်လၢပှၤတဂၤန့ၣ်ကဘၣ်တၢ်ဟဲဆှၢနုာ်အီၤလီၤ.

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.

မၤတၢ် 25:6

စီၤဖ့စတူးအိၣ်ကဒီးဖဲဝ့ၢ်ယရူၤၡလ့ၣ်ဃိးသီမ့တမ့ၢ်အသီ တဆံဝံၤအလီၢ်ခံလဲၤဝဲဆူဝ့ၢ်ကဲၤစါရံၤလီၤ. မုၢ်ဆ့ၣ်ထီၣ်တနံၤန့ၣ်, အဝဲဒၣ်ဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ အကလုၢ်ဒ်သိးစီၤပီလူးကဘၣ်တၢ်ဟဲဆှၢနုာ်အီၤလီၤ.

မၤတၢ် 26:31

ဒီးဖဲအဝဲသ့ၣ်ဟးထီၣ်ဝံၤအလီၢ်ခံန့ၣ်, စံးလိာ်အသးတဂၤဒီးတဂၤ, “ပှၤတဂၤအံၤတမၤတ့ၢ်တၢ်လၢအကြၢး ဒီးတၢ်သံမ့ၢ်ဂ့ၤ, တၢ်ဒၢနုာ်အီၤလၢဃိာ်ပူၤမ့ၢ်ဂ့ၤနီတမံၤဘၣ်.”

မၤတၢ် 28:18

အဝဲသ့ၣ်သမံသမိးယၤဝံၤအလီၢ်ခံ, မ့ၢ်လၢအတထံၣ်န့ၢ်ယတၢ် ကမၣ်လၢအကြၢးဒီးတၢ်စံၣ်ညီၣ်သံနီတမံၤဘၣ်အဃိ, အဲၣ်ဒိးပျၢ်ဖျဲးကွံာ်ယၤလီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.