မၤတၢ် 24:17 - Sgaw Karen Common Bible

¹⁷ ယဟးဖးဒီးဝ့ၢ်ယရူၤၡလ့ၣ်ယံာ်ဝဲဒၣ်စှၤနံၣ်ဝံၤအလီၢ်ခံ, ယလဲၤကဒီးဖဲန့ၣ်ဒ်သိးယကလဲၤဆှၢကျိၣ်စ့တနီၤဆူယပှၤ ကလုာ်ဒၣ်ယဲအအိၣ်ဒီးလၢယကလုၢ်ထီၣ်ပာ်ထီၣ်တၢ် အဂီၢ်လီၤ.

မၤတၢ် 24:17 Iomraidhean Croise

မၤတၢ် 20:16

စီၤပီလူးပာ်လီၤအသးလၢအကလဲၤခီပတာ်ကွံာ်ဝ့ၢ်အ့းဖ့း စူးဒ်သိးအဆၢကတီၢ်သုတလၢာ်ကွံာ်ဝဲဖဲကီၢ်အၤစံတဂ့ၤန့ၣ်လီၤ. အဝဲဒၣ်အဲၣ်ဒိးလဲၤတုၤဝ့ၢ်ယရူၤၡလ့ၣ်ဆိဆိ, မ့ၢ်သ့န့ၣ်, လၢဘူၣ်ယဲၢ်ဆံအနံၤအဂီၢ်လီၤ.

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

မၤတၢ် 21:26

လၢတၢ်န့ၣ်အဃိစီၤပီလူးလဲၤဒီးပှၤလွံၢ်ဂၤန့ၣ်, ဒီးမုၢ်ဆ့ၣ်ထီၣ်တနံၤန့ၣ်မၤကဆှီအသးဒီးအဝဲသ့ၣ်ဒ်ယူဒၤ အလုၢ်အလၢ်အိၣ်ဝဲအသိးန့ၣ်လီၤ. အန့ၣ်ဝံၤအလီၢ်ခံ, အဝဲဒၣ်လဲၤဆူတၢ်လုၢ်ဟံၣ်အပူၤဒီးဟ့ၣ်ထီၣ်တၢ်ဘိးဘၣ် သ့ၣ်ညါလၢတၢ်မၤကဆှီထီၣ်ကယံာ်ဝဲအသီဆံးအါဒီးဖဲ အနံၤအသီပှဲၤထီၣ်န့ၣ်, တၢ်လုၢ်တၢ်ပာ်ကဘၣ်တၢ်မၤအီၤလၢအဝဲသ့ၣ်တဂၤဘၣ်တဂၤ အဂီၢ်န့ၣ်လီၤ.

မၤတၢ် 24:26

အဝဲအိၣ်စ့ၢ်ကီးဒီးတၢ်မုၢ်လၢ်လၢစီၤပီလူးကဟ့ၣ်အီၤ ကျိၣ်စ့တဆံးတက့ၢ်, ဒီးလၢတၢ်ဂ့ၢ်တမံၤအံၤအဃိအဝဲဒၣ် မၤလိာ်အီၤတလီၢ်လီၢ်, ဒ်သိးအကကတိၤတၢ်ဒီးအီၤအဂီၢ်န့ၣ်လီၤ.

ရိမ့ၤ 15:31

ဘါထုကဖၣ်ဒ်သိးယကပူၤဖျဲးဒီးပှၤယူဒၤဖိလၢအတစူၢ် တနာ်ယ့ၣ်ၡူးခရံာ်တဖၣ်အတၢ်မၤအၢမၤသီ, ဒီးဒ်သိးယတၢ်ဖံးတၢ်မၤဖဲဝ့ၢ်ယရူၤၡလ့ၣ်အပူၤကဘၣ်တၢ်တူၢ်လိာ် အီၤလၢကစၢ်ယွၤအပှၤစီဆှံဖဲန့ၣ်တဖၣ်အဂီၢ်န့ၣ်တက့ၢ်.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

၂ ကရံၣ်သူး 8:9

သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

၂ ကရံၣ်သူး 9:12

အဂ့ၢ်ဒ်အံၤ, တၢ်လၢသုမၤတမံၤအံၤန့ၣ်, တမ့ၢ်ထဲအမၤလၢထီၣ်ပှဲၤထီၣ် ကစၢ်ယွၤအပှၤဂီၢ်မုၢ်အတၢ်လိၣ်တဖၣ်ဧိၤဘၣ်. မ့မ့ၢ်, ဒုးအိၣ်ထီၣ်တၢ်စံးဘျုးစံးဖှိၣ်ကစၢ်ယွၤအတၢ်ပုာ်ထီၣ်ယွၤလီၤန့ၣ်လီၤ.

ကလၤတံ 2:10

တၢ်လၢအဝဲသ့ၣ်မၢပှၤန့ၣ်မ့ၢ်ဒၣ်ထဲလၢပကသ့ၣ်နီၣ်ထီၣ်ပှၤလၢ အလိၣ်ဘၣ်တၢ်မၤစၢၤတဖၣ်လၢအဝဲသ့ၣ်အသိးအကျါဒီးအဝဲ အံၤမ့ၢ်တၢ်တမံၤလၢယသးဆူၣ်မၤယဲန့ၣ်လီၤ.