မၤတၢ် 24:3 - Sgaw Karen Common Bible

³ တၢ်သ့ၣ်တဖၣ်အံၤပတူၢ်လိာ်မုာ်အီၤလၢတၢ်လီၢ်ကိးပူၤဒဲး ကိးဆၢကတီၢ်ဒဲး, ဒီးပစံးဘျုးဘၣ်နၤအဒိၣ်အအါလီၤ.

မၤတၢ် 24:3 Iomraidhean Croise

လံာ်လူၤကၣ် 1:3

ဒီးလၢတၢ်န့ၣ်အဃိတၢ်ဒိၣ်ဧၢ, ဒ်ယဃုသ့ၣ်ညါနၢ်ပၢၢ်တ့ၢ်လံယဲ ဘၣ်ဃးတၢ်ဂ့ၢ်သ့ၣ်တဖၣ်အံၤခဲလၢာ်ခဲဆ့စးထီၣ်လၢအခီၣ်ထံး အသိး, ယဆိကမိၣ်ယမ့ၢ်ကွဲးလီၤတၢ်ဂ့ၢ်တမံၤအံၤလၢအဂ့ၢ်အဝီ ဒ်သိးနကဖးဘၣ်နဲအဂီၢ်ဒီး, ကမ့ၢ်တၢ်လၢအဂ့ၤလီၤ.

မၤတၢ် 23:24

ကတဲာ်ကတီၤကသ့ၣ်စှၤဒုလၢစီၤပီလူးကဒိးဝဲအဂီၢ်ဒီး လဲၤဆှၢအီၤပူၤဖျဲးဒီးအဒုၣ်အဒါဆူပဒိၣ်ဖးဒိၣ်စီၤဖ့လံး အအိၣ်န့ၣ်တက့ၢ်.”

မၤတၢ် 23:26

“တၢ်ဆၢဂ့ၤဆၢဝါလၢယၤ, စီၤကျီၤဒံလူၤစံ, ဆူတၢ်ဒိၣ်ကစၢ်ပဒိၣ်ဖးဒိၣ်စီၤဖ့လံးအအိၣ်, မ်နဘၣ်အမုာ်တက့ၢ်.

မၤတၢ် 23:33

အဝဲသ့ၣ်လဲၤဆှၢအီၤဆူဝ့ၢ်ကဲၤစါရံၤ, ဟ့ၣ်လီၤတၢ်ပရၢဆူပဒိၣ်ဖးဒိၣ်အစုပူၤဒီးဆှၢထီၣ်စီၤပီလူး ဆူအအိၣ်လီၤ.

မၤတၢ် 24:2

စီၤပီလူးဘၣ်တၢ်ကိးနုာ်အီၤ, ဒီးစီၤတ့ၢ်တူးလူးကတိၤထီၣ်တၢ်ဒီးပာ်တၢ်ကမၣ်ထီဒါအီၤ ဒ်လၢလာ်အသိးလီၤ. “ပဒိၣ်ကစၢ်စီၤဖ့လံးဧၢ, နမ့ၢ်ပှၤခိၣ်ပှၤနၢ်လၢအကူၣ်ဘၣ်ဖးသ့မးတဂၤအဃိပဒိးန့ၢ်ဘၣ် တၢ်ဃူတၢ်ဖိး, တၢ်မုာ်တၢ်ပၢၤယံာ်တ့ၢ်လံဒီးတၢ်လဲလိာ်လၢ အလီၢ်အိၣ်တဖၣ်ဘၣ်တၢ်ဒုးအိၣ်ထီၣ်အီၤလၢထံကီၢ်တဘ့ၣ်အံၤ အတၢ်ဂ့ၤအဂီၢ်လီၤ.

မၤတၢ် 24:4

ယတအဲၣ်ဒိးဟံးန့ၢ်နဆၢကတီၢ်အါကဲၣ်ဆိးဘၣ်. ဘၣ်ဆၣ်ယဃ့ကညးနၤလၢနကဝံသးစူၤဒီးဒိကနၣ် ပတၢ်ဂ့ၢ်တၢ်ကျိၤလၢယကပာ်ဖျါထီၣ်အီၤလၢ တၢ်ကတိၤစှၤဘီအပူၤန့ၣ်တက့ၢ်.

မၤတၢ် 26:25

စီၤပီလူးစံးဆၢဝဲ, “ယတပျုၢ်ဘၣ်. တၢ်ဒိၣ်ကစၢ်စီၤဖ့စတူးဧၢ, တၢ်ကတိၤလၢယကတိၤယဲတဖၣ်အံၤမ့ၢ်တၢ်မ့ၢ်တၢ်တီသပှၢ် ကတၢၢ်န့ၣ်လီၤ.