မၤတၢ် 24:22 - Sgaw Karen Common Bible

²² တုၤနုၤတစုစီၤဖ့လံးလၢအသ့ၣ်ညါတ့ၢ်ကစၢ်အကျဲအဂ့ၢ် ဂ့ၤဂ့ၤတဂၤန့ၣ်, ဆိကတီၢ်ကွံာ်တၢ်သမံသမိးတၢ်ဒီးစံးဝဲ, “ယကစံၣ်ညီၣ်သုတၢ်ဂ့ၢ်တၢ်ကျိၤတမံၤအံၤဖဲပှၤသုးဖိ တကထိအခိၣ်စီၤလူၤစံဟဲတုၤဝဲန့ၣ်လီၤ.”

မၤတၢ် 24:22 Iomraidhean Croise

လံာ်မးသဲ 2:7

အန့ၣ်တစု စီၤပၤဟ့ၤရိာ်ကိးဃီၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ် တဖၣ်ဆူတၢ်လီၢ်သဒၢဖဲပှၤတအိၣ်ဘၣ်နီတဂၤအလီၢ်, ဒီးသံကွၢ်အဝဲသ့ၣ်ဘၣ်ဃးဒီးဆၣ်န့ၣ်ဟဲအိၣ်ဖျါထီၣ်အမုၢ်နံၤ မုၢ်သီအဆၢကတီၢ်လီၤတံၢ်လီၤဆဲးလီၤ.

မၤတၢ် 18:20

အဝဲသ့ၣ်မၢအဝဲအိၣ်ယံာ်ထီၣ်တစဲး, ဘၣ်ဆၣ်အဝဲဒၣ်တအၢၣ်လီၤ အဝဲသ့ၣ်ဘၣ်.

မၤတၢ် 19:40

တၢ်ဘၣ်ယိၣ်အလီၢ်အိၣ်ဝဲလၢပှၤရိမ့ၤဖိကပာ်တၢ်ကမၣ်ထီဒါပှၤ ဒီးစံးလၢပဒုးအိၣ်ထီၣ်တၢ်တၢထီၣ်တၢလီၤ, မ့ၢ်လၢတၢ်မၤအသးတနံၤအံၤအဃိလီၤ. ပကတိၤပူၤဖျဲးပသးလၢတၢ်တၢထီၣ်တၢလီၤအဒိၣ်အမုၢ်ထဲသိးအံၤ တမံၤအဂ့ၢ်အံၤတသ့နီတစဲးဘၣ်. ဒီးတၢ်ဂ့ၢ်အကြၢးအဘၣ်လၢပကဟ့ၣ်ထီၣ်အဂီၢ်တအိၣ်နီ တမံၤဘၣ်.

မၤတၢ် 24:10

တုၤနုၤတစု, ပဒိၣ်ဖးဒိၣ်ဟ့ၣ်တၢ်ပနီၣ်လၢစီၤပီလူးကကတိၤ တၢ်ဒီးအဝဲဒၣ်စံးဝဲ, “ယသ့ၣ်ညါလၢနကဲတ့ၢ်စံၣ်ညီၣ်ကွီၢ်အါနံၣ်အါလါလၢပှၤ တကလုာ်အံၤအဖီခိၣ်, ဒီးလၢတၢ်န့ၣ်အဃိ, ယသးခုလၢယကကတိၤဒီဒၣ်ဘၣ်ယသးလၢနမဲာ်ညါန့ၣ်လီၤ.

မၤတၢ် 24:14

တၢ်လၢယအၢၣ်လီၤနၤမ့ၢ်တၢ်အံၤ, ယဘူၣ်ထီၣ်ဘါထီၣ်ပမိၢ်ပၢ်ဖံဖုလၢပျၢၤတဖၣ်အယွၤခီဖျိ ယပိာ်ကစၢ်အကျဲလၢအဝဲသ့ၣ်စံးလၢအကမၣ်န့ၣ်လီၤ. ဘၣ်ဆၣ်ဒီးယနာ်စ့ၢ်ကီးတၢ်ခဲလၢာ်လၢအအိၣ်ကွဲး အသးလၢစီၤမိၤၡ့အတၢ်သိၣ်တၢ်သီဒီးလၢဝံတဖၣ် အလံာ်ပူၤန့ၣ်လီၤ.

မၤတၢ် 24:24

စှၤသီပူၤကွံာ်ဝံၤအလီၢ်ခံန့ၣ်, စီၤဖ့လံးဟဲဒီးအမါနီၢ်ဒြူၤစံးလ့ၤလၢအမ့ၢ်ပှၤယူဒၤမုၣ်တဂၤ န့ၣ်လီၤ. အဝဲဒၣ်မၢပှၤလဲၤကိးန့ၢ်အီၤလၢစီၤပီလူးဒီးကနၣ်အဝဲ ကတိၤတၢ်ဘၣ်ဃးတၢ်စူၢ်တၢ်နာ်လၢယ့ၣ်ၡူးခရံာ်အပူၤ အဂ့ၢ်န့ၣ်လီၤ.

မၤတၢ် 24:6

အဝဲဒၣ်ဂုာ်ကျဲးစၢးစ့ၢ်ကီးဒ်သိးအကမၤတစီတဆှံဒီးမၤ ဘၣ်အၢတၢ်လုၢ်ဟံၣ်, သတးဒီးပဖီၣ်အီၤလီၤ. (ပပာ်လီၤပသးလၢပကစံၣ်ညီၣ်အီၤဒ်ပတၢ်သိၣ်တၢ်သီအိၣ်ဝဲ အသိးန့ၣ်လီၤ.

မၤတၢ် 25:26

ဘၣ်ဆၣ်, ယတအိၣ်ဒီးတၢ်ဂ့ၢ်လီၤတံၢ်လီၤဆဲးဘၣ်ဃးဒီးအီၤ လၢယကကွဲးဖျါထီၣ်ဆူစီၤပၤဖးဒိၣ်အအိၣ်နီတမံၤဘၣ်. လၢတၢ်န့ၣ်အဃိယဟဲဆှၢထီၣ်အီၤလၢသုဝဲခဲလၢာ်အမဲာ်ညါ, ဒီးလီၤဆီဒၣ်တၢ်လၢနၤ, စီၤပၤအကြံးပၤအမဲာ်ညါ, ဒ်သိးပသမံသမိးကွၢ်အီၤဝံၤအလီၢ်ခံ, ယကအိၣ်ဒီးတၢ်ဂ့ၢ်တၢ်ကျိၤလီၤတံၢ်လီၤဆဲးလၢယကကွဲးဖျါထီၣ် အီၤအဂီၢ်န့ၣ်လီၤ.

မၤတၢ် 26:3

ယဘၣ်ဆိၣ်ဂ့ၤယဲလီၤဆီဒၣ်တၢ် မ့ၢ်လၢနသ့ၣ်ညါနဲပှၤယူဒၤ ဖိအလုၢ်အလၢ်ဒီးအတၢ်ဂ့ၢ်တၢ်ကျိၤအကီအခဲတဖၣ်ခဲလၢာ် ဂ့ၤဂ့ၤဘၣ်ဘၣ်အဃိလီၤ. လၢတၢ်န့ၣ်အဃိ, ယဃ့ကညးနၤဒ်သိးနကဒိကနၣ်ယတၢ်စံးတၢ်ကတိၤ လၢတၢ်သူၣ်စူၤသးစူၤအပူၤန့ၣ်လီၤ.

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.

လံာ်သိၣ်လီၤသီလီၤတၢ် 19:18

ပှၤစံၣ်ညီၣ်ကွီၢ်တဖၣ်ကဘၣ်သမံသမိးကွီၢ်န့ၣ်လီၤတံၢ်လီၤဆဲး လၢာ်အခၢးလီၤ. ဒီးပှၤတဂၤန့ၣ်မ့ၢ်မၤတၢ်အုၣ်အသးကဘျံးကဘျၣ်တမံၤထီဒါအဝဲ အပှၤအံၣ်စရ့လးဖိကဒဲကဒဲဒီး,