မၤတၢ် 23:8 - Sgaw Karen Common Bible

⁸ (အဂ့ၢ်ဒ်အံၤ, ပှၤစးဒူၤကဲတဖၣ်စံးလၢပှၤကညီတဂဲၤဆၢ ထၢၣ်က့ၤလၢတၢ်သံဘၣ်. ဒီးမူခိၣ်ကလူးမ့ၢ်ဂ့ၤ, သးမ့ၢ်ဂ့ၤ တအိၣ်နီတမံၤဘၣ်. မ့မ့ၢ်ပှၤဖၤရံၤၡဲတခီနာ်လၢတၢ်သၢ ခါလိာ်အံၤခဲလၢာ်လီၤ.)

မၤတၢ် 23:8 Iomraidhean Croise

လံာ်မးသဲ 22:23

တနံၤဃီအဝဲန့ၣ်, ပှၤစးဒူၤကဲလၢအစံးဝဲလၢတၢ်ဂဲၤဆၢထၢၣ် သမူထီၣ်က့ၤတအိၣ်ဘၣ်တနီၤ, ဟဲဆူယ့ၣ်ၡူးအအိၣ်ဒီးသံကွၢ်အီၤဒီးစံး,

လံာ်မၢ်ကူး 12:18

ပှၤစးဒူၤကဲတနီၤလၢအစံးဝဲလၢပှၤသံန့ၣ်တမ့ၢ်ကဂဲၤဆၢထၢၣ် သမူထီၣ်က့ၤနီတစုဘၣ်န့ၣ်, ဟဲဆူယ့ၣ်ၡူးအအိၣ်ဒီးစံးဘၣ်အီၤ,

လံာ်လူၤကၣ် 20:27

ပှၤစးဒူၤကဲတနီၤဟဲဝဲဆူယ့ၣ်ၡူးအအိၣ်လီၤ. အဝဲသ့ၣ်မ့ၢ်ပှၤတဖၣ်လၢအစံးဝဲလၢပှၤကညီတဂဲၤ ဆၢထၢၣ်က့ၤလၢတၢ်သံဘၣ်န့ၣ်လီၤ. အဝဲသ့ၣ်သံကွၢ်အီၤ,

မၤတၢ် 23:7

တုၤအဝဲဒၣ်ကတိၤထီၣ်တၢ်ဒ်အံၤဒီး, တၢ်ဂ့ၢ်လိာ်ဘှီလိာ်အိၣ်ထီၣ်လၢပှၤဖၤရံၤၡဲဒီးပှၤစးဒူၤ ကဲတဖၣ်အဘၢၣ်စၢၤဒီးအဝဲသ့ၣ်လီၤဖးခံဖုလီၤ.

မၤတၢ် 4:1

ဖဲစီၤပ့းတရူးဒီးစီၤယိၤဟၣ်ကတိၤဒံးတၢ်ဒီးပှၤတဖၣ်အဖၢမုၢ်န့ၣ်, ပှၤလုၢ်တၢ်အခိၣ်တနီၤ, တၢ်လုၢ်ဟံၣ်အပှၤပၢၤတၢ်ဖိအခိၣ်တဂၤ, ဃုာ်ဒီးပှၤစးဒူၤကဲတနီၤဟဲတုၤဝဲဒၣ်လီၤ.

1 ကရံၣ်သူး 15:12

ခဲကနံၣ်အံၤ, မ့ၢ်လၢပတၢ်ကစီၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢတၢ်သံအဃိဒီး, သုဝဲတနီၤသုစံးလၢပှၤသံတဖၣ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤန့ၣ်သ့ဝဲလၢကျဲဒ်လဲၣ်.