မၤတၢ် 23:35 - Sgaw Karen Common Bible

³⁵ အဝဲဒၣ်စံးဘၣ်အီၤ, “ယကဒိကနၣ်နတၢ်စံးတၢ်ကတိၤဖဲ ပှၤပာ်တၢ်ကမၣ်လၢနလိၤတဖၣ်ဟဲတုၤဝဲန့ၣ်လီၤ.” အန့ၣ်ဝံၤဒီး, အဝဲဟ့ၣ်လီၤအကလုၢ်လၢစီၤပီလူးကဘၣ် တၢ်အိၣ်ခိးကွၢ်ထွဲအီၤလၢသုးဖိတဖၣ်, ဖဲနီလၢစီၤပၤဟ့ၤရိာ်ဘှီထီၣ်တ့ၢ်ဝဲတဖျၢၣ်အပူၤန့ၣ်လီၤ.

မၤတၢ် 23:35 Iomraidhean Croise

လံာ်ယံးရမံယၤ 38:13

ဒီးအဝဲသ့ၣ်ထုးထီၣ်ကွံာ်ယၤလၢ ထံပူၤန့ၣ်လီၤ. တၢ်အံၤဝံၤ အလီၢ်ခံဒီး, ယဘၣ်တၢ်ပာ်ယၤလၢဃိာ်လၢအအိၣ်လၢနူၢ် အဂၢၤပူၤန့ၣ်လီၤ.

လံာ်မးသဲ 2:1

ယ့ၣ်ၡူးအိၣ်ဖျဲၣ်ထီၣ်လၢဝ့ၢ်ဘ့ၤသလ့ဃ့ၣ် ဘၣ်ဃးဒီးကီၢ်ယူဒၤ, ဖဲစီၤပၤဟ့ၤရိာ်ပၢတၢ်အကတီၢ်န့ၣ်လီၤ. ပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်ဟဲဆူဝ့ၢ်ယရူၤၡလ့ၣ် ဒီးသံကွၢ်တၢ်ဒီးစံး,

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.

လံာ်မးသဲ 2:3

တုၤစီၤပၤဟ့ၤရိာ်နၢ်ဟူတၢ်အံၤဒီးအသးကိၢ်ထီၣ်ဂီၤထီၣ်ဒိၣ် မးလီၤ. ပှၤခဲလၢာ်လၢအအိၣ်လၢဝ့ၢ်ယရူၤၡလ့ၣ်အပူၤစ့ၢ်ကီး အသးကိၢ်ဃုာ်ဒီးအီၤလီၤ.

လံာ်မးသဲ 27:27

တုၤနုၤတစုစီၤပံၤလးအသုးဖိတဖၣ် လဲၤဆှၢယ့ၣ်ၡူးဆူပဒိၣ်ဖးဒိၣ်အနီပူၤ, ဒီးသုးမုၢ်ဒီဖုညါဟဲပာ်ဖှိၣ်ထီၣ်အသးဝးတရံးအီၤလီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

မၤတၢ် 23:30

ဒီးဖဲယဘၣ်တၢ်ဒုးသ့ၣ်ညါယၤလၢပှၤယူဒၤဖိတနီၤကူၣ်တၢ်ထီဒါ အီၤန့ၣ်, ယပာ်လီၤယသးလၢယကဆှၢအီၤဆူနအိၣ်တဘျီဃီလီၤ. ယစံးဘၣ်တဲဘၣ်ပှၤပာ်တၢ်ကမၣ်လၢအလိၤတဖၣ်လၢအကလိာ် ကွီၢ်ထီဒါအီၤလၢနမဲာ်ညါလီၤ.”

မၤတၢ် 24:1

ယဲၢ်သီပူၤကွံာ်ဝံၤအလီၢ်ခံန့ၣ်, ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဃုာ်ဒီးပှၤယူဒၤဖိ ကရၢအခိၣ်အနၢ်တနီၤဒီးပီၢ်ရီတဂၤလၢအမံၤမ့ၢ်စီၤတ့ၢ်တူးလူး, လဲၤဝဲဒၣ်ဆူဝ့ၢ်ကဲၤစါရံၤန့ၣ်လီၤ. အဝဲသ့ၣ်လဲၤထီၣ်ဆူပဒိၣ်ဖးဒိၣ်စီၤဖ့လံးအမဲာ်ညါဒီးပာ်တၢ် ကမၣ်ထီဒါစီၤပီလူးလီၤ.

မၤတၢ် 24:10

တုၤနုၤတစု, ပဒိၣ်ဖးဒိၣ်ဟ့ၣ်တၢ်ပနီၣ်လၢစီၤပီလူးကကတိၤ တၢ်ဒီးအဝဲဒၣ်စံးဝဲ, “ယသ့ၣ်ညါလၢနကဲတ့ၢ်စံၣ်ညီၣ်ကွီၢ်အါနံၣ်အါလါလၢပှၤ တကလုာ်အံၤအဖီခိၣ်, ဒီးလၢတၢ်န့ၣ်အဃိ, ယသးခုလၢယကကတိၤဒီဒၣ်ဘၣ်ယသးလၢနမဲာ်ညါန့ၣ်လီၤ.

မၤတၢ် 24:19

ဘၣ်ဆၣ်ဒီးပှၤယူဒၤဖိလၢကီၢ်အၤစံအိၣ်ဝဲဖဲန့ၣ်တနီၤ, ဒီးအဝဲသ့ၣ်မ့ၢ်အဲၣ်ဒိးပာ်တၢ်ကမၣ်လၢယလိၤန့ၣ်, ကြၢးဟဲဆူနမဲာ်ညါလၢအကစၢ်ဒၣ်ဝဲဒီးပာ်ဖျါထီၣ် တၢ်ဂ့ၢ်တဖၣ်န့ၣ်လီၤ.

မၤတၢ် 24:22

တုၤနုၤတစုစီၤဖ့လံးလၢအသ့ၣ်ညါတ့ၢ်ကစၢ်အကျဲအဂ့ၢ် ဂ့ၤဂ့ၤတဂၤန့ၣ်, ဆိကတီၢ်ကွံာ်တၢ်သမံသမိးတၢ်ဒီးစံးဝဲ, “ယကစံၣ်ညီၣ်သုတၢ်ဂ့ၢ်တၢ်ကျိၤတမံၤအံၤဖဲပှၤသုးဖိ တကထိအခိၣ်စီၤလူၤစံဟဲတုၤဝဲန့ၣ်လီၤ.”

မၤတၢ် 24:23

အဝဲဒၣ်ဟ့ၣ်လီၤအကလုၢ်ဆူပှၤသုးဖိတကယၤအခိၣ်လၢကွၢ် ထွဲစီၤပီလူးန့ၣ်, ဒ်သိးအကခိးကွၢ်အီၤ, ဘၣ်ဆၣ်ကဟ့ၣ်အီၤတၢ်သဘျ့တဆံးတက့ၢ်ဒီးကပျဲအတံၤသကိး တဖၣ်မၤန့ၢ်အီၤတၢ်လၢအလိၣ်ဘၣ်ဝဲတဖၣ်န့ၣ်လီၤ.

မၤတၢ် 25:16

ဘၣ်ဆၣ်ဒီးယစံးဘၣ်အဝဲသ့ၣ်လၢပဝဲပှၤရိမ့ၤဖိတဖၣ်အိၣ် ဒီးအလုၢ်အလၢ်လၢအကဒုးထံၣ်လိာ်ပှၤလၢအဘၣ်တၢ်လိာ် ကွီၢ်အီၤတဂၤဒီးပှၤလၢအလိာ်ကွီၢ်တၢ်တဖၣ်မဲာ်သကိးမဲာ်ဒ်သိး အကအိၣ်ဒီးအခွဲးအယာ်လၢအကကတိၤဒီဒၣ်အသးတချုး လၢတၢ်ဟ့ၣ်လီၤကွံာ်ပှၤလၢအဘၣ်တၢ်လိာ်ကွီၢ်အီၤတဂၤန့ၣ်လီၤ.