မၤတၢ် 23:9 - Sgaw Karen Common Bible

⁹ တၢ်ကိးပသူကိးပသီသီၣ်ဒိၣ်ထီၣ်ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတနီၤလၢအဘၣ်ထွဲဒီးပှၤဖၤရံၤၡဲအကရူၢ် တဖၣ်ဂဲၤဆၢထၢၣ်, ဒီးကတိၤထီဒါတၢ်ဆူၣ်ဆူၣ်ကလဲာ်ဒီးစံးဝဲ, “ပတထံၣ်ပှၤတဂၤအံၤမၤကမၣ်တၢ်နီတမံၤဘၣ်. ဘၣ်တဘၣ်သး, မ့တမ့ၢ်မူခိၣ်ကလူး, ကတိၤတၢ်ဒီးအီၤနီၢ်နီၢ်လီၤ.”

မၤတၢ် 23:9 Iomraidhean Croise

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

လံာ်ယံးရမံယၤ 26:16

အန့ၣ်ဒီး, ပှၤခိၣ်ပှၤနၢ်တဖၣ်ဒီး ပှၤဂီၢ်မုၢ်စံးဘၣ်ပှၤ လုၢ်တၢ်အခိၣ် တဖၣ်ဒီးဝံတဖၣ်, စံးဝဲ, ပှၤတဂၤအံၤ ကတိၤတၢ်ဒီး ပှၤလၢယွၤ ပကစၢ်ယွၤအမံၤအပူၤန့ၣ်လီၤ. အဝဲတကြၢးဘၣ်တၢ်မၤသံအီၤဘၣ်.

လံာ်မၢ်ကူး 2:16

တုၤပှၤသ့လံာ်တၢ်သိၣ်တၢ်သီတနီၤလၢအမ့ၢ်ပှၤဖၤရံၤၡဲတဖၣ် ထံၣ်ဘၣ်ယ့ၣ်ၡူးအီၣ်သကိးတၢ်ဒီးပှၤဘၣ်တၢ်ဟီထီၣ်ကွံာ်အီၤဒီး ပှၤဃ့သွဲတဖၣ်အံၤဒီး, အဝဲသ့ၣ်သံကွၢ်အပျဲၢ်အဘီၣ်တဖၣ်ဒီးစံး, “ဘၣ်မနုၤလၢအဝဲဒၣ်အီၣ်ဃုာ်အီဃုာ်သကိးတၢ်ဒီးပှၤဒ်သိး အံၤတဖၣ်န့ၣ်လဲၣ်.”

လံာ်လူၤကၣ် 23:22

စီၤပံၤလးစံးဘၣ်ကဒီးအဝဲသ့ၣ်သၢဘျီတဘျီ, “မ့ၢ်အဝဲမၤကမၣ်ဘၣ်ထံကီၢ်အတၢ်သိၣ်တၢ်သီမနုၤတမံၤလဲၣ်. ယတထံၣ်န့ၢ်တၢ်ကမၣ်လၢအဝဲဒၣ်မၤတ့ၢ်ဝဲလၢအကြၢး ဒီးတၢ်သံန့ၣ်နီတမံၤဘၣ်. ယကမၢပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.”

လံာ်လူၤကၣ် 23:4

တုၤနုၤတစု, စီၤပံၤလးစံးဘၣ်ပှၤလုၢ်တၢ်အခိၣ်အဒိၣ် တဖၣ်ဒီးပှၤဂီၢ်မုၢ်တဖၣ်, “ယတထံၣ်န့ၢ်တၢ်ဂ့ၢ်လၢ ယကစံၣ်ညီၣ်ပှၤတဂၤအံၤနီတမံၤဘၣ်.”

လံာ်လူၤကၣ် 5:30

ပှၤဖၤရံၤၡဲတနီၤဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤ လၢအဘၣ်ထွဲဒီးပှၤဖၤရံၤၡဲအကရူၢ်န့ၣ်, ပာ်တၢ်ကမၣ်လၢယ့ၣ်ၡူးအပျဲၢ်အဘီၣ်တဖၣ်အလိၤလီၤ. အဝဲသ့ၣ်သံကွၢ်ဝဲ, “ဘၣ်မနုၤအဃိသုအီၣ်သကိးအီသကိးတၢ်လၢ ပှၤဃ့သွဲတဖၣ်ဒီးပှၤတၢ်ဒဲးဘးဖိတဖၣ်လဲၣ်.”

လံာ်ယိၤဟၣ် 12:29

ပှၤဂီၢ်မုၢ်အိၣ်ဆၢထၢၣ်ဖဲန့ၣ်တဖၣ်နၢ်ဟူတၢ်အံၤ, ဒီးအဝဲသ့ၣ်တနီၤစံးဝဲလၢအမ့ၢ်ဒၣ်လီသီၣ်လီၤ. အဂၤတနီၤစံးဝဲ, “မ့ၢ်ကလူးတဂၤကတိၤတၢ်ဒီးအီၤန့ၣ်လီၤ.”

မၤတၢ် 11:17

အိၣ်ဖျါဝဲဒၣ်လၢကစၢ်ယွၤဟ့ၣ်ပှၤကလုာ်ဂၤသ့ၣ်တဖၣ်တၢ်ဟ့ၣ် တမံၤဃီလၢအဝဲဒၣ်ဟ့ၣ်ပှၤဖဲပအိၣ်ဒီးတၢ်နာ်လၢကစၢ်ယ့ၣ်ၡူးခရံာ်အပူၤန့ၣ်လီၤ. မ့မ့ၢ်ဒ်န့ၣ်ဒီး, ယမ့ၢ်မတၤတဂၤလၢကကျဲးစၢးတြီယွၤအကျဲန့ၣ်လဲၣ်.”

မၤတၢ် 22:6

ဖဲယလဲၤတၢ်ဘူးထီၣ်ဒီးဝ့ၢ်ဒၤမ့ၤစ့းကဘၣ်ဖဲမုၢ်ထူၣ် အဆၢကတီၢ်န့ၣ်, တၢ်ကပီၤကပြုၢ်ကပြီၤလၢမူခိၣ်ဟဲကပီၤထီၣ်သတူၢ် ကလာ်ဝးတရံးယၤလီၤ.

မၤတၢ် 22:7

ယလီၤတဲာ်လၢဆၣ်ဖိကီၢ်ဖိလၢယဒိးအီၤတဒုအလိၤဆူဟီၣ် ခိၣ်လိၤဒီးနၢ်ဟူတၢ်ကလုၢ်သီၣ်ထီၣ်ဒီးစံးဘၣ်ယၤ, “စီၤစီလူးဧၢ, စီၤစီလူးဧၢ, ဘၣ်မနုၤအဃိနမၤအၢမၤနးယၤ လဲၣ်.”

မၤတၢ် 23:29

တၢ်လၢအကြၢးဒီးတၢ်သံမ့ၢ်ဂ့ၤ, တၢ်ကဒၢနုာ်အီၤလၢဃိာ်ပူၤမ့ၢ်ဂ့ၤ, ယတထံၣ်ဘၣ်လၢအဝဲမၤဝဲနီတမံၤဘၣ်. တၢ်ကမၣ်လၢအဘၣ်တၢ်ပာ်ထီၣ်လၢအဝဲဒၣ်အလိၤန့ၣ်ဘၣ်ထွဲဒီး အဝဲသ့ၣ်အတၢ်သိၣ်တၢ်သီဒၣ်ဝဲလီၤ.

မၤတၢ် 23:8

(အဂ့ၢ်ဒ်အံၤ, ပှၤစးဒူၤကဲတဖၣ်စံးလၢပှၤကညီတဂဲၤဆၢ ထၢၣ်က့ၤလၢတၢ်သံဘၣ်. ဒီးမူခိၣ်ကလူးမ့ၢ်ဂ့ၤ, သးမ့ၢ်ဂ့ၤ တအိၣ်နီတမံၤဘၣ်. မ့မ့ၢ်ပှၤဖၤရံၤၡဲတခီနာ်လၢတၢ်သၢ ခါလိာ်အံၤခဲလၢာ်လီၤ.)

မၤတၢ် 25:25

ဘၣ်ဆၣ်ဒီး, ယနီၢ်ကစၢ်ဒၣ်ယဲယတထံၣ်လၢအဝဲမၤဘၣ်တၢ်တမံၤမံၤ လၢအကြၢးဒီးတၢ်စံၣ်ညီၣ်သံအီၤန့ၣ်ဘၣ်. ဒီးမ့ၢ်လၢအဝဲအနီၢ်ကစၢ်ဒၣ်ဝဲပတံထီၣ်တၢ်လၢစီၤပၤဖးဒိၣ် ကစံၣ်ညီၣ်န့ၢ်အတၢ်ဂ့ၢ်တၢ်ကျိၤအဃိ, ယပာ်လီၤယသးလၢ ယကဆှၢလီၤအီၤလီၤ.

မၤတၢ် 26:31

ဒီးဖဲအဝဲသ့ၣ်ဟးထီၣ်ဝံၤအလီၢ်ခံန့ၣ်, စံးလိာ်အသးတဂၤဒီးတဂၤ, “ပှၤတဂၤအံၤတမၤတ့ၢ်တၢ်လၢအကြၢး ဒီးတၢ်သံမ့ၢ်ဂ့ၤ, တၢ်ဒၢနုာ်အီၤလၢဃိာ်ပူၤမ့ၢ်ဂ့ၤနီတမံၤဘၣ်.”

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

မၤတၢ် 5:39

ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 12:5

စီၤၡမူၤအ့လးစံးဆၢဝဲ, “ယွၤဒီးစီၤပၤလၢအဝဲဃုထၢ ထီၣ်ဝဲန့ၣ်မ့ၢ်ပှၤအုၣ်အသးတနံၤအံၤလၢသုထံၣ်ယၤလၢယမ့ၢ်ပှၤအိၣ်မူ တီတီလိၤလိၤလၢလၢပှဲၤပှဲၤန့ၣ်လီၤ.” ဒီးပဝဲသ့ၣ်စံးဆၢဝဲဒၣ်, “မ့ၢ်လီၤ. ယွၤမ့ၢ်ပှၤအုၣ်အသးလၢ ပဂီၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 24:17

အန့ၣ်ဝံၤဒီးအဝဲစံးဘၣ်စီၤဒၤဝံး, “နတၢ်ဘၣ်ဒီးယတၢ်ကမၣ် လီၤ. နဂ့ၤလၢယဖီခိၣ်ဒိၣ်မး, ဖဲယမၤတ့ၢ်တၢ်ကမၣ်လၢနဖီခိၣ်ဒ်န့ၣ် အသိးအခါလီၤ.