မၤတၢ် 24:16 - Sgaw Karen Common Bible

¹⁶ လၢတၢ်န့ၣ်အဃိယဂုာ်ကျဲးစၢးယဲဒၣ်အဂ့ၤကတၢၢ်ထီဘိဒ်သိး ယကအိၣ်ဒီးသးလၢအသ့ၣ်ညါဒၣ်တၢ်လၢအဂ့ၤအပူၤလၢကစၢ်ယွၤဒီး ပှၤကညီအမဲာ်ညါန့ၣ်လီၤ.

မၤတၢ် 24:16 Iomraidhean Croise

မၤတၢ် 23:1

စီၤပီလူးကွၢ်ဃီၤတၢ်လိၤလိၤဆူကီၣ်ကးကရၢဖိတဖၣ်အအိၣ်ဒီးစံးဝဲ, “ယဒီပုၢ်ဝဲၢ်သ့ၣ်ဧၢ, ယသးလၢအသ့ၣ်ညါဒၣ်တၢ်လၢအဂ့ၤဆှံဝဲဒၣ်လီၤတံၢ်လီၤဆဲး ဘၣ်ဃးဒီးယတၢ်အိၣ်မူဒီကတီၢ်ညါလၢကစၢ်ယွၤအမဲာ်ညါ, တုၤလီၤလၢမုၢ်မဆါတနံၤအံၤလီၤ.”

ရိမ့ၤ 2:15

အဝဲသ့ၣ်အတၢ်အိၣ်မူအိၣ်ဂဲၤဒုးနဲၣ်ဝဲလၢတၢ်လၢတၢ်သိၣ် တၢ်သီလိၣ်ဘၣ်ဝဲန့ၣ်, အိၣ်ကွဲးလီၤအသးလၢအဝဲသ့ၣ်အသး အလိၤန့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ်န့ၣ် ဒုးနဲၣ်စ့ၢ်ကီးဝဲလၢတၢ်အံၤမ့ၢ်တၢ်မ့ၢ်တၢ်တီ, မ့ၢ်လၢအတၢ်ဆိကမိၣ်တဖၣ်တဘျီဘျီသိၣ်ဃီၣ်အီၤဒီးတဘျီဘျီ တဒီဃာ်အီၤအဃိန့ၣ်လီၤ.

ရိမ့ၤ 9:1

ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

၁ တံၤမသ့း 1:19

ဒီးပၢၤဃာ်နတၢ်စူၢ်တၢ်နာ်ဒီးသးလၢအသ့ၣ်ညါဒၣ် တၢ်ဆှံဆှံန့ၣ်တက့ၢ်. ပှၤတနီၤတဒိကနၣ်သးလၢအသ့ၣ်ညါ ဒၣ်တၢ်န့ၣ်ဘၣ်အဃိ, အတၢ်စူၢ်တၢ်နာ်လီၤပှီၢ်ကွံာ်ဝဲဒၣ်န့ၣ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ တံၤမသ့း 3:9

အဝဲသ့ၣ်ကြၢးဟံးဃာ်တၢ်စူၢ်တၢ်နာ်အတၢ်မ့ၢ်တၢ်တီလၢ အဘၣ်တၢ်လီၣ်ဖျါထီၣ်အီၤ, လၢသးလၢအသ့ၣ်ညါဒၣ်တၢ် ဆှံဆှံအပူၤန့ၣ်လီၤ.

၂ တံၤမသ့း 1:3

ယစံးဘျုးကစၢ်ယွၤလၢယမၤအတၢ်လၢသးလၢအသ့ၣ်ညါ ဒၣ်တၢ်အဂ့ၤတီတီအပူၤ, ဒ်ယမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲ အသိးန့ၣ်လီၤ. ယစံးဘျုးအီၤဖဲယသ့ၣ်နီၣ်ထီၣ်နၤထီဘိလၢ ယတၢ်ထုကဖၣ်အပူၤ, လၢမုၢ်ဆါဆဲးလၢမုၢ်နၤန့ၣ်လီၤ.

တံတူး 1:15

တၢ်ခဲလၢာ်န့ၣ်ကဆှီဝဲလၢပှၤလၢအကစၢ်ဒၣ်ဝဲကဆှီတဖၣ် အဂီၢ်, ဘၣ်ဆၣ်ဒီးပှၤလၢအတကဆှီဒီးတစူၢ်တၢ်နာ်တၢ်အဂီၢ်န့ၣ်, တၢ်အကဆှီတအိၣ်နီတမံၤဘၣ်. မ့ၢ်လၢအတၢ်ဆိကမိၣ်ဒီးအသးလၢအသ့ၣ်ညါဒၣ်တၢ်ဒၣ် လဲာ်ဘၣ်တၢ်မၤတကဆှီအီၤအဃိန့ၣ်လီၤ.

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

ဧ့ၤဘြံၤ 13:18

ဘါထုကဖၣ်တၢ်လၢပဂီၢ်တဘိယူၢ်ဃီတက့ၢ်. ပနာ်လၢပအိၣ်ဒီးသးလၢအသ့ၣ်ညါတၢ်လၢအတီ လၢအအဲၣ်ဒိးမၤတၢ်လၢအဂ့ၤအဘၣ်ဝဲကိးဆၢကိး ကတီၢ်လီၤ.

ဧ့ၤဘြံၤ 9:14

တၢ်အံၤမ့ၢ်တၢ်လၢအမ့ၢ်ဝဲတီဝဲအဃိခရံာ်အသွံၣ်ကမၤန့ၢ်တၢ်လၢ ပဂီၢ်ဒိၣ်န့ၢ်အါန့ၢ်အန့ၣ်တက့ၢ်ဆံးဒိၣ်လဲၣ်. ခီဖျိယွၤအသးလၢအမူဝဲလီၤထူလီၤယိာ်န့ၣ်အဝဲလုၢ် ထီၣ်ပာ်ထီၣ်အသးဒၣ်ဝဲဒ်တၢ်လုၢ်အလၢအပှဲၤအသိးလၢ ယွၤန့ၣ်လီၤ. အသွံၣ်ကမၤကဆှီထီၣ်ပသးလၢအသ့ၣ်ညါ ဒၣ်တၢ်, လၢလုၢ်လၢ်အတၢ်ဖံးတၢ်မၤလၢအတဂိာ်တသီၣ်ဘၣ် တဖၣ်ဒ်သိးပကမၤဘၣ်ကစၢ်ယွၤလၢအမူဝဲတဂၤအတၢ်မၤန့ၣ်လီၤ.

၁ ပ့းတရူး 2:19

သုမ့ၢ်တူၢ်ဆါသုသးလၢတၢ်နးတၢ်ဖှီၣ်လၢသုတကြၢးတူၢ် ဝဲမ့ၢ်လၢသုသ့ၣ်ညါကစၢ်ယွၤအတၢ်ဘၣ်အသးအဃိ န့ၣ်ဒီး, ကစၢ်ယွၤကဆိၣ်ဂ့ၤသုလၢတၢ်အံၤအဃိလီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,