မၤတၢ် 24:12 - Sgaw Karen Common Bible

¹² ပှၤယူဒၤဖိတဖၣ်အံၤတထံၣ်ယဂ့ၢ်လိာ်ဘှီလိာ်တၢ်ဒီးပှၤအိၣ် လၢတၢ်လုၢ်ဟံၣ်အပူၤနီတဂၤဘၣ်. ဒီးတထံၣ်စ့ၢ်ကီးယမၤတၢထီၣ်တၢလီၤပှၤဂီၢ်မုၢ်လၢဘူၣ်ဘျီၣ် အပူၤမ့ၢ်ဂ့ၤ, တၢ်လီၢ်အဂၤဖဲဝ့ၢ်ပူၤမ့ၢ်ဂ့ၤနီတတီၤဘၣ်.

မၤတၢ် 24:12 Iomraidhean Croise

လံာ်မၢ်ကူး 9:14

တုၤအဝဲသ့ၣ်ဟဲက့ၤတုၤဖှိၣ်သကိးလၢအပျဲၢ်အဘီၣ်အဂၤတဖၣ်အသိး အကျါန့ၣ်, ထံၣ်ဘၣ်ပှၤဂီၢ်မုၢ်အိၣ်ဝးတရံးအပျဲၢ်အဘီၣ်အဂၤတဖၣ်အံၤဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤကတိၤဂ့ၢ်လိာ်ဘှီလိာ် တၢ်ဒီးအဝဲသ့ၣ်န့ၣ်လီၤ.

လံာ်ယိၤဟၣ် 18:21

မ့မ့ၢ်ဒ်န့ၣ်ဒီး, ဘၣ်မနုၤနသံကွၢ်ယၤလဲၣ်. သံကွၢ်ပှၤတဖၣ်လၢအနၢ်ဟူတ့ၢ်ယတၢ်စံးတၢ်ကတိၤတက့ၢ်. သံကွၢ်အဝဲသ့ၣ်တၢ်လၢယစံးတ့ၢ်အဝဲသ့ၣ်န့ၣ်တက့ၢ်. အဝဲသ့ၣ်, သ့ၣ်ညါတၢ်လၢယစံးဘၣ်တဲဘၣ်တ့ၢ်အီၤန့ၣ်လီၤ.”

မၤတၢ် 24:18

အဝဲသ့ၣ်ထံၣ်န့ၢ်ယၤလၢတၢ်လုၢ်ဟံၣ်အပူၤဖဲယမၤကဆှီထီၣ် က့ၤယသးဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးဝံၤ အလီၢ်ခံန့ၣ်လီၤ. ပှၤကမျၢၢ်တအိၣ်ဒီးယၤဖဲန့ၣ်ဘၣ်. ဒီးတၢ်တၢထီၣ်တၢလီၤတအိၣ်ဘၣ်.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

မၤတၢ် 25:8

မ့မ့ၢ်စီၤပီလူးတခီကတိၤဒီဒၣ်အသးဒီးစံးဝဲ, “ယတမၤတ့ၢ်တၢ်ကမၣ်ထီဒါပှၤယူဒၤဖိအတၢ်သိၣ်တၢ်သီမ့ၢ်ဂ့ၤ, တၢ်လုၢ်ဟံၣ်မ့ၢ်ဂ့ၤ, ဒီးရိမ့ၤအစီၤပၤဖးဒိၣ်မ့ၢ်ဂ့ၤနီတမံၤဘၣ်.”

မၤတၢ် 28:17

သၢသီလဲၤပူၤကွံာ်ဝံၤအလီၢ်ခံန့ၣ်, စီၤပီလူးကိးဖှိၣ်ပှၤယူဒၤဖိအခိၣ်အနၢ်ဖဲဝ့ၢ်ရိမ့ၤ တဖၣ်န့ၣ်လီၤ. ဖဲအဝဲသ့ၣ်ဟဲတုၤဖှိၣ်န့ၣ်, အဝဲဒၣ်စံးဘၣ် အဝဲသ့ၣ်, “ယဒီပုၢ်ဝဲၢ်ပှၤအံၣ်စရ့လးဖိသ့ၣ်ဧၢ, ယတမၤတ့ၢ်ယဲတၢ်လၢအထီဒါပပှၤကလုာ်မ့ၢ်ဂ့ၤ, ပလုၢ်ပလၢ်လၢပဒိးန့ၢ်ဘၣ်လၢပမိၢ်ပၢ်ဖံဖုလၢပျၢၤတဖၣ် အအိၣ်မ့ၢ်ဂ့ၤနီတမံၤဘၣ်. သနာ်က့ဒီး, တၢ်ဖီၣ်ဒၢနုာ်ယၤလၢဝ့ၢ်ယရူၤၡလ့ၣ်အဃိာ်ပူၤဒီးတၢ်ဟ့ၣ်လီၤယၤ ဆူပှၤရိမ့ၤဖိတဖၣ်အစုပူၤလီၤ.