မၤတၢ် 23:30 - Sgaw Karen Common Bible

³⁰ ဒီးဖဲယဘၣ်တၢ်ဒုးသ့ၣ်ညါယၤလၢပှၤယူဒၤဖိတနီၤကူၣ်တၢ်ထီဒါ အီၤန့ၣ်, ယပာ်လီၤယသးလၢယကဆှၢအီၤဆူနအိၣ်တဘျီဃီလီၤ. ယစံးဘၣ်တဲဘၣ်ပှၤပာ်တၢ်ကမၣ်လၢအလိၤတဖၣ်လၢအကလိာ် ကွီၢ်ထီဒါအီၤလၢနမဲာ်ညါလီၤ.”

မၤတၢ် 23:30 Iomraidhean Croise

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

မၤတၢ် 23:20

အဝဲဒၣ်စံးဆၢဝဲ, “ပှၤယူဒၤဖိအခိၣ်အနၢ်တဖၣ်အၢၣ်လီၤအီလီၤသကိးလိာ်အသး လၢခဲမုၢ်ဆ့ၣ်န့ၣ်, ကပာ်မၤအသးလၢကီၣ်ကးသးအိၣ်သ့ၣ်ညါလီၤတံၢ်တၢ်ဂ့ၢ် ဘၣ်ဃးဒီးစီၤပီလူးဒီးကမၢနလဲၤဆှၢအီၤဆူကီၣ်ကးအအိၣ်လီၤ.

မၤတၢ် 23:31

ပှၤသုးဖိတဖၣ်မၤဝဲဒ်တၢ်ဟ့ၣ်လီၤတၢ်အကလုၢ်ဆူအအိၣ် အသိးန့ၣ်လီၤ. အဝဲသ့ၣ်ဟံးန့ၢ်စီၤပီလူးဒီးဆှၢအီၤတနၤဃီတုၤ အတုၤဝ့ၢ်အၣ်တံၤပၤတြံန့ၣ်လီၤ.

မၤတၢ် 23:35

အဝဲဒၣ်စံးဘၣ်အီၤ, “ယကဒိကနၣ်နတၢ်စံးတၢ်ကတိၤဖဲ ပှၤပာ်တၢ်ကမၣ်လၢနလိၤတဖၣ်ဟဲတုၤဝဲန့ၣ်လီၤ.” အန့ၣ်ဝံၤဒီး, အဝဲဟ့ၣ်လီၤအကလုၢ်လၢစီၤပီလူးကဘၣ် တၢ်အိၣ်ခိးကွၢ်ထွဲအီၤလၢသုးဖိတဖၣ်, ဖဲနီလၢစီၤပၤဟ့ၤရိာ်ဘှီထီၣ်တ့ၢ်ဝဲတဖျၢၣ်အပူၤန့ၣ်လီၤ.

မၤတၢ် 24:19

ဘၣ်ဆၣ်ဒီးပှၤယူဒၤဖိလၢကီၢ်အၤစံအိၣ်ဝဲဖဲန့ၣ်တနီၤ, ဒီးအဝဲသ့ၣ်မ့ၢ်အဲၣ်ဒိးပာ်တၢ်ကမၣ်လၢယလိၤန့ၣ်, ကြၢးဟဲဆူနမဲာ်ညါလၢအကစၢ်ဒၣ်ဝဲဒီးပာ်ဖျါထီၣ် တၢ်ဂ့ၢ်တဖၣ်န့ၣ်လီၤ.

မၤတၢ် 25:16

ဘၣ်ဆၣ်ဒီးယစံးဘၣ်အဝဲသ့ၣ်လၢပဝဲပှၤရိမ့ၤဖိတဖၣ်အိၣ် ဒီးအလုၢ်အလၢ်လၢအကဒုးထံၣ်လိာ်ပှၤလၢအဘၣ်တၢ်လိာ် ကွီၢ်အီၤတဂၤဒီးပှၤလၢအလိာ်ကွီၢ်တၢ်တဖၣ်မဲာ်သကိးမဲာ်ဒ်သိး အကအိၣ်ဒီးအခွဲးအယာ်လၢအကကတိၤဒီဒၣ်အသးတချုး လၢတၢ်ဟ့ၣ်လီၤကွံာ်ပှၤလၢအဘၣ်တၢ်လိာ်ကွီၢ်အီၤတဂၤန့ၣ်လီၤ.

မၤတၢ် 9:24

ဘၣ်ဆၣ်အဝဲဒၣ်ဘၣ်တၢ်ဒုးသ့ၣ်ညါအီၤလၢအဝဲသ့ၣ် အတၢ်ကူၣ်အၢအီၤအဂ့ၢ်န့ၣ်လီၤ. အဝဲသ့ၣ်အိၣ်ခိးကွၢ်ဟုၣ်တၢ်ဖဲဝ့ၢ်အတြဲၤန့ၣ်လၢမုၢ်ဆါဒီး မုၢ်နၤ, လၢကမၤသံကွံာ်အီၤအဂီၢ်လီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.