မၤတၢ် 24:24 - Sgaw Karen Common Bible

²⁴ စှၤသီပူၤကွံာ်ဝံၤအလီၢ်ခံန့ၣ်, စီၤဖ့လံးဟဲဒီးအမါနီၢ်ဒြူၤစံးလ့ၤလၢအမ့ၢ်ပှၤယူဒၤမုၣ်တဂၤ န့ၣ်လီၤ. အဝဲဒၣ်မၢပှၤလဲၤကိးန့ၢ်အီၤလၢစီၤပီလူးဒီးကနၣ်အဝဲ ကတိၤတၢ်ဘၣ်ဃးတၢ်စူၢ်တၢ်နာ်လၢယ့ၣ်ၡူးခရံာ်အပူၤ အဂ့ၢ်န့ၣ်လီၤ.

မၤတၢ် 24:24 Iomraidhean Croise

လံာ်မၢ်ကူး 6:20

စီၤပၤဟ့ၤရိာ်ပျံၤစီၤယိၤဟၣ်မ့ၢ်လၢအသ့ၣ်ညါဝဲလၢစီၤယိၤ ဟၣ်မ့ၢ်ပှၤတီပှၤလိၤဒီးပှၤစီပှၤဆှံတဂၤသတးဒီးကဟုကယာ် ဃာ်ဝဲဂ့ၤဂ့ၤလီၤ. တဘျီလၢ်လၢ်တုၤအနၢ်ဟူဘၣ်အတၢ်စံးတၢ်ကတိၤဒီး, အဝဲဒၣ်အသးဘၣ်တံာ်တာ်ဒိၣ်ဒိၣ်ကလဲာ်ဘၣ်ဆၣ်သးခုဒိကနၣ်အီၤ လီၤ.

လံာ်လူၤကၣ် 19:3

အဝဲဒၣ်ဂုာ်ကျဲးစၢးဒ်သိးအကထံၣ်ဘၣ်လၢယ့ၣ်ၡူးမ့ၢ်မတၤတဂၤလဲၣ် န့ၣ်လီၤ. ဘၣ်ဆၣ်အဝဲမ့ၢ်ပှၤလၢအနီၢ်ဖုၣ်တဂၤဒီးပှၤဂီၢ်မုၢ်အိၣ်အါအဃိ, ထံၣ်ယ့ၣ်ၡူးတသ့ဘၣ်.

လံာ်လူၤကၣ် 23:8

စီၤဟ့ၤရိာ်အသးခုဒိၣ်မး ဖဲအထံၣ်ဘၣ်ယ့ၣ်ၡူးန့ၣ်လီၤ. အဂ့ၢ်ဒ်အံၤ အဝဲနၢ်ဟူဘၣ်တ့ၢ်ဝဲယ့ၣ်ၡူးအဂ့ၢ်ဒီးဆၢမုၢ်လၢ်ထံၣ်ဘၣ်တ့ၢ် အီၤအိၣ်လံဖးယံာ်လံန့ၣ်လီၤ. အဝဲဒၣ်မုၢ်လၢ်လၢအကထံၣ်ဘၣ်ယ့ၣ်ၡူးမၤတၢ်လီၤလး တမံၤမံၤလီၤ.

မၤတၢ် 16:31

အဝဲသ့ၣ်စံးဘၣ်အီၤ, “စူၢ်က့ၤနာ်က့ၤကစၢ်ယ့ၣ်ၡူးတက့ၢ်. ဒီးနကဘၣ်တၢ်အုၣ်က့ၤခီၣ်က့ၤနၤ, နဝဲဒီး နပှၤဟံၣ်ဖိဃီဖိ တဖၣ်န့ၣ်လီၤ.”

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 24:25

ဘၣ်ဆၣ်ဒီးဖဲစီၤပီလူးကတိၤကဒီးတၢ်ဘၣ်ဃးတၢ်ဂ့ၤတၢ်ဝါ, တၢ်ပၢၤသူၣ်ပၢၤသးဒီးမုၢ်စံၣ်ညီၣ်နံၤလၢအကဟဲအဂ့ၢ်န့ၣ်, စီၤဖ့လံးပျံၤတၢ်ဒီးစံးဝဲ, “နက့ၤသ့လံ. ယတၢ်ဆၢကတီၢ်မ့ၢ်အိၣ်န့ၣ်, ယကကိးဒံးနၤလီၤ.”

မၤတၢ် 26:22

ဘၣ်ဆၣ်ဒီးတုၤလၢမုၢ်တနံၤညါအံၤကစၢ်ယွၤမၤစၢၤတ့ၢ်ယၤ, ဒီးလၢတၢ်န့ၣ်အဃိယဆၢထၢၣ်ဖဲအံၤဒီးဟ့ၣ်ယတၢ်အုၣ် ယသးဆူပှၤကိးဂၤဒဲး, ဒိၣ်မ့ၢ်ဂ့ၤ, ဆံးမ့ၢ်ဂ့ၤန့ၣ်လီၤ. တၢ်လၢယစံးကတိၤယဲလၢအဂ့ၢ်န့ၣ်, မ့ၢ်တၢ်တမံၤဃီလၢဝံတဖၣ်ဒီးစီၤမိၤၡ့စံးတ့ၢ်ဝဲလၢအကမၤ အသး,

ကလၤတံ 2:16

သနာ်က့ပသ့ၣ်ညါလၢပှၤကညီတဂၤဘၣ်တၢ်မၤလိၤမၤဘၣ်အီၤဒီး ကစၢ်ယွၤခီဖျိဒၣ်ထဲလၢတၢ်စူၢ်တၢ်နာ်လၢယ့ၣ်ၡူးခရံာ်အပူၤ, ဒီးတမ့ၢ်ဝဲဒၣ်ခီဖျိတၢ်မၤထွဲတၢ်သိၣ်တၢ်သီအခံန့ၣ်ဘၣ်. ပဝဲစ့ၢ်ကီးပစူၢ်က့ၤနာ်က့ၤယ့ၣ်ၡူးခရံာ်ဒ်သိးပကဘၣ်တၢ်မၤ လိၤမၤဘၣ်ပှၤဒီးကစၢ်ယွၤခီဖျိပတၢ်စူၢ်တၢ်နာ်လၢခရံာ် အပူၤ, ဒီးတမ့ၢ်ဝဲတၢ်မၤထွဲတၢ်သိၣ်တၢ်သီန့ၣ်ဘၣ်. အဂ့ၢ်ဒ်အံၤ, တၢ်တမၤလိၤမၤဘၣ်ပှၤဒီးကစၢ်ယွၤလၢတၢ်မၤထွဲတၢ်သိၣ် တၢ်သီအခံအဃိနီတဂၤဘၣ်.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

၁ ယိၤဟၣ် 5:1

ပှၤတဂၤဂ့ၤတဂၤဂ့ၤလၢအနာ်ဝဲလၢယ့ၣ်ၡူးမ့ၢ်ခရံာ်န့ၣ်, မ့ၢ်ကစၢ်ယွၤအဖိတဂၤလီၤ. ဒီးပှၤတဂၤဂ့ၤတဂၤဂ့ၤလၢ အအဲၣ်ပၢ်တဂၤန့ၣ်, အဲၣ်ကစၢ်ပၢ်အံၤအဖိစ့ၢ်ကီးလီၤ.

ယူဒၤ 1:3

ယတံၤသကိးသးဘိသ့ၣ်ဧၢ, ဖဲယကျဲးစၢးအဂ့ၤကတၢၢ်ဒ်သိးယကကွဲးတၢ်ဆူသုအိၣ် ဘၣ်ဃးဒီးတၢ်အုၣ်က့ၤခီၣ်က့ၤလၢအမ့ၢ်ပဝဲခဲလၢာ်အတၢ် အခါန့ၣ်, ယထံၣ်လၢအလီၢ်အိၣ်ဝဲတဘျီဃီလၢယကကွဲး ဟ့ၣ်ဆူၣ်ထီၣ်သုဂံၢ်သုဘါ, ဒ်သိးသုကဒုးတၢ်လၢတၢ်စူၢ်တၢ်နာ်လၢတဘျီကစၢ်ယွၤ ဟ့ၣ်လီၤတ့ၢ်ဝဲအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

လံာ်လီၣ်ဖျါ 14:12

ဖဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ်, ပှၤလၢအဒိကနၣ်ဒီးအိၣ်မူထွဲကစၢ်ယွၤအတၢ်မၤလိာ်တဖၣ် ဒီးတီလၢယ့ၣ်ၡူးန့ၣ်, ကတူၢ်တၢ်လၢတၢ်သူၣ်စူၤသးစူၤအပူၤလီၤ.