မၤတၢ် 23:17 - Sgaw Karen Common Bible

¹⁷ ဖဲန့ၣ်စီၤပီလူးကိးပှၤသုးဖိတကယၤအခိၣ်အကျါ တဂၤဒီးစံးဘၣ်အီၤ, “ဆှၢပိာ်ခွါသးစၢ်တဂၤအံၤဆူပှၤသုးဖိတကထိအခိၣ်အအိၣ် တက့ၢ်. အဝဲအိၣ်ဒီးတၢ်ဂ့ၢ်တမံၤလၢအကစံးဘၣ်တဲဘၣ်အီၤလီၤ.”

မၤတၢ် 23:17 Iomraidhean Croise

တၢ်ကတိၤဒိ. 22:3

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်ယိၤဟၣ် 18:12

မၤသးဒ်န့ၣ်ဒီး, ပှၤရိမ့ၤသုးဖိတဖၣ်ဃုာ်ဒီးအသုးခိၣ်ဒီး ယူဒၤအပှၤပၢၤတၢ်လုၢ်ဟံၣ်တဖၣ်, ဖီၣ်ယ့ၣ်ၡူးဒီးစၢဃာ်အီၤ,

မၤတၢ် 22:26

ဖဲသုးဖိတကယၤအခိၣ်နၢ်ဟူတၢ်အံၤန့ၣ်, အဝဲဒၣ်လဲၤဆူသုးဖိတကထိအခိၣ်အအိၣ်ဒီးသံကွၢ်အီၤ, “နမၤတၢ်မနုၤလဲၣ်န့ၣ် မ့ၢ်နသ့ၣ်ညါကစီဒီဧါ. ပှၤတဂၤန့ၣ်, မ့ၢ်ရိမ့ၤအထံဖိကီၢ်ဖိတဂၤလီၤ.”

မၤတၢ် 23:16

ဘၣ်ဆၣ်ဒီးစီၤပီလူးအဒီပုၢ်ဝဲၢ်မုၣ်အဖိခွါနၢ်ဟူတၢ်ကူၣ်ထီ ဒါစီၤပီလူးတမံၤအံၤအဂ့ၢ်လီၤ. လၢတၢ်န့ၣ်အဃိအဝဲလဲၤနုာ်ဆူသုးဖိအိၣ်တၢ်အလီၢ် တိာ်ပူၤဒီးတဲဘၣ်စီၤပီလူးလၢတၢ်ဂ့ၢ်အံၤလီၤ.

မၤတၢ် 23:18

ပှၤသုးဖိတကယၤအခိၣ်ဆှၢအီၤဆူပှၤသုးဖိတကထိအခိၣ် အအိၣ်ဒီးစံးဝဲ, “ပှၤဃိာ်ဖိစီၤပီလူးကိးယၤဒီးမၢယဟဲကိး ပိာ်ခွါသးစၢ်တဂၤအံၤဆူနအိၣ်, မ့ၢ်လၢအဝဲအိၣ်ဒီးတၢ်တမံၤလၢအကစံးဘၣ်တဲဘၣ်နၤ အဃိလီၤ.”

မၤတၢ် 23:23

အန့ၣ်ဝံၤဒီး, ပှၤသုးဖိတကထိအခိၣ်ကိးထီၣ်အသုးဖိတကယၤ အခိၣ်ခံဂၤဒီးစံးဘၣ်အီၤ, “ဒုးအိၣ်ကတဲာ်ကတီၤထီၣ်ပှၤသုးဖိခံ ကယၤ, ဃုာ်ဒီးပှၤဒိးကသ့ၣ်အဂၤနွံဆံဒီးပှၤစိာ်ဘီအဂၤခံကယၤ, ဒ်သိးအကလဲၤဆူဝ့ၢ်ကဲၤစါရံၤဒီးကတဲာ်ကတီၤသုသးလၢသုကဟး ထီၣ်ဒီးအဝဲသ့ၣ်ဖဲတနၤအံၤခွံနၣ်ရံၣ်အကတီၢ်တက့ၢ်.