မၤတၢ် 23:32 - Sgaw Karen Common Bible

³² မုၢ်ဆ့ၣ်ထီၣ်တနံၤန့ၣ်, ပှၤသုးဖိဟးလၢအခီၣ်တဖၣ်က့ၤက့ၤဆူသုးဖိအိၣ်တၢ်အလီၢ် တိာ်ပူၤဒီးပာ်တ့ၢ်ပှၤဒိးကသ့ၣ်တဖၣ်ဒ်သိးအကလဲၤဆူညါ ဒီးအီၤလီၤ.

မၤတၢ် 23:32 Iomraidhean Croise

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

မၤတၢ် 23:16

ဘၣ်ဆၣ်ဒီးစီၤပီလူးအဒီပုၢ်ဝဲၢ်မုၣ်အဖိခွါနၢ်ဟူတၢ်ကူၣ်ထီ ဒါစီၤပီလူးတမံၤအံၤအဂ့ၢ်လီၤ. လၢတၢ်န့ၣ်အဃိအဝဲလဲၤနုာ်ဆူသုးဖိအိၣ်တၢ်အလီၢ် တိာ်ပူၤဒီးတဲဘၣ်စီၤပီလူးလၢတၢ်ဂ့ၢ်အံၤလီၤ.

မၤတၢ် 23:23

အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.

မၤတၢ် 23:31

ပှၤသုးဖိတဖၣ်မၤဝဲဒ်တၢ်ဟ့ၣ်လီၤတၢ်အကလုၢ်ဆူအအိၣ် အသိးန့ၣ်လီၤ. အဝဲသ့ၣ်ဟံးန့ၢ်စီၤပီလူးဒီးဆှၢအီၤတနၤဃီတုၤ အတုၤဝ့ၢ်အၣ်တံၤပၤတြံန့ၣ်လီၤ.