မၤတၢ် 24:2 - Sgaw Karen Common Bible

² စီၤပီလူးဘၣ်တၢ်ကိးနုာ်အီၤ, ဒီးစီၤတ့ၢ်တူးလူးကတိၤထီၣ်တၢ်ဒီးပာ်တၢ်ကမၣ်ထီဒါအီၤ ဒ်လၢလာ်အသိးလီၤ. “ပဒိၣ်ကစၢ်စီၤဖ့လံးဧၢ, နမ့ၢ်ပှၤခိၣ်ပှၤနၢ်လၢအကူၣ်ဘၣ်ဖးသ့မးတဂၤအဃိပဒိးန့ၢ်ဘၣ် တၢ်ဃူတၢ်ဖိး, တၢ်မုာ်တၢ်ပၢၤယံာ်တ့ၢ်လံဒီးတၢ်လဲလိာ်လၢ အလီၢ်အိၣ်တဖၣ်ဘၣ်တၢ်ဒုးအိၣ်ထီၣ်အီၤလၢထံကီၢ်တဘ့ၣ်အံၤ အတၢ်ဂ့ၤအဂီၢ်လီၤ.

မၤတၢ် 24:2 Iomraidhean Croise

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

တၢ်ကတိၤဒိ. 26:28

ပျ့ၤလၢအလီတၢ်န့ၣ်သးဟ့ပှၤလၢအဒိးဘၣ်တၢ်မၤနၢၤအီၤတဖၣ်န့ၣ် လီၤ. ဒီးတၢ်ကတိၤပာ်မၤအသးန့ၣ်ဟဲစိာ်တၢ်ကလီ ကလီဒီးတၢ်ဟးဂီၤန့ၣ်လီၤ.

တၢ်ကတိၤဒိ. 29:5

နမ့ၢ်ကတိၤပတြၢၤမုာ်နၢ်နတံၤသကိးတဖၣ်ဒီး, နဆဲထီၣ်ထုတခါလၢနဂီၢ်ဒၣ်နဲလီၤ.

မၤတၢ် 24:1

ယဲၢ်သီပူၤကွံာ်ဝံၤအလီၢ်ခံန့ၣ်, ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဃုာ်ဒီးပှၤယူဒၤဖိ ကရၢအခိၣ်အနၢ်တနီၤဒီးပီၢ်ရီတဂၤလၢအမံၤမ့ၢ်စီၤတ့ၢ်တူးလူး, လဲၤဝဲဒၣ်ဆူဝ့ၢ်ကဲၤစါရံၤန့ၣ်လီၤ. အဝဲသ့ၣ်လဲၤထီၣ်ဆူပဒိၣ်ဖးဒိၣ်စီၤဖ့လံးအမဲာ်ညါဒီးပာ်တၢ် ကမၣ်ထီဒါစီၤပီလူးလီၤ.

မၤတၢ် 24:3

တၢ်သ့ၣ်တဖၣ်အံၤပတူၢ်လိာ်မုာ်အီၤလၢတၢ်လီၢ်ကိးပူၤဒဲး ကိးဆၢကတီၢ်ဒဲး, ဒီးပစံးဘျုးဘၣ်နၤအဒိၣ်အအါလီၤ.

ယူဒၤ 1:16

ပှၤသ့ၣ်တဖၣ်အံၤကဒူးကဒ့ၣ်တၢ်ဒီးပာ်တၢ်ကမၣ်လၢ ပှၤဂၤအလိၤထီဘိန့ၣ်လီၤ. အဝဲသ့ၣ်မၤထွဲအကစၢ်ဒၣ်ဝဲအတၢ်သူၣ်လီသးကွံအအၢအသီ တဖၣ်အခံန့ၣ်လီၤ. အဝဲသ့ၣ်ကတိၤဒိၣ်ကတိၤသွါလီၤက့ၤအသးဒၣ်ဝဲဒီး ကတိၤကဖၢလၢထီၣ်ပှၤဂၤတဖၣ်လၢအဝဲသ့ၣ်အတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.