မၤတၢ် 23:23 - Sgaw Karen Common Bible

²³ အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.

မၤတၢ် 23:23 Iomraidhean Croise

လံာ်မးသဲ 14:25

ဖဲဂီၤသၢနၣ်ရံၣ်ဒီးဃုနၣ်ရံၣ်အဘၢၣ်စၢၤန့ၣ်, ယ့ၣ်ၡူးလဲၤဆူအပျဲၢ်အဘီၣ်တဖၣ်အအိၣ်, ဟးဝဲလၢထံဖံးခိၣ်လီၤ.

လံာ်လူၤကၣ် 12:38

အဝဲမ့ၢ်ဟဲက့ၤလၢဖးဖီမုၢ်, မ့တမ့ၢ်စဲၤခံန့ၢ်အဝဲန့ၣ်ဒၣ်လဲာ်, ဒီးထံၣ်အဝဲသ့ၣ်အိၣ်ကတဲာ်ကတီၤအသးန့ၣ်, အဝဲသ့ၣ်ကဘၣ်ဆိၣ်ဂ့ၤဝဲဆံးဒိၣ်လဲၣ်.

မၤတၢ် 23:22

တုၤနုၤတစုပှၤသုးဖိတကထိအခိၣ်စံးဘၣ်အီၤ, “တဘၣ်တဲပှၤနီတဂၤလၢနဒုးသ့ၣ်ညါယၤလၢတၢ်ဂ့ၢ်တမံၤအံၤ န့ၣ်တဂ့ၤ.” ဝံၤဒီးအဝဲဒၣ်ပျဲက့ၤပိာ်ခွါသးစၢ်တဂၤအံၤန့ၣ်လီၤ.

မၤတၢ် 23:31

ပှၤသုးဖိတဖၣ်မၤဝဲဒ်တၢ်ဟ့ၣ်လီၤတၢ်အကလုၢ်ဆူအအိၣ် အသိးန့ၣ်လီၤ. အဝဲသ့ၣ်ဟံးန့ၢ်စီၤပီလူးဒီးဆှၢအီၤတနၤဃီတုၤ အတုၤဝ့ၢ်အၣ်တံၤပၤတြံန့ၣ်လီၤ.

မၤတၢ် 23:32

မုၢ်ဆ့ၣ်ထီၣ်တနံၤန့ၣ်, ပှၤသုးဖိဟးလၢအခီၣ်တဖၣ်က့ၤက့ၤဆူသုးဖိအိၣ်တၢ်အလီၢ် တိာ်ပူၤဒီးပာ်တ့ၢ်ပှၤဒိးကသ့ၣ်တဖၣ်ဒ်သိးအကလဲၤဆူညါ ဒီးအီၤလီၤ.

မၤတၢ် 23:33

အဝဲသ့ၣ်လဲၤဆှၢအီၤဆူဝ့ၢ်ကဲၤစါရံၤ, ဟ့ၣ်လီၤတၢ်ပရၢဆူပဒိၣ်ဖးဒိၣ်အစုပူၤဒီးဆှၢထီၣ်စီၤပီလူး ဆူအအိၣ်လီၤ.

မၤတၢ် 24:7

ဘၣ်ဆၣ်ဒီး, ပှၤသုးဖိတကထိအခိၣ်စီၤလူၤစံဟဲဒီးဂုာ်န့ၢ် အီၤလၢတၢ်စုဆူၣ်ခီၣ်တကးအပူၤန့ၣ်လီၤ.

မၤတၢ် 8:40

စီၤဖံလံးပူးထံၣ်လၢအလဲၤတုၤလံလၢဝ့ၢ်အးစဒိာ်, ဒီးလဲၤကဒီးဝဲဆူညါတုၤအတုၤလၢဝ့ၢ်ကဲၤစါရံၤတစုလီၤ. ဖဲအလဲၤတၢ်လၢကျဲအခါ, အဝဲဒၣ်စံၣ်တဲၤတဲလီၤတၢ်သးခုအကစီၣ်ဘၣ်ဃးယ့ၣ်ၡူးခရံာ်, လၢဝ့ၢ်အိၣ်လၢတၢ်ဘၢၣ်စၢၤတဖၣ်န့ၣ်ကိးဝ့ၢ်ဒဲးအပူၤလီၤ.