မၤတၢ် 24:1 - Sgaw Karen Common Bible

¹ ယဲၢ်သီပူၤကွံာ်ဝံၤအလီၢ်ခံန့ၣ်, ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဃုာ်ဒီးပှၤယူဒၤဖိ ကရၢအခိၣ်အနၢ်တနီၤဒီးပီၢ်ရီတဂၤလၢအမံၤမ့ၢ်စီၤတ့ၢ်တူးလူး, လဲၤဝဲဒၣ်ဆူဝ့ၢ်ကဲၤစါရံၤန့ၣ်လီၤ. အဝဲသ့ၣ်လဲၤထီၣ်ဆူပဒိၣ်ဖးဒိၣ်စီၤဖ့လံးအမဲာ်ညါဒီးပာ်တၢ် ကမၣ်ထီဒါစီၤပီလူးလီၤ.

မၤတၢ် 24:1 Iomraidhean Croise

စံးထီၣ်ပတြၢၤ 11:2

ကွၢ်, ပှၤအၢပှၤသီတဖၣ်ဖ့ၣ်ထီၣ်အချံၣ်, ပညိၣ်ဃီၤအပျၢ်တဖၣ်အခိၣ်လၢချံၣ်အလိၤ, ဒီးခိးခူသူၣ်တၢ်ဒ်သိးကခး ပှၤအသူၣ်လိၤသးဘျၢန့ၣ်လီၤ.

လံာ်ယၡါယၤ 3:3

အသုးခိၣ်သုးနၢ်ဒီးထံဖိကီၢ်ဖိခိၣ်နၢ်တဖၣ်, အထံဂ့ၢ်ကီၢ်ဂ့ၢ်ခိၣ် နၢ်တဖၣ်ဒီးပှၤကိးဂၤဒဲးလၢအသူတၢ်မၤကဒါမဲာ်ဒ်သိးကပၢ ဆူၣ်တၢ်လၢအမၤအသးတဖၣ်န့ၣ်လီၤ.

မၤတၢ် 12:21

ဖဲမုၢ်တနံၤလၢအဘၣ်တၢ်ဃုထၢလီၤဆီအီၤန့ၣ်, စီၤဟ့ၤရိာ်ကူထီၣ်သိးထီၣ်အစီၤပၤအကူအသိး, ဆ့ၣ်နီၤလၢအလီၢ်ပစိာ်အဖီခိၣ်, ဒီးကတိၤလီၤတၢ်ဆူပှၤဂီၢ်မုၢ်အအိၣ်လီၤ.

မၤတၢ် 21:27

ဖဲနွံသီဘူးကပှဲၤထီၣ်န့ၣ်, ပှၤယူဒၤဖိလၢကီၢ်အၤစံတနီၤထံၣ်စီၤပီလူးလၢတၢ်လုၢ်ဟံၣ် အပူၤလီၤ. အဝဲသ့ၣ်မၤတၢထီၣ်တၢလီၤပှၤဂီၢ်မုၢ်ဒီဖုညါဒီးပှၤစှီၤ ဃာ်စီၤပီလူးလီၤ.

မၤတၢ် 23:2

ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဟ့ၣ်လီၤအကလုၢ် လၢပှၤအိၣ်ဆၢထၢၣ်ဘူးဒီးစီၤပီလူးတဖၣ်ကတီၢ်အကိာ် ပူၤလီၤ.

မၤတၢ် 23:24

ကတဲာ်ကတီၤကသ့ၣ်စှၤဒုလၢစီၤပီလူးကဒိးဝဲအဂီၢ်ဒီး လဲၤဆှၢအီၤပူၤဖျဲးဒီးအဒုၣ်အဒါဆူပဒိၣ်ဖးဒိၣ်စီၤဖ့လံး အအိၣ်န့ၣ်တက့ၢ်.”

မၤတၢ် 23:30

ဒီးဖဲယဘၣ်တၢ်ဒုးသ့ၣ်ညါယၤလၢပှၤယူဒၤဖိတနီၤကူၣ်တၢ်ထီဒါ အီၤန့ၣ်, ယပာ်လီၤယသးလၢယကဆှၢအီၤဆူနအိၣ်တဘျီဃီလီၤ. ယစံးဘၣ်တဲဘၣ်ပှၤပာ်တၢ်ကမၣ်လၢအလိၤတဖၣ်လၢအကလိာ် ကွီၢ်ထီဒါအီၤလၢနမဲာ်ညါလီၤ.”

မၤတၢ် 23:33

အဝဲသ့ၣ်လဲၤဆှၢအီၤဆူဝ့ၢ်ကဲၤစါရံၤ, ဟ့ၣ်လီၤတၢ်ပရၢဆူပဒိၣ်ဖးဒိၣ်အစုပူၤဒီးဆှၢထီၣ်စီၤပီလူး ဆူအအိၣ်လီၤ.

မၤတၢ် 23:35

အဝဲဒၣ်စံးဘၣ်အီၤ, “ယကဒိကနၣ်နတၢ်စံးတၢ်ကတိၤဖဲ ပှၤပာ်တၢ်ကမၣ်လၢနလိၤတဖၣ်ဟဲတုၤဝဲန့ၣ်လီၤ.” အန့ၣ်ဝံၤဒီး, အဝဲဟ့ၣ်လီၤအကလုၢ်လၢစီၤပီလူးကဘၣ် တၢ်အိၣ်ခိးကွၢ်ထွဲအီၤလၢသုးဖိတဖၣ်, ဖဲနီလၢစီၤပၤဟ့ၤရိာ်ဘှီထီၣ်တ့ၢ်ဝဲတဖျၢၣ်အပူၤန့ၣ်လီၤ.

မၤတၢ် 24:11

ဒ်နနီၢ်ကစၢ်နဃုသ့ၣ်ညါနဲသ့အသိး, ယလဲၤထီၣ်ဘါယွၤဖဲဝ့ၢ်ယရူၤၡလ့ၣ်န့ၣ်ကအိၣ်ဒံးဒၣ်ထဲတဆံခံ သီဧိၤလီၤ.

မၤတၢ် 24:2

စီၤပီလူးဘၣ်တၢ်ကိးနုာ်အီၤ, ဒီးစီၤတ့ၢ်တူးလူးကတိၤထီၣ်တၢ်ဒီးပာ်တၢ်ကမၣ်ထီဒါအီၤ ဒ်လၢလာ်အသိးလီၤ. “ပဒိၣ်ကစၢ်စီၤဖ့လံးဧၢ, နမ့ၢ်ပှၤခိၣ်ပှၤနၢ်လၢအကူၣ်ဘၣ်ဖးသ့မးတဂၤအဃိပဒိးန့ၢ်ဘၣ် တၢ်ဃူတၢ်ဖိး, တၢ်မုာ်တၢ်ပၢၤယံာ်တ့ၢ်လံဒီးတၢ်လဲလိာ်လၢ အလီၢ်အိၣ်တဖၣ်ဘၣ်တၢ်ဒုးအိၣ်ထီၣ်အီၤလၢထံကီၢ်တဘ့ၣ်အံၤ အတၢ်ဂ့ၤအဂီၢ်လီၤ.

မၤတၢ် 25:15

ဒီးဖဲယလဲၤဆူဝ့ၢ်ယရူၤၡလ့ၣ်န့ၣ်, ယူဒၤပှၤလုၢ်တၢ်အခိၣ်အဒိၣ်တဖၣ်ဒီးအပှၤသူၣ်က့သးပှၢ် တဖၣ်ဟဲပာ်ဖျါထီၣ်တၢ်ကမၣ်လၢအပာ်ဝဲလၢစီၤပီလူး အလိၤဒီးမၢယစံၣ်ညီၣ်အီၤလီၤ.

မၤတၢ် 25:2

ပှၤလုၢ်တၢ်အခိၣ်အဒိၣ်ဒီးပှၤယူဒၤဖိအခိၣ်အနၢ်တဖၣ်ပာ်ဖျါထီၣ် တၢ်ကမၣ်လၢအပာ်ဝဲလၢစီၤပီလူးအလိၤန့ၣ်လီၤ. အဝဲသ့ၣ်ဃ့ ကညးစီၤဖ့စတူး,

1 ကရံၣ်သူး 2:1

ဖဲယလဲၤဆူသုအိၣ်ဒ်သိးယကစံၣ်တဲၤတဲလီၤတၢ်ခူသူၣ်ဘၣ်ဃး ကစၢ်ယွၤအတၢ်မ့ၢ်တၢ်တီန့ၣ်, ယတသူယဲတၢ်ကတိၤအဒိၣ်အသွါ, ဒီးတၢ်မၤလိမၤဒိးအဒိၣ်အထီဘၣ်.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.